Ինչո՞ւ է մեր օրգանիզմին անհրաժեշտ մանրաթել, եթե այն չի մարսվում

Ինչո՞ւ է մեր օրգանիզմին անհրաժեշտ մանրաթել, եթե այն չի մարսվում 
Ինչ է մանրաթելը 
Մանրաթելը՝ ՝ բույսերի բջիջների պատեր և բարդ ածխաջրեր են, որոնք գտնվում են այս բջիջների ներսում։ Բաղկացած է պոլիսախարիդներից. դրանք ածխաջրերի բարդ ձևեր են: 
Ինչպես գիտենք, էներգիա ստանալու համար մեզ անհրաժեշտ են ածխաջրեր: Բայց մանրաթել կազմող պոլիսախարիդները մենք չենք մարսում, և դրանք չեն վերածվում ածխաջրերի, այսինքն՝ նախատեսված չեն «վառելիք» ծառայելու համար: Նրանք այլ առաջադրանք ունեն, որը նույնպես կարևոր է։ 
Կան երկու տեսակի մանրաթելեր  
Լուծվող․ բաղկացած է պոլիսախարիդներից, որոնք գտնվում են բույսերի բջիջների ներսում և կանխում  են դրանց չորացումը: Այն հանդիպում է մրգերի, բանջարեղենի, հացահատիկների և լոբու մեջ: 
Չլուծվող․ բաղկացած է պոլիսախարիդներից, որոնք առաջացնում են բույսերի բջիջներ։ Այն հատկապես առատ է  հացահատիկների մեջ, բայց հանդիպում է նաև բուսական այլ սննդամթերքներում: 
Այս երկու տեսակի նյութերից է բաղկացած, այսպես կոչված, դիետիկ մանրաթելը, որը մենք պետք է օգտագործենք: Այն կարելի է ստանալ սննդի միջոցով կամ որպես հավելում: Օրինակ՝ ծամելու հաբերով, որոնք պարունակում են միանգամից երկու տեսակի մանրաթել՝ ստացված հացահատիկից ու բանջարեղենից, մրգերից: 
Ինչո՞ւ է մեզ անհրաժեշտ մանրաթել 
Նախ՝ աղիների առողջության համար: Չլուծվող մանրաթելը չի մարսվում, այն մեծացնում է աթոռակի ծավալը. եթե շատ մանրաթել կա, ապա աթոռակը կլինի կանոնավոր։ Նման պայմաններում աղիքներն  ավելի  հեշտ են աշխատում: 
Երկրորդ՝ լուծվող մանրաթելն անհրաժեշտ է շատ մանրէների համար, որոնք ապրում են մարսողական տրակտում: Նրանց հետ փոխազդեցությունից արտադրվում են նյութեր, որոնք կարևոր են ամբողջ օրգանիզմի համար: Օրինակ՝ կարճ շղթայական ճարպաթթուները. դրանք էներգիա են հաղորդում հաստ աղիքի բջիջներին, ազդում են նյութափոխանակության վրա և ունեն հակաբորբոքային ազդեցություն: Բացի այդ, նման թթուները կարող են կերակուր ծառայել այլ օգտակար մանրէների համար: 
Արդյունքում՝ մեզ անհրաժեշտ են մանրաթելերի երկու տեսակներն էլ, առնվազն նրա համար, որ ոչինչ չքայքայվի և չվնասվի աղիքներում և ամբողջ օրգանիզմում: 
Որքան մանրաթել ուտել ամեն օր 
Նվազագույնը` օրական 20 գրամ, իսկ  ավելի լավ է՝  35 գրամ և ավելի։ 
Որտեղ գտնել մանրաթել․Բանջարեղեն, միրգ, լոբազգիներ, ամբողջական ձավարեղեն, ընկույզ 
Ինչ անել, եթե քիչ քանակությամբ մանրաթել եք ուտում 
Մանրաթելային դիետայի արդյունքը երկար ժամանակ է պահանջում։ Սա նշանակում է, որ եթե սննդակարգում այն բավարար չէ, ապա սկզբում դա կարող է չնկատվել. պատահում է, որ շատ երկար ժամանակ բացասական ախտանիշներ չեն նկատվում: Հետևաբար, թվում է, որ կարելի է նաև առանց մանրաթելի: 
Բայց, իրականում, որքան շուտ կարգավորեք  սննդակարգը և դրան ավելացնեք կարևոր նյութեր, այնքան ավելի լավ: Ի վերջո, աղիքների և սրտի հետ կապված խնդիրները մեկ գիշերում չեն հայտնվում: 
Հետևաբար, պետք է ավելի շատ թարմ բանջարեղեն ուտեք՝ օրական առնվազն 300 գրամ, և փորձեք ուտել  հացահատիկներ կամ ընդունեք դիետիկ հավելումներ: 
Ինչպես հասկանալ, որ հավելումը որակյալ է 
Մանրաթելերի վրա հիմնված դիետիկ հավելումներ ընտրելիս ուշադիր կարդացեք պիտակի վրա գրվածը: Այնտեղ պետք է  նշված լինի լուծվող և չլուծվող դիետիկ մանրաթելերի քանակը, ինչպես նաև առաջարկվող օրական ընդունման դրանց տոկոսը` օրական մեկ բաժինը կամ դոզան․ որքան շատ մանրաթել եք ստանում մեկ բաժնի կամ օրվա ընթացքում, այնքան լավ: 
Դա կօգնի՞ նիհարելու 
Հնարավոր է, բայց ոչ ուղղակիորեն: Մանրաթելերով հարուստ սնունդը հագեցվածության զգացողություն է առաջացնում: Հետևաբար, դրանք անհրաժեշտության դեպքում օգնում են  սննդային սահմանափակումներ ունենալու պարագայում: 
Ինչպե՞ս ճիշտ ընդունել մանրաթելը 
Եթե մենք խոսում ենք մրգերի և բանջարեղենի մասին, ապա դրանք  պետք է ուտել թարմ, չմշակված: Այսպիսով, դրանցում պահպանվում են ոչ միայն մանրաթելեր, այլև վիտամիններ ու օգտակար այլ նյութեր: 
Եթե մենք խոսում ենք հավելումների մասին, ապա դրանք պետք է ավելացվել սննդի կամ ըմպելիքների մեջ կամ ընդունվեն հաբերի տեսքով՝ ըստ  հարմարավետության: Հիմնական բանը` խմել շատ հեղուկներ, որպեսզի աղիքներում սպազմ չառաջանա։  
 Կա՞ արդյոք կողմնակի ազդեցություն մանրաթելից 
Մանրաթելից կողմնակի բարդություններ գրեթե չկան: Սակայն եթե սննդակարգում հանկարծակի և մեծ չափաբաժնով  ավելացնեք դիետիկ մանրաթելեր, ապա կարող է  առաջանալ փորափքանք:
 
Աղբյուրը
Ճակատագի՞ր, թե՞ սովորություն

Ճակատագի՞ր, թե՞ սովորություն

Մարդկանց ոչ ողջամիտ վարքի առանձնահատկությունները Հազարամյակներ շարունակ մարդկությունը հավատում էր ճակատագրին. կարծես ինչ-որ ուժ մեզ հուշում է գործել որոշակի կերպ

Կարելի է արդյոք լվացվել կամ լողանալ ջրծաղիկի ժամանակ Այո, նույնիսկ ցանկալի է

Կարելի է արդյոք լվացվել կամ լողանալ ջրծաղիկի ժամանակ Այո, նույնիսկ ցանկալի է

Կարելի է արդյոք լվացվել կամ լողանալ ջրծաղիկի ժամանակ Այո, նույնիսկ ցանկալի է։

Ի՞նչ է հոգու հիգիենան և ինչպես ճիշտ պահպանել այն

Ի՞նչ է հոգու հիգիենան և ինչպես ճիշտ պահպանել այն

Ի՞նչ է հոգու հիգիենան Մարդիկ հաճախ ունենում են անհանգստության հանկարծակի նոպաներ կամ անբացատրելի տխրություն, բայց չեն կարողանում գտնել այդ բացասական հույզերի աղբյուրը

Ո՞րն է ավելի օգտակար՝ սպիտակո՞ւցը, թե՞ դեղնուցը

Ո՞րն է ավելի օգտակար՝ սպիտակո՞ւցը, թե՞ դեղնուցը

Ինչո՞վ է օգտակար դեղնուցը