6 անսովոր փաստ այն մասին, թե ինչպես է աղին ազդում ամբողջ օրգանիզմի վրա 

6 անսովոր փաստ այն մասին, թե ինչպես է աղին ազդում ամբողջ օրգանիզմի վրա 
Աղիքը պարունակում է տրիլիոնավոր մանրէներ, որոնք փոխազդում են  յուրաքանչյուր օրգանի հետ: Պարզվում է, որ մարսողական համակարգը պատասխանատու է շատ օրգանների առողջության համար՝ մաշկից մինչև երիկամներ: 
1. Աղիները կարող են փչացնել մաշկը 
Ցանը, չորությունը, շերտավորումը ազդում են մաշկի վրա և փչացնում տեսքը: Միևնույն ժամանակ, դրանք վկայում են, որ առկա են մարսողական համակարգի հետ կապված խնդիրներ: Շատ այլ օրգանների նման՝ մաշկը կարող է արձագանքել աղիքի խնդիրներին, և ցանը՝ ամենատարածված արձագանքն է, քանի որ էկզեման, կարմրությունը և ցանը իմունային արձագանք են: Շատ հաճախ, որոշ մթերքներ հրահրում են այս ալերգիկ ռեակցիան: Բավական է բացառել նրանց սննդակարգից, և ցանը կվերանա, բայց ակնեի դեպքում, հակառակ տարածված համոզմունքի, սննդակարգը գրեթե ոչ մի ազդեցություն չունի: 
2. Աղիքն ազդում է ուղեղի վրա 
Թվում է, որ ուղեղը կախված չէ աղիքներից: Բայց իրականում այդ օրգանները փոխազդում են։ Աղիների բջիջները արտադրում են սերոտոնին հորմոն, որը ազդում է բազմաթիվ գործընթացների վրա և առավել հայտնի է որպես տրամադրության հորմոն: Աղիքային միկրոֆլորան մասնակցում է ցիտոկինների արտադրությանը. դրանք իմունային համակարգի սպիտակուցներ են, որոնք նույնպես ազդում են ուղեղի վրա: Աղիքի մանրէները արտադրում են նյութեր, որոնք ազդում են ուղեղ մատակարարվող արյան արգելքի վրա: Կոպիտ ասած՝ դա ֆիլտր է ուղեղի և շրջանառության համակարգի միջև, որը պաշտպանում է ուղեղը արյան մեջ առկա վնասակար ամեն ինչից: 
3. Աղիները ազդում են դիմադրողականության վրա 
Ամեն օր հսկայական քանակությամբ սպիտակուցներ և հարուցիչներ, որոնք մեզ համար խորթ են, և նյութեր, որոնք կարող են հիվանդություն առաջացնել, սննդով մտնում են աղիքներ: Այդ պատճառով աղիները հարմարվել են, որպեսզի հնարավորինս արագ չեզոքացնեն  այդ նյութերը: Իմունային համակարգի զգալի մասը իրականում աղիներում է, ուստի մարսողական տրակտի աշխատանքը ազդում է ամբողջ օրգանիզմի վրա: 
4. Աղիքն ազդում է երիկամների վրա 
Երիկամներն ու հաստ աղին օգնում են կարգավորելու օրգանիզմի՝ ջրի և աղի հավասարակշռությունը: Երիկամները նույնպես մասնակցում են օրգանիզմը ջրի մեջ լուծվող տոքսիններից մաքրելու գործընթացին, որոնք կարող են արյան մեջ մտնել աղիքներից կամ առաջանալ մեր ստամոքս-աղիքային տրակտի մանրէներից: 
5. Աղիքն ազդում է լյարդի առողջության վրա 
Երիկամների նման, լյարդը պատասխանատու է օրգանիզմի մաքրման համար: Ամենը, ինչ աղիքներից արյան մեջ է մտնում, կհայտնվի լյարդում: Բոլոր նյութերը, ներառյալ հորմոնները, տոքսինները, դեղերը անցնում են լյարդի միջով՝ մաղձով տեղափոխվելով աղիքներ, որտեղից դրանք ավելի հեշտ են հեռացվում: Աղիքների բնականոն գործունեության և աղիքների ամբողջականության փոփոխությունները կարող են հանգեցնել լյարդի քրոնիկ հիվանդությունների և նույնիսկ դրա կառուցվածքի փոփոխության: 
6. Մեր քաշը կախված է աղիքներից 
Հասկանալի է, որ քաշը կախված է այն ամենից, ինչ մենք ուտում ենք։ Սակայն այն կախված է նաև աղիներում առկա մանրէներից։ Քաշն ավելացնելու համար պետք է ուտել ավելի շատ սննդարար մթերքներ։ Աղիքները սնունդը բաժանում են ըստ նյութերի: Կախված նրանից, թե աղիքը որ բակտերիաներն է ավելի շատ պարունակում, այն կարող է վերամշակել կերած սնունդը քիչ կամ շատ: Հետևաբար, դուք պետք է կերակրեք ոչ միայն ինքներդ ձեզ, այլև բակտերիաներին։
 
Աղբյուրը
Ինչու է սև շոկոլադն օգտակար  առողջության համար 

Ինչու է սև շոկոլադն օգտակար  առողջության համար 

Սև շոկոլադը հակաօքսիդիչների և հանքանյութերի հիանալի աղբյուր է, որոնք բոլորը պետք է ներառեն իրենց սննդակարգում:

Քնի բնույթը. ինչու ենք մենք քնում, քնի պակասի հետևանքները 

Քնի բնույթը. ինչու ենք մենք քնում, քնի պակասի հետևանքները 

Քունը ճոխություն չէ, այլ ֆիզիկական և հոգեկան առողջության համար անհրաժեշտ գործընթաց

Եթե ցանկանում  եք արագ նիհարել և պահպանել մկանները, ծոմ  պահեք 

Եթե ցանկանում  եք արագ նիհարել և պահպանել մկանները, ծոմ  պահեք 

Ինչով է ընդհատումներով ծոմապահությունը տարբերվում դիետայից 

12 առասպել քաղցկեղածինների մասին, որոնց վաղուց պետք չէ հավատալ 

12 առասպել քաղցկեղածինների մասին, որոնց վաղուց պետք չէ հավատալ 

«Քաղցկեղածին» բառը ծագել  է լատինական cancer՝ «քաղցկեղ» բառից։ Այս տերմինը նշանակում է՝ այն ամենը, ինչ կարող է առաջացնել չարորակ ուռուցքներ: