Քնկոտության 11 վտանգավոր և անվտանգ պատճառներ

Քնկոտության 11 վտանգավոր և անվտանգ պատճառներ

1. Ձեզ խանգարում են կալորիաները
Սա վերաբերում է ոչ միայն նրանց, ովքեր ունեն սահմանափակ սննդակարգ և գիտակցաբար սահմանափակում են իրենց սնունդը: Երբեմն ծանրաբեռնվածության և սթրեսի պատճառով կարող եք չնախաճաշել կամ չճաշել: Արդյունքում, արյան շաքարի մակարդակը նվազում է, մարմինը պարզապես էներգիա չի ունենում, առաջանում է հոգնածություն և քնելու ցանկություն:
Ինչ անել
Հետևեք էներգիայի ռեժիմին: Հատկապես այն դեպքում, երբ դուք շատ եք աշխատում կամ սովորում:
Եթե ինչ-ինչ պատճառներով հնարավորություն չունեք նախաճաշելու կամ ճաշելու, Ձեզ մոտ առողջ նախուտեստներ պահեք՝ բանան, սպիտակուցային սալիկներ, ընկույզ, չիր: Դրանք կօգնեն օրվա ընթացքում էներգիա պահպանելու:
2. Ձեզ պակասում է ֆիզիկական ակտիվությունը
Նստակյաց ապրելակերպն առաջացնում է հոգնածություն և քնկոտություն։ Որքան քիչ եք շարժվում, այնքան ավելի շատ եք ուզում քնել, հետևաբար պետք է շատ շարժվել:
Ինչ անել
Որքան հաճախ եք վեր կենում, քայլում, այնքան լիցքավորվում եք, ավելի եռանդուն և քիչ քնկոտ դառնում: Ստուգեք և համոզվեք:
3. Դուք ունեք ավելորդ քաշ
Ավելորդ քաշը և ճարպակալումը օրվա ընթացքում կարող են հոգնածություն և քնկոտություն առաջացնել: Դա պայմանավորված է նրանով, որ մկանները, սրտանոթային և այլ համակարգեր պետք է ավելի մեծ ջանքեր գործադրեն՝ օրգանիզմին թթվածնի և սննդանյութերի անհրաժեշտ քանակությամբ ապահովելու համար:
Ինչ անել
Փորձեք կարգավորել քաշը
Տեսականում բաղադրատոմսը պարզ է. առողջ սնունդ, կալորիականության սահմանափակում, ֆիզիկական ակտիվություն: Գործնականում փոխեք կենսակերպը` լրացուցիչ կիլոգրամներից ազատվելու համար, դա կարող է դժվար լինել, բայց հարկավոր է ջանք գործադրել։
4. Դուք ունեք քրոնիկ սթրես
Սուր սթրեսի ժամանակ օրգանիզմում մեծանում է ադրենալին և կորտիզոլ հորմոնների մակարդակը. մկանների համար արյան ալիքը մեծանում է, մարմինը պատրաստ է արագ լիցքաթափման: Դա նորմալ է և նույնիսկ կարող է փրկել ձեր կյանքը: Բայց եթե սթրեսը երկար է տևում և լիցքաթափում տեղի չի ունենում, առաջանում է՝գլխացավ, հյուծվածություն, հոգնածություն, այդ թվում` քնկոտություն` օրվա ընթացքում երկարաձգված նյարդային գերլարումների ախտանիշներով:
Ինչ անել
Սթրեսից ազատվելու միջոց փնտրեք: Որոշ դեպքերում բավարար է ազատվել հրահրող գործոնների ազդեցությունից, օրինակ, ավելի քիչ ժամանակ անցկացրեք սոցիալական ցանցերում, փոխեք ոչ սիրելի աշխատանքը և այլն...
5. Դուք ընկճախտով (դեպրեսիա) եք տառապում
Երբեմն մարդիկ, ովքեր ունեն դեպրեսիա, ունեն սովորական վարք: Կարող եք հայտնաբերել խնդիրը՝ նկատելով վարքի փոփոխություններ: հոգնածությունը, անընդհատ քնելու և անկողնում մնալու ցանկությունը թաքնված ընկճախտի ախտանիշներ են:
Ինչ անել
Եթե զգում եք, որ աշխարհը մոխրագույն է դարձել, ոչինչ չեք ուզում (բացի քնելուց), դիմեք հոգեթերապևտի կամ գոնե ձեր թերապևտին. նա կհասկանա խնդիրը, և անհրաժեշտության դեպքում ձեզ կուղղորդի մասնագետի մոտ, ով կօգնի հաղթահարելու ընկճախտը:
6. Դուք ունեք քրոնիկ հոգնածության համախտանիշ
Սա ընդհանուր խախտում է: Միայն Միացյալ Նահանգներում քրոնիկ հոգնածության սինդրոմով (SHU) տառապում է 2,5 միլիոն մարդ: Որպես կանոն, խախտումների հիմնական ախտանիշը ուժերի պակասն ու քնկոտությունն են, որոնք շարունակվում են երեք շաբաթից ավելի։
Ինչ անել
Դժբախտաբար, այս հիվանդությունը հայտնաբերելը դժվար է: Շուի ախտորոշում կատարելուց առաջ թերապևտը պետք է բացառի առողջական այլ խնդիրներ: Եթե քրոնիկ հոգնածության համախտանիշ կա, պետք է ընդունեք պատշաճ սնունդ, վարժություններ կատարեք և անցնեք ճանաչողական վարքային թերապիա:
7. Դուք ունեք որոշ վիտամինների կամ հանքանյութերի պակաս
Քնկոտությունը հաճախ առաջանում է վիտամին D կամ B12-ի անբավարարությունից, ինչպես նաև երկաթի, մագնեզիումի կամ կալիումի: Այս բոլոր նյութերը կարևոր դեր են խաղում: Եթե նրանք բացակայում են, դուք ձեզ ուժասպառ եք զգում և անդադար քնել եք ցանկանում։
Ինչ անել
Ստուգելու համար, թե արդյոք ունեք վիտամինների և հանքանյութերի պակաս, անհրաժեշտ է անցնել արյան ստուգում: Բժիշկը կկարողանա պատշաճ կերպով վերծանել վերլուծությունների արդյունքները և, անհրաժեշտության դեպքում, կառաջարկվի վիտամիններ, ինչպես նաև անհրաժեշտ է հետևել սննդակարգին։
Օրինակ, երկաթի մակարդակը բարձրացնելու համար հարկավոր է ուտել սպանախ, լյարդ և կարմիր միս:
8. Դուք որոշակի դեղեր եք ընդունում
Եթե քնկոտության առաջացումը համընկնում է որևէ դեղամիջոցի ընդունման սկիզբի հետ, հնարավոր է, որ դա դեղորայքի կողմնակի ազդեցությունն է:
Ինչ անել
Կարդացեք դեղորայքի մասին, եթե քունը նշված է կողմնակի բարդությունների ցանկում, դիմեք ձեր բժշկին, ով կընտրի բուժման այլընտրանք:
9. Դուք ունեք քնի խանգարում
Անքնություն, անհանգիստ ոտքերի համախտանիշ, գիշերային ապնոե. կան քնի տասնյակ խանգարումներ: Իսկ թե որ խանգարման պատճառով դուք չեք կարողանում հագենալ քնից, միայն բժիշկ կարող է հասկանալ:
Ինչ անել
Եթե ունեք հետևյալ ախտանիշները, դիմեք բժշկի․
• քնելու համար անհրաժեշտ է նվազագույնը կես ժամ,
•դուք պարբերաբար արթնանում եք գիշերվա ընթացքում,
• քնի ընթացքում խռռացնում եք, սեղմում ատամները, կամ ձեր սիրելիին երբեմն թվում է, որ ձեր շնչառությունը դադարում է,
• քնի ընթացքում, հաճախ թմրում են ձեռքերն ու ոտքերը,
• դուք քնում եք անհանգիստ,
• հաճախ եք արթնանում գլխացավով։
• Պատահում է, որ երազում ինչ-որ անսովոր բան է պատահում. օրինակ, փորձում եք բարձրանալ և ինչ-որ տեղ գնալ: Արթնանալով, երբեմն որոշ ժամանակ զգում եք սուր մկանային թուլություն և չեք կարողանում շարժել ձեռքերն ու ոտքերը:
10. Գուցե շաքարախտ ունեք
Օրվա ընթացքում արտառոց հոգնածությունը շաքարախտի զարգացման ակնհայտ նշաններից մեկն է: Սա միակ ախտանիշը չէ. այլ ախտանիշներից են՝ ծարավը, հաճախակի միզարձակությունը, մաշկի քորը, վերքի դանդաղ բուժումը և ոչ միայն:
Ինչ անել
Խորհրդակցեք թերապևտի հետ: Բժիշկը կստուգի և կուղղորդի անհրաժեշտ ստուգումների։ Ըստ դրանց արդյունքների, անհրաժեշտության դեպքում, կստանաք բուժում:
11. Դուք ունեք սրտանոթային հիվանդություն
Անկողնում ավելի քան 8-9 ժամ անցկացնելու մշտական ցանկությունը կարող է լինել սրտանոթային համակարգի աշխատանքի խախտման նշան:
Ինչ անել
Եթե դուք փոխում եք ապրելակերպը, օրինակ, սկսում եք լիարժեք ուտել, շարժվել և վստահ եք, որ գիշերը լավ եք քնել, բայց օրվա քնկոտությունը չի հեռանում, պետք է խորհրդակցել թերապևտի հետ՝ հնարավորինս մանրամասն նկարագրելով ձեր գանգատները: Երբեմն սրտանոթային համակարգի հիվանդությունները կարող են դրսևորվել առավել անսպասելի ձևով, և բժիշկը պետք է հստակ հասկանա, թե ինչպիսի ախտանիշներ ունեք:

Աղբյուրը