Վիտիլիգոն և հղիությունը

Վիտիլիգոն և հղիությունը

Վիտիլիգոն հղիության ընթացքում իրական խնդիր է կանանց համար, ովքեր տառապում են մաշկային հիվանդություններից: Հիվանդությունը տարածված է երիտասարդ կանանց շրջանում: Հիվանդության պատճառները լիովին բացահայտված չեն, և չկա 100 %-անոց բուժող միջոց։

Ընթերցեք նաև՝ Պարը հղիների համար․ արդյոք վտանգավոր է
Եթե հղի կինը հիվանդության կրող է, ապա հիվանդությունը երեխային փոխանցելու
հավանականությունը 50 % է: Նույնիսկ եթե պաթոլոգիան փոխանցվի նորածնին,
սա չի նշանակում, որ երեխայի վրա բծեր կհայտնվեն հետագայում: Հղի կինը պարտավոր է՝

• կիրառել անհրաժեշտ միջոցներ հղիության ընթացքում օրգանիզմի
պաշտպանության համար,
• վարել առողջ կենսակերպ,
• բացառել վատ սովորությունները,
• օրգանիզմին ապահովել բավարար քանակությամբ միկրոտարրերով և
վիտամիններով։

Այս դեպքում մոր հիվանդությունը երեխային փոխանցվելու հավանականությունը գրեթե հավասար է զրոյի: Մի՛ հետաձգեք հղիությունը վիտիլիգոյի պատճառով: Այցելե՛ք գինեկոլոգի և
մանրամասն քննարկեք։ Առանց պիգմենտների բծերը միայն կոսմետիկ անհարմարություն են պատճառում հղի կնոջը, և լիովին անվնաս են պտղի համար: Չկա որևէ ապացույց, որ վիտիլիգոն ազդում է երեխայի ֆիզիկական կամ մտավոր զարգացման վրա: Այն չի ազդում ո՛չ մարմնի զանգվածի, ո՛չ ուղեղի զարգացման, և ո՛չ էլ միզասեռական համակարգի վրա: Բժշկական կլինիկաների այսօրվա տեխնիկական հնարավորությունները թույլ են տալիս
պարզել զարգացման պաթոլոգիան ամենավաղ փուլերում: Ըստ վիճակագրության արդյունքների՝ վիտիլիգոն որևէ կերպ չի ազդել հղիության վրա։ Սա վերաբերում է թե՛ միապտուղ, թե՛ բազմապտուղ հղիությանը: Կա մի ձևավորված կարծրատիպ, որ վիտիլիգոն ուժեղացնում է սրտխառնոցը: Սա ընդամենը միֆ է: Հղիությունը չի սրացնում հիվանդության ախտանիշները, և մայրիկի համար հիվանդությունն անվնաս է: Սրտխառնոցն ունի այլ պատճառներ և որևէ առնչություն չունի բծերի առաջացման հետ։ Կնոջ ինքնազգացողությունը
չի տուժում նույնիսկ, եթե պաթոլոգիան տարածվում է մաշկի 50 %-ի վրա:

Հնարավո՞ր է հղիության ընթացքում բուժել հիվանդությունը:
Վիտիլիգոյով տառապող կինը նախապես է պլանավորում հղիությունը՝ մի քանի ամիս առաջ այցելելով բժշկի: Եթե մասնագետը նշանակում է բուժական ընթացակարգեր, մի՛ անտեսեք խորհուրդները, պետք է երկար ժամանակ ընդունել դեղերը: Վիտիլիգոյով տառապող շատ կանայք հղիությունից հետո շարունակում են օգտագործել կոսմետիկա` մաշկի տեսանելի թերությունները նվազեցնելու համար: Զգո՛ւյշ եղեք նման դեպքերում: Փոքր արտադրողները երբեմն չեն փորձարկում իրենց արտադրանքը, և պարզ չէ, թե այն ինչպես կազդի հղի կնոջ
վրա։ Ժողովրդական միջոցները կարող են հարթեցնել վիտիլիգոյի ախտանիշները, բայց
չի կարելի զբաղվել ինքնաբուժությամբ։ Նախքան բուժման ընթացքի մեկնարկը՝
խորհրդակցեք մասնագետի հետ:
Ի՞նչ անել, եթե հղիության ընթացքում հայտնվում են բծեր:
Եթե մաշկի վրա բծեր են հայտնվում հղիության ընթացքում, ապա տեղեկացրեք
գինեկոլոգին։ Դուք կանցնեք լրացուցիչ հետազոտություններ, որից հետո բժշկի կողմից կնշանակվեն վիտամիններ և միներալներ։
Ի՞նչ բժշկի դիմել վիտիլիգոյի կասկածի դեպքում:
Առաջին հերթին դիմեք մաշկաբանի: Կարևոր է, որ չհետաձգեք այցելությունը. եթե գունաբացվել և սպի է առաջացել մաշկի միայն մի փոքր հատվածում, դա արդեն հիմք է՝ մասնագետի դիմելու համար: Միայն ժամանակին սկսած բուժումը, ամբողջական հետազոտությունները, հնարավոր պատճառների բացահայտումը և վերացումը բուժական լավ արդյունքների գրավականն են:

Վիտիլիգոն և հղիությունը
Արդյո՞ք ապագա երեխայի համար վտանգ կա
Հղիության ընթացքում կնոջ գրեթե ցանկացած հիվանդության բուժում ազդում է
պտղի զարգացման վրա: Բացառություն չեն նաև մաշկային հիվանդությունները: Ցանկացած բուժում պետք է համաձայնեցվի մասնագետի հետ և իրականացվի նրա վերահսկողությամբ:
Ի՞նչ վտանգ է ներկայացնում վիտիլիգոն հղիության ժամանակ: Հնարավո՞ր է
վիտիլիգոն բուժել հղիության ընթացքում, թե՞ պետք է սպասել հղիության
ավարտին: Վիտիլիգոն մաշկի հիվանդություն է, որի դեպքում գունաթափված բծեր են
հայտնվում մարմնի վրա, այսինքն, մաշկի որոշ տարածքներ, ինչ-ինչ
պատճառներով, զրկվում են պիգմենտից: Վիտիլիգոյի առաջացման ճշգրիտ պատճառները դեռ հստակեցված չեն, բայց համարվում է, որ այս հիվանդությունը պատկանում է աուտոիմունային
հիվանդությունների շարքին: Հիվանդության առաջացման պատճառներից կարող են լինել.

• Գենետիկ նախատրամադրվածությունը։ Հիվանդությունը ծնողներից երեխային
փոխանցվում է 50 % հավանականությամբ
• Էնդոկրին համակարգի դիսֆունկցիա
• Իմունային համակարգի խանգարում
• Սթրեսներ, նյարդային համակարգի հիվանդություններ, քնի պակաս, հոգնածություն:

Ոմանք կարծում են, որ վիտիլիգոյի պատճառներ կարող են լինել՝ արևի լույսը, փոփոխված հորմոնալ ֆոնը՝ հղիության ընթացքում: Սակայն ո՛չ հղիությունը, ո՛չ էլ արտաքին գործոնները վիտիլիգոյի առաջացման պատճառ չեն: Վիտիլիգոյի բուժումը նշանակում է մաշկաբանը՝ կախված հիվանդության ընթացքի բնութագրից և հետազոտության արդյունքներից, մաշկի վիճակից:
Այս հիվանդության բուժման մի քանի մեթոդներ կան.
• Բուժում ուլտրամանուշակագույն ճառագայթումով, այսինքն` մաշկի տուժած
տարածքների ճառագայթումը` հատուկ դեղերի (բուսական) օգտագործման
միջոցով:
Այս բուժման մեջ կան մի շարք հակացուցումներ.
• Տարիքը (բուժումն իրականացվում է 5-60 տարեկան հասակում)
• Մաշկի չարորակ ախտահարումները
• Ալերգիան՝ կիրառվող դեղամիջոցից
• Հղիությունը:
• Հելիում-նեոն լազերային ճառագայթում: Այս մեթոդը գործնականում կողմնակի
բարդություններ չունի:

Իմունիտետի բարձրացումը, վիտամինների ընդունելությունը, սթրեսի բացակայությունը և առողջ ապրելակերպն օգնում են վիտիլիգոյի բուժմանը։ Վերը թվարկված մեթոդներով բուժումը՝ մաշկաբանի հսկողությամբ, բավականին արդյունավետ է համարվում։ Մեկ այլ բան է, երբ վիտիլիգոն ուղեկցում է հղիության ընթացքում: Մասնագետները հղի կանանց խորհուրդ չեն տալիս զբաղվել վիտիլիգոյի բուժմամբ։ Ուսումնասիրությունները ցույց են տվել, որ վիտիլիգո հիվանդության առկայությունը հղիության ընթացքում որեւէ բարդություն չի առաջացնում: Ուսումնասիրությունները չեն բացահայտել վիտիլիգոյի և հղիության անբարենպաստ արդյունքների միջև որևէ կապ: Մասնագետները խորհուրդ են տալիս հղիություն պլանավորելուց առաջ հետազոտություն կատարել և վիտիլիգոյի առկայության դեպքում բուժվել: Եթե վիտիլիգոն կապված չէ այլ խնդիրների հետ և առաջացնում է միայն
անհանգստություն, հուզական խանգարում, բժշկական դեղամիջոցներով բուժում
չի կիրառվում, արգելված է օգտագործել լազերային թերապիա: Կան ժողովրդական բաղադրատոմսեր, որոնք ենթադրում են դեղորայքային խոտաբույսերի օգտագործումը: Սակայն դրանց նույնպես պետք է զգույշ վերաբերել, քանի որ հնարավոր են թունավորումներ և ալերգիկ ռեակցիաներ:

Բուժումն անհրաժեշտ է միայն այն դեպքում, երբ վիտիլիգոն լուրջ հիվանդության ախտանիշ է.
• շաքարախտ
• աուտոիմունային հիվանդություն
• քիմիական նյութերի հետ շփում
• սթրես

Վիտիլիգոյի պատճառի պարզաբանմամբ և բուժմամբ զբաղվում է միայն
բժիշկը: Չի՛ կարելի զբաղվել ինքնաբուժությամբ: Վիտիլիգոյի ախտորոշումը և
բուժման ժամանակակից մեթոդները հնարավորություն են տալիս կանխելու
տարբեր բարդություններ:
 

 Աղբյուրը
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին