Մթերքներ, որոնք ցանկալի չէ ուտել հղիության ընթացքում

Մթերքներ, որոնք ցանկալի չէ ուտել հղիության ընթացքում

Հղիությունը յուրահատուկ շրջան է օրգանիզմի համար, և ցանկանաք, թե ոչ, պետք է հրաժարվեք որոշ ուտելիքներից կամ էլ գոնե սահմանափակեք դրանց քանակը, որպեսզի չվնասեք ինչպես ձեզ, այնպես էլ երեխային:


Պանրեղեն և կաթնամթերք


Կապույտ բորբոսի շերտով պանիրներ, սպիտակ բորբոսի շերտով պանիրներ, ինչպիսիք են բրին և կամամբերը: Անհրաժեշտ է խուսափել նաև չպաստերիզացված փափուկ պանիրներից՝ պատրաստված այծի և ոչխարի կաթից: Բոլոր վերոնշյալ պանիրները հնարավոր է, որ լիստերիա մանրէ պարունակեն: Վերջինս լիստերիոզի հարուցիչ է, որը վտանգավոր է երեխայի համար: Չպաստերիզացված կաթը և այդպիսի կաթից պատրաստված մթերքները հնարավոր է, որ պարունակեն սննդային թունավորում առաջացնող բակտերիաներ: Հղի կանայք ավելի խոցելի են սննդային թունավորումների հարցում:


Ձու


Հում կամ թերխաշ, վատ եփած ձուն կարող է սալմոնելա պարունակել: Ձուն պետք է եփել այնքան, որ դեղնուցը և սպիտակուցը պնդանան: Մի կերեք մուս, պաղպաղակ և տնական մայոնեզ, եթե պատրաստված են հում ձվով:


Մսեղեն


Առավել ուշադիր պետք է ստուգել խորովածի կամ մսային կիսաֆաբրիկատների եփվածությունը: Խորհուրդ չի տրվում ուտել ապխտած միս, օրինակ՝ սալյամի, քանի որ մեծ է լիստերիոզով կամ տոկսապլազմոզով վարակվելու վտանգը: Պաշտետի բոլոր տեսակները պարունակում են լիստերիայի մանրէ, որը, ինչպես նշվեց, վնասակար է երեխայի համար:


Ձկնեղեն

Չնայած որ յուղալի ձուկն անհրաժեշտ է և՛ ձեզ, և՛ փոքրիկին, կարող է վնասակար նյութեր պարունակել: Ուստի ցանկալի է ամբողջ շաբաթվա ընթացքում առավելագույնը 2 կտոր ձուկ ուտել: Խորհուրդ չի տրվում ուտել այնպիսի ձկնատեսակներ, որոնք սնդիկ են պարունակում, օրինակ՝ թունա տեսակը:


Ըմպելիքներ

Խորհուրդ է տրվում հրաժարվել սուրճից՝ այն փոխարինելով օրինակ ցիկորիայով (ճարճատուկ, եղերդակ, վաճառվում է Երևանի սուպերմարկետներում) կամ թեյով: Եթե չեք կարող առանց սուրճի, ապա պետք է կրճատել կոֆեինի քանակը (օրական 200 մգ, այսքան կոֆեին կա 2 բաժակ սուրճում), քանի որ դրա չարաշահումը մեծացնում է վիժման վտանգը: Խորհուրդ է տրվում հրաժարվել նաև ոգելից խմիչքներից:

 

Աղբյուրը

Արյան առողջությունը ապահովող սնունդ

Արյան առողջությունը ապահովող սնունդ

Արյունը մեր բջիջներին մատակարարում է նրանց կյանքի և առողջության համար անհրաժեշտ ամեն ինչ:Արյան որակը ամբողջ օրգանիզմի առողջության վրա ազդող հիմնական գործոններից է...

Կոլրաբի․ օգտակար և վնասակար հատկությունները

Կոլրաբի․ օգտակար և վնասակար հատկությունները

Կոլրաբին պատկանում է կաղամբի ընտանիքին, անվանումը կարելի է թարգմանել որպես «կաղամբ-շաղգամ»

Օրեգանո․ օգտակար և վնասակար հատկությունները

Օրեգանո․ օգտակար և վնասակար հատկությունները

Դրական ազդեցություն է թողնում հատկապես կնոջ օրգանիզմի վրա, քանի որ կարգավորում է դաշտանային ցիկլը, մեղմում դաշտանային ցավը և կիրառվում է դաշտանի ուշացման դեպքում․․․

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․