Հեշտոցի լազերային նեղացում

Հեշտոցի լազերային նեղացում

Հեշտոցի լազերային նեղացման և երիտասարդացման մեթոդները

Եթե բարդ ծննդաբերությունից հետո, մշտական ֆիզիկական ծանրաբեռնվածության կամ տարիքային փոփոխությունների արդյունքում կնոջ հեշտոցամուտքի մաշկի երանգը և արտաքին տեսքը փոփոխվել են, կամ հեշտոցի մկանների թուլություն է նկատվում, ինչը կնոջը պատճառում է ֆիզիկական և հուզական անհանգստություն, ապա խնդրի լուծման տարբեր եղանակներ գոյություն ունեն:

Ընթերցեք նաև՝ Ինչպե՞ս հասկանալ, թե ինչ եք ուզում կյանքից

Արդյունավետ գործածվում են լազերային և ներարկման մեթոդները, իսկ ծանր դեպքերում իրականացվում է նվազագույն ինվազիվ շտկող միջամտություն: Հեշտոցի լազերային պլաստիկա Եթե ինտիմ հատվածի հյուսվածքների տոնուսն ու առաձգականությունը ցանկալի է վերականգնել, ապա խնդրի լուծումը հեշտոցի լազերային նեղացումն է: Նման ընթացակարգն իր նվազագույն ինվազիվության շնորհիվ անվանվում է ոչ թե վիրահատություն, այլ՝ միջամտություն: Միջամտության ցուցումները շատ են։

Լայնացած հեշտոցամուտքի, հեշտոցում առկա չափազանց չորության, սեռական շուրթերի լայնացման կամ հեշտոցի պատերի արտանկման դեպքերում լազերային բուժումը երկարատև արդյունք է ապահովում։ Միջամտությունը ցուցված է նաև այն կանանց, ովքեր գանգատվում են ինտիմ զգայունության նվազեցումից և ստանում են անբավարար զգացողություններ սեռական մերձեցման ժամանակ։

Հեշտոցի լազերային պլաստիկան լուծում է նաև մեկ այլ խնդիր՝ անմիզապահությունը, որն առաջանում է մկանների թուլացման հետևանքով:

Հեշտոցի լազերային պլաստիկայի հակացուցումները Խորհուրդ չի տրվում իրականացնել հեշտոցի լազերային նեղացում հետևյալ դեպքերում.

• Հղիության և լակտացիայի ընթացքում,

• Զարգացող ուռուցքի դեպքում՝ անկախ գտնվելու վայրից,

• Փոքր կոնքի օրգանների և սեռական համակարգի սուր և քրոնիկ հիվանդությունների դեպքում, Միջամտության առանձնահատկությունները Նախապատրաստական փուլում անհրաժեշտ է.

• Անցնել զննում բժշկի մոտ, կատարել ուլտրաձայնային հետազոտություն, հանձնել քսուքի ընդհանուր անալիզ, բացառել սեռավարակների առկայությունը:

• Հեշտոցի լազերային նեղացում կատարելու օպտիմալ տարիքը` 25-55 տարեկանն է:

Միջամտությունը հիմնականում անցնում է անցավ, հետևաբար անզգայացում չի պահանջում: Գինեկոլոգիական աթոռի վրա բժիշկը նախ չորացնում է հեշտոցը, այնուհետև նրա մեջ տեղադրում է լազերային սարքավորման հատուկ գլխիկը:

Կինը զգում է միայն լազերի թույլ ջերմությունը և չնչին թրթռոց: Լազերային ընթացակարգի տևողությունը 20-40 րոպե է։ Լազերի կիրառումն ապահովում է ինտիմ հատվածների ուրվագծային պլաստիկայի բոլոր առավելությունները` արդյունավետություն, անվտանգություն և ցավի բացակայություն։
 
  Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին