Արդյո՞ք գիշերային աշխատանքն իսկապես բացասաբար է ազդում առողջության վրա
Արդյո՞ք գիշերային աշխատանքն իսկապես բացասաբար է ազդում առողջության վրա
Գիշերային աշխատանքը վաղուց կապված էր ճարպակալման, շաքարախտի և քաղցկեղի առաջացման մեծ ռիսկի հետ: Ըստ տվյալների՝ նրանց օրգանիզմում, ովքեր աշխատում են գիշերային հերթափոխով, նվազել է ԴՆԹ-ի վնասը վերացնելու ունակությունը: Սա նկատելի է 8-OXO-DG քիմիական նյութի բովանդակությամբ:
Այն արտազատվում է մեզի մեջ, երբ օրգանիզմը վերականգնում է վնասված ԴՆԹ-ն: 8-Oxo-DG-ի իջեցված մակարդակն արտացոլում է ԴՆԹ-ն վերականգնելու ունակության վատթարացումը, ժամանակի հետ նման վնասը մեծացնում է քաղցկեղի և այլ հիվանդությունների ռիսկը: Գործընթացը կարող է առաջանալ մելատոնինի պակասի պատճառով: Այս հորմոնը օգնում է կարգավորելու օրգանիզմի ներքին ժամացույցը: Մեր ուղեղը մելատոնինն արտադրում է` ի պատասխան մթության: Նրանց մոտ, ովքեր գիշերը աշխատում են, մելատոնինի մակարդակը սովորաբար ավելի ցածր է: Բայց ամեն ինչ միանշանակ չէ: Ապացուցված չէ գիշերային հերթափոխով աշխատանքի կապը ԴՆԹ-ի հետ կապված խնդիրների հետ։ Եվ, այնուամենայնիվ, պարզ չէ, թե որքանով է դա կապված մելատոնինի հետ: Պատճառահետևանքային կապի մասին որևէ ապացույց չկա: Ուսումնասիրվել են 50 մասնակիցներ, ովքեր աշխատում են գիշերը: Նկատվել է, որ գիշերային հերթափոխով աշխատող մասնակիցներն ունեցել են 8-Oxo-DG-ի մակարդակի նվազում մեզի մեջ:
Այն գիշերները, երբ նրանք քնում էին, այս նյութի մակարդակը ավելի բարձր էր: Հետազոտողները նաև պարզել են, որ 8-Oxo-DG-ի անկմամբ նվազել է մելատոնինի մակարդակը: Բայց այս տվյալները բավարար չեն: Անհրաժեշտ է ուսումնասիրել, թե ինչպես կանդրադառնա մելատոնինի ընդունումը Biomarker 8-Oxo-DG-ի վրա: Միանշանակ արդյունքներ չկան, ուստի պետք չէ մելատոնինի հավելյալ հորմոններ ընդունել, հատկապես որ հայտնի չէ, թե հավելումներն ինչ քանակությամբ են հորմոն պարունակում։
Բացի այդ, մելատոնինը կարող է առաջացնել քնկոտություն և խանգարել աշխատանքի ընթացքում։ Գիշերային հերթափոխով աշխատողներին խորհուրդ է տրվում ուշադիր հետևել առողջությանը, հրաժարվել ծխելուց և զբաղվել սպորտով։
Աղբյուրը
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին