Ինչպես պահպանել առողջությունը Ամանորին

Ինչպես պահպանել առողջությունը Ամանորին
 
Շատերի համար ամանորյա արձակուրդներն ուղեկցվում են անզուսպ զվարճանքներով ու խնջույքներով: Արձակուրդները կապված են չափազանց շատ ուտելու, ալկոհոլի ավելցուկի, քնի պակասի հետ, և, որպես կանոն, սրանք բոլորը միասին են լինում։
Ինչո՞ւ են վտանգավոր Ամանորի երկար արձակուրդները:
Քաշի ավելացում
Ամենաանվնաս բանը, որով կարող է ավարտվել երկարատև հանգիստը, քաշի ավելացումն է: Ուսումնասիրությունները ցույց են տալիս, որ դեկտեմբերի կեսից (երբ սկսվում են կորպորատիվ երեկույթները) մինչև հունվարի կեսը միջին հաշվով մարդու քաշն  ավելանում է 2-3 կգ-ից մի փոքր ավելին: 26 առողջ մեծահասակների դեպքում կատարված մեկ ուսումնասիրության արդյունքում պարզվել է, որ Ամանորի գիշերը 15-օրյա արձակուրդի համար միջին քաշը աճել է գրեթե 4 կգ-ով: Մեկ այլ ուսումնասիրության արդյունքում պարզվել է, որ 38 մասնակիցներ մեկ շաբաթվա ընթացքում 500%-ով ավելի քաշ են հավաքել` համեմատած սովորական օրերի հետ: Հետազոտողները եզրակացնում են, որ տոնական օրերը դառնում են տարեկան քաշի ավելացման հիմնական գործոն: 195 մեծահասակների դեպքում կատարված մեկ այլ ուսումնասիրության արդյունքում պարզվեց, որ երկշաբաթյա արձակուրդի ընթացքում քաշի ավելացումը կազմում է ընդհանուր տարեկան քաշի ավելացման կեսը:
Տոնական օրերին մենք հաճախ գիրանում ենք, քանի որ սեղաններին ծայրաստիճան վնասակար սնունդ կա՝ կծու, ճարպոտ, աղի կամ քաղցր, ինչպես նաև բարձր կալորիականությամբ ալկոհոլ:
Սթրեսը քաշի ավելացումից հետո երկրորդ տեղում է: Մենք շտապ հանձնում ենք տարեկան հաշվետվությունները՝ անհաջող կերպով փորձելով գտնել ճիշտ նվերներ, հանդիպել անցանկալի հյուրերի հետ, բավարար չքնել․ ահա դրանք էլ առաջացնում են անհանգստություն և հուզմունք: Եվ եթե ավելացնենք կորոնավիրուսի հետ կապված ավելի շատ սահմանափակումներ, հիասթափված ծրագրեր, մեր առողջության համար վախեր, ապա սթրես է առաջանում: Հայտնի է, որ սթրեսը բարձր ճնշման, սրտանոթային հիվանդությունների և քաղցկեղի ռիսկի գործոն է: Դրա կապը քաշի ավելացման հետ պակաս ակնհայտ է, բայց այդպես է: Հետազոտությունները ցույց են տալիս, որ սթրեսի պայմաններում որոշ մարդիկ գիրանում են, իսկ մյուսները` նիհարում: Ընդհանուր առմամբ, ցույց է տրվել, որ սթրեսը, օրինակ, ձեր տոնական սեղանի անթերի լինելու մասին անհանգստանալը, ավելի հավանական է, որ կհանգեցնի քաշի ավելացման:
Ինչպե՞ս առողջ մնալ արձակուրդների ընթացքում
Լավ նորությունն այն է, որ սննդարար ուտեստներ օգտագործելը, ֆիզիկական վարժություններ կատարելը և կանոնակարգված քունը սովորություններ են, որոնք տարվա ընթացքում կարևոր են, իսկ արձակուրդների ընթացքում կարող են օգնել առողջ քաշ պահպանելու, ղեկավարելու սթրեսի մակարդակը և պահպանելու իմունային համակարգի աշխատանքը:
Մեր խորհուրդները կօգնեն ձեզ  առողջ մնալու:
Պարտականությունների կատարում
Աշխատանքի, նվերների գնումներ կատարելու, հանդիսավոր ընթրիքի և տան շատ գործերի պլանավորումն ու կատարումը կարող է սթրես առաջացնել: Այնպես որ կանգ առեք: Եվ բաժանեք պարտականությունները: Թող ընտանիքի անդամներից մեկը նվերներ գնի, մյուսը՝ մթերային ապրանքներ: Մեկը պատրաստում է, մյուսը սեղան է դնում ու նվերներ է փաթեթավորում: Ամանորի նախապատրաստական աշխատանքներին շուտ պատրաստվեք։
Ինքներդ ձեզ ոչ մի բանից մի զրկեք, բայց միայն մեկ օր։ Ոչ ոք չի գիրանա, եթե Ամանորի նախօրեին կամ Սուրբ ծննդյան սեղանի շուրջ սրտանց ընթրի: Բայց եթե արձակուրդի ողջ 10 օրվա ընթացքում ինքներդ ձեզ ոչինչ չեք մերժում, շարունակում եք վայելել անառողջ սնունդ և ըմպելիքներ՝ «կեր այն, թե չէ կկորչի» սկզբունքով, այդ դեպքում կշիռ կավելացնեք: Կիսատ աղցանը դեն նետելն ավելի հեշտ է, քան ավելացրած կիլոգրամները կորցնելը:
Թույլ տվեք ձեզ տոնական օրերին ամեն ինչ ուտել՝ միայն որոշակի օրերին: Օրինակ՝ դեկտեմբերի 31-ին և հունվարի 7-ին: Դե, գուցե նույնիսկ հին Նոր տարուն: Իսկ մնացած օրերին հավատարիմ մնացեք ձեր ամենօրյա սննդակարգին: Այդ դեպքում Դուք կկանխեք գոտկատեղի խնդիրները, չեք ծանրաբեռնի լյարդը, աղիները և կպահպանեք առողջությունը:
Պաշտպանեք ձեր դիմադրողականությունը
Ամանորի նախօրեին սթրեսը, անառողջ սնունդը, շփումները ընկերների և հարազատների հետ, ովքեր կարող են վարակների կրող լինել, փոփոխական եղանակը՝ այս բոլոր գործոնները հանգեցնում են դիմադրողականության նվազմանը:
Հնարավորինս քիչ խմեք
Բոլորս էլ հասկանում ենք․ դժվար է դիմադրել: Բայց մտածեք հետևանքների մասին:
Զարթխումի (похмелье) հետ կապված ամեն ինչ պարզ է, բայց ալկոհոլը վտանգավոր է ոչ միայն դրա համար:
Հարբած մարդը դադարում է վերահսկել սննդի սպառումը։ Նա սկսում է ուտել առանց չափի և ամեն ինչ: Եվ եթե սեղանին կան նաև քաղցր ըմպելիքներ կամ կոկտեյլներ, դա իսկապես վատ է:
Հետազոտությունները ցույց են տալիս, որ ալկոհոլի չափից դուրս  օգտագործումը կարող է բացասաբար ազդել իմունային համակարգի վրա: Նույնն է անում նաև շաքարի ավելցուկը, ուստի շաքարային ալկոհոլային կոկտեյլները կրկնակի վնաս են պատճառում առողջությանը:
Ալկոհոլի փոխարեն փորձեք հանքային ջուր կամ գազավորված ըմպելիք՝ լայմով: Չափից շատ խմելուց հետո դուք արագ կսթափվեք, և դեռ շատ երկար կբուժեք ձեր ստամոքսը, լյարդը, սիրտը և կփորձեք նիհարել:
Շատ շարժվեք
Արձակուրդներին գայթակղիչ է հանգստանալ, հեռուստացույցի առջև դրված բազմոցին պառկել: Սա իրականում արձակուրդ չէ: Որքան շատ եք տանը, այնքան շատ եք ուտում և խմում: Դա վառելիք է ձեր սթրեսի և հոգնածության համար:
Մի ծուլացեք, ինքներդ ձեզ համար կազմակերպեք ճիշտ հանգիստ: Շարժվեք: Պլանավորեք բացօթյա ակտիվ գործողություններ՝ սահք, դահուկ, չմուշկ: Ֆիզիկական ակտիվությունն օգնում է բարձրացնելու էնդորֆինների, ինչպես նաև առողջության նյարդահաղորդիչների մակարդակը, ինչպիսին է՝ սերոտոնինը: Դա արձակուրդի ժամանակ սթրեսը հանգստացնող կատարյալ միջոց է:
Բավականաչափ քնել
Հայտնի է, որ քնի պակասը սթրես է առաջացնում: Իսկ սթրեսը խանգարում է երեկոյան քնելուն, հանգեցնում է անքնության: Աշխատանքային օրերին միշտ չէ, որ հնարավոր է բավականաչափ քնել և ռեժիմ հաստատել, բայց դրա համար ճիշտ ժամանակն է՝ երկար արձակուրդներին։ Ստեղծեք քնի արարողակարգ. անջատեք էլեկտրոնիկան, էլեկտրական լույսերը մեկ-երկու ժամ առաջ, զբոսնեք, մի քիչ մաքուր օդ շնչեք, հանգստացեք մտահոգիչ մտքերից, տաք լոգանք ընդունեք: Եթե տոն օրերի ընթացքում կրկնեք այս օրինաչափությունը, կզարգացնեք ճիշտ ռեժիմը:
Ընդունե՛ք վիտամիններ
Նույնիսկ եթե փորձում եք առողջ ապրելակերպ վարել, երկար արձակուրդները ձեզ դեռ դուրս են մղում կյանքի սովորական ռիթմից:
Որպեսզի օրգանիզմն ավելի լավ հարմարվի նոր պայմաններին, ընդունեք բարձրորակ մուլտիվիտամիններ (տղամարդկանց, կանանց և երեխաների համար) և ձկան յուղ: Բայց հիշեք, որ հավելումները հատուկ նախագծված են առողջ սննդակարգը լրացնելու և օրգանիզմը նոր պայմաններում պահելու համար: Այլ կերպ ասած, դա ձեզ թույլ չի տալիս ամեն օր չափազանց շատ ուտել:
 
 
 
Ի՞նչ են տրանս ճարպերը և ինչպե՞ս են դրանք ազդում առողջության վրա 

Ի՞նչ են տրանս ճարպերը և ինչպե՞ս են դրանք ազդում առողջության վրա 

Ի՞նչ են տրանս ճարպերը և որտեղի՞ց են դրանք առաջանում 

Կարելի՞ է ժամկետանց դեղեր ընդունել 

Կարելի՞ է ժամկետանց դեղեր ընդունել 

Միանգամից նշենք՝ ժամկետանց դեղամիջոցներից պետք է ազատվել

Ինչպես տարբերակել ալկոհոլիզմը, դեպրեսիան և այլ հոգեկան խանգարումները

Ինչպես տարբերակել ալկոհոլիզմը, դեպրեսիան և այլ հոգեկան խանգարումները

Դեպրեսիան  բավականին վտանգավոր հիվանդություն է, որն իր առավել սուր ձևերով կարող է ինքնասպանության հակումներ առաջացնել

Ինչ խոնավություն պետք է լինի բնակարանում 

Ինչ խոնավություն պետք է լինի բնակարանում 

Ինչ է խոնավությունը, ինչից է այն կախված