Համատեղել աշխատանքն ու առողջությունը․ ինչպե՞ս

Համատեղել աշխատանքն ու առողջությունը․ ինչպե՞ս

Ժամանակակից կանանց մեծամասնությունն իր ժամանակի մեծ մասն անցկացնում է աշխատավայրում։ Անկախ աշխատանքի բնույթից միշտ պետք է ժամանակ գտնել և հոգալ սեփական առողջության մասին։ Քչերն են տեղյակ, թե որքան մեծ վնաս կարող է հասցնել գրասենյակային սովորական աշխատանքային օրը։

Սկոլիոզ, օստեոխոնդրոզ

Նույն դիրքում երկար նստելու դեպքում ողնաշարը ծանրաբեռնվում է և չի սնուցվում։ Արդյունքում տուժում է կեցվածքը և մեջքի ցավ է ի հայտ գալիս։

Ավելորդ քաշ

Ավելորդ կիլոգրամներն ու ցելյուլիտը շատերին է ծանոթ։ Նստակյաց ապրելակերպը դանդաղեցնում է նյութափոխանակությունը և նպաստում գիրացմանը։

Թութք՝ հեմորոյ

Երկարատև նստած մնալու դեպքում փոքր կոնքի արյան շրջանառությունը խանգարվում է, ինչը հանգեցնում է թութքային հանգույցների մեծացմանը։

Կարդացեք՝ Թութք  

Վարիկոզ

Ոտքերի երակների վարիկոզ լայնացումն սպառնում է հատկապես բարձրակրունկ կոշիկների սիրահարներին։

Կարդացեք նաև՝ Փոքր կոնքի երակների վարիկոզ լայնացում

Գինեկոլոգիական հիվանդություններ

Նստակյանց աշխատանքը նպաստում է փոքր կոնքում կանգային երևույթների առաջացմանը, ինչը կարող է դառնալ ոչ միայն գինեկոլոգիական հիվանդությունների, այլև երիկամների, ուղիղ աղիքի և այլ օրգանների հիվանդությունների պատճառ։

Ինչպե՞ս խուսափել խնդիրներից

Վերոնշյալ բոլոր խնդիրներից հնարավոր է խուսափել։ Կան մի շարք վարժություններ, որոնք գրասենյակում կատարելը ոչ մի դժվարություն չի ներկայացնի և միայն կնպաստի առողջության ամրապնդմանը։

Ողնաշար

Ուղիղ նստեք, ձեռքերը կողպեք և բարձրացրեք գլխավերև։ Սկսեք դանդաղորեն ձգվել վեր, որքան հնարավոր է վեր, որպեսզի ձգվի յուրաքանչյուր ողը։ Վերադարձեք սկզբնական դիրքին և նույնը կրկնեք հինգ անգամ՝ շարունակելով նստած մնալ ամբողջ ընթացքում։

Ամրացնում ենք ազդրերի և որովայնի մկանները

Ուղիղ նստեք, ներս քաշեք որովայնը։ Մի ձեռքը դրեք գոտկատեղին, իսկ մյուսով ձգվեք դեպի հատակը՝ կարծես ընկած գրիչն եք վերցնում։ Խոնարհվեք, բայց մեջքն ուղիղ պահելով։ Կրկնեք տասն անգամ յուրաքանչյուր կողքի համար։ Նշված վարժությունը խթանում է արյան շրջանառությունը, ամրացնում է ազդերի և որովայնի մկանները, կանխում ցելյուլիտի առաջացումը։

Կանխում ենք վարիկոզը

Նստեք, բռնվեք նստելատեղից և ծալած ծնկները հնարավորինս վեր բարձրացրեք, այնուհետև սկսեք հեծանիվ քշել։

Կոնքազդրային հոդեր

Կանգնեք և բռնվեք աթոռի հենակից։ Այնուհետև սկսեք դանդաղորեն նստել, այնքան իջեք դեպի հատակը, որ ազդրերը և հատակը զուգահեռ ուղղությամբ դառան։ Կրկնեք տասն անգամ։

Թութքի կանխարգելման և փոքր կոնքի արյան շրջնառությունը լավացնելու համար կանգնած դիրքում սկսեք ազդրերով շրջանաձև շարժումներ անել։

Անկախ աշխատանքի բնույթից միշտ ժամանակ հատկացրեք պարզ վարժությունների կատարմանը, դրանք ընդամենը րոպեներ կխլեն, բայց կկանխեն առողջական բազմաթիվ խնդիրներ։

Ձվարանների խթանում և արհեստական բեղմնավորում

Ձվարանների խթանում և արհեստական բեղմնավորում

Ձվարանների խթանումն ու արհեստական բեղմնավորումը վերարտադրողական բժշկության հիմնական մեթոդներն են, որոնք ուղղված են այն զույգերին, ովքեր դժվարություններ ունեն բեղմնավորման հարցում:

Կանացի չզարգացող հղիություն. պատճառների, ախտորոշման և հաջողակ մայրության ուղիների խորը վերլուծություն

Կանացի չզարգացող հղիություն. պատճառների, ախտորոշման և հաջողակ մայրության ուղիների խորը վերլուծություն

Չզարգացող հղիությունը ցավոտ և բարդ խնդիր է, որի հետ բախվում են շատ կանայք։ Երեխայի կորուստը հղիության վաղ շրջանում կարող է հոգեբանական խորը վնասվածքներ թողնել և բազմաթիվ հարցեր առաջացնել

Կանացի անպտղություն. երբ երազանքը հետաձգվում է

Կանացի անպտղություն. երբ երազանքը հետաձգվում է

Անպտղությունը կնոջ համար ծանր հարված է, երբ թվում է, թե երազանքներից մեկը անհասանելի է դառնում

Ի՞նչ նպատակով է տեղադրվում հակաբեղմնավորիչ իմպլանտը

Ի՞նչ նպատակով է տեղադրվում հակաբեղմնավորիչ իմպլանտը

Հակաբեղմնավորման նպատակով տեղադրվում է իմպլանտը (AKA Nexplanon) լուցկու հատիկի չափ փոքրիկ, բարակ ձող է