Այլ նյութեր

Առողջության 10 չափանիշ, որոնք անհրաժեշտ է պարբերաբար վերահսկել

Առողջության 10 չափանիշ, որոնք անհրաժեշտ է պարբերաբար վերահսկել

1. Արյան ճնշում

120/80 և ցածր ճնշումը նորմալ է համարվում: Եթե վերին ցուցանիշը (սիստոլիկ ճնշումը) գտնվում է 120-129-ի սահմաններում, ապա ճնշումը բարձր է: Եվ արժե զգուշանալ, քանի որ այն հաճախ վերածվում է հիպերտոնիայի, որը կապված է

աթերոսկլերոզի, սրտի կաթվածի և ինսուլտի ռիսկի հետ:

Ընթերցեք նաև՝ Կարելի՞ է արդյոք ժամկետանց դեղեր ընդունել

Հիպերտոնիայի վաղ

փուլերում ախտանիշեր չկան, ուստի կարևոր է պարբերաբար չափել արյան ճնշումը` դրա փոփոխությունները ժամանակին նկատելու համար: Մի հապաղեք բժշկի դիմել, եթե այն բարձրանում է:

2. Խոլեստերինի մակարդակ

Խոլեստերինն անհրաժեշտ է օրգանիզմում բջիջներ ստեղծելու և այլ կարևոր

գործընթացների համար, բայց դրա մեծ քանակը վտանգավոր է: Խոլեստերինի կուտակումները կարող են սկսվել ձևավորվել զարկերակների պատերին, ինչն էլ իր հերթին հանգեցնում է աթերոսկլերոզի: Խոլեստերինի մակարդակը ստուգելու

համար տարին մեկ անգամ հետազոտվեք:

3. Տրիգլիցերիդի մակարդակ

Սա երրորդ գործոնն է, որը պետք է դիտարկել սրտանոթային հիվանդությունների

զարգացման ռիսկը վերահսկելիս: Տրիգլիցերիդները, ինչպես խոլեստերինը, կապված են զարկերակների վրա խեցիների առաջացման վտանգի և աթերոսկլերոզի զարգացման

հետ:

Այսպիսով, պարբերաբար անցեք բուժզննում և խորհրդակցեք ձեր բժշկի

հետ:

4. Վահանագեղձի հորմոնի մակարդակը

Դրանք ազդում են օրգանիզմի շատ համակարգերի վրա, ներառյալ

նյութափոխանակությունը: Եթե վահանաձև գեղձի հորմոնների մակարդակը ցածր է, կարող են առաջանալ տարբեր տհաճ ախտանիշներ. քաշի կորստի հետ կապված դժվարություններ, ուժի կորուստ, մշուշոտ գիտակցություն, մոռացկոտություն, դող։

5. Ատամների վիճակը

Ատամնափառերի մանրէները կապված են սրտանոթային հիվանդության հետ: Դրանց առկայությունը արյան մեջ առաջացնում է թրոմբներ, որոնք արգելափակում են արյան անոթները և կարող են առաջացնել սրտի փականների բորբոքում:

6. Խալերի գույնը և ձևը

Որքան շատ խալ ունեք, այնքան բարձր է դրանցից մեկում չարորակ ուռուցք

առաջանալու ռիսկը: Ուսումնասիրեք ինքներդ ձեզ ամիսը մեկ անգամ՝

ուշադրություն դարձնելով նոր աճին, խալերի գույնի կամ ձևի փոփոխություններին

կամ դրանց չափի փոփոխությանը:

7. Ողնաշարի կորություն

Արժե ստուգել՝ արդյոք կորություն ունեք: Հնարավոր է, որ դա հիմա փոքր է և

անհարմարություն չի պատճառում, բայց ժամանակի ընթացքում այն կարող է

հանգեցնել մեջքի քրոնիկ ցավի և շարժունակության խնդիրների: Խնդրեք ձեզ մոտ գտնվող մեկին ուսումնասիրել ձեր ողնաշարը: Կռացեք և ձգվեք դեպի հատակը, և դիտողը թող ստուգի՝ կրծքավանդակի մի կողմն ավելի բա՞րձր է, թե՞ ազդրերը սիմետրիկորեն են տեղակայված։

8. Գլխացավերի ինտենսիվություն

Գլխացավերը տատանվում են մեղմ նյարդայնացնողից մինչև անտանելի: Եթե դրանք ուղեկցվում են այլ ախտանիշներով, դա կարող է ազդարարել լուրջ խնդիրների մասին, այդ թվում՝ ուղեղի ուռուցք, արյան բարձր ճնշում կամ ինսուլտ:

9. Արյան շաքար

Արյան գլյուկոզի ավելացումը (հիպերգլիկեմիա) բորբոքում է առաջացնում օրգանիզմում

և վնասում արյան անոթները: Ժամանակի ընթացքում դա կարող է

հանգեցնել սրտանոթային հիվանդությունների և առողջության հետ կապված այլ խնդիրների:

10. Կրծքի վիճակը

Սա առաջին հերթին կարևոր է կանանց համար․ նրանք պետք է ամիսը մեկ իրենց

հետազոտեն՝ հասկանալու համար՝ կա՞ արդյոք կառուցվածքի փոփոխություն կամ շոշափվող գոյացություն։

Աղբյուրը