Վիտամին A (ռետինոլ և այլ ռետինոիդներ) և պրովիտամին A․ դերն օրգանիզմում

Վիտամին A-ն (ռետինոլ և այլ ռետինոիդներ) և պրովիտամին A-ն (β կարոտին և այլ կորոտինոիդներ) ազդում են բոլոր օրգանների և համակարգերի վրա և խիստ կարևոր են մարդու առողջության պահպանման համար։

Դերն օրգանիզմում

Շատ կարևոր է իմունային համակարգի ճիշտ աշխատանքի համար, օրգանիզմը պաշտպանում է բազմաթիվ վիրուսներից և վարակներից։

Կարևոր է նաև սրտանոթային համակարգի համար, խոչընդոտում է վնասակար խոլեստերինի կուտակմանը։

Օգնում է, որ ճիշտ գործի նաև էնդոկրին համակարգը։

Այդ վիտամինի քանակից է կախված մարդու մաշկի վիճակը։

Օգնում է վերականգնել վնասվածքները և լուծել մաշկային խնդիրները՝ էկզեմա, պսորիազ, այրվածքներ, վնասվածքներ և այլն։

Խիստ կարևոր է նաև տեսողության համար։

Ազդում է աչքի ցանցաթաղանթի, լույսի և գույների ընկալման վրա։

Մասնակցում է նոր բջիջների կազմավորմանն ու աճին և ազդում հյուսվածքների շնչառության վրա։

Օժտված է հակաօքսիդանտային հատկություններով և նպաստում է ծերացման դանդաղեցմանը, կանխում է օնկոլոգիական հիվանդությունների զարգացումը։

Վիտամին A պարունակող սննդամթերքներ

Վիտամին A-ն պարունակվում է կենդանական ծագման մթերքներում, իսկ պրովիտամին A-ն՝ բուսական ծագման մթերքներում և կաթնամթերքում։

Վիտամին A-ի աղբյուրներն են՝

• լյարդ, 
• կարագ, 
• թթվասեր, կաթնաշոռ և կաթնաթթվային այլ մթերքներ, 
• ձվի դեղնուց և այլն։ 

Պրովիտամին A-ի աղբյուրներն են՝

• ծիրան, 
• գազար, 
• դդում և դդմի սերմ, 
• մաղադանոս, 
• սպանախ և այլն։ 

Վիտամին A-ի ավելցուկ

Վիտամին A-ի ավելցուկը սովորաբար առաջանում է այդ վիտամինը պարունակող դեղամիջոցների չարաշահումից։ Ախտանշաններն են՝ հոդացավ, ներքին օրգանների ցավ, լյարդի մեծացում և այլն։

Վիտամին A-ի պակասն օրգանիզմում առաջին հերթին ազդում է տեսողության վրա։ Դիտվում է նաև մաշկի և լորձաթաղանթների չորություն, մազերի և եղունգների դյուրաբեկություն, դաշտանի խանգարում, մարսողական, էնդոկրին, միզասեռական և այլ համակարգերի խանգարումներ, տղամարդկանց դեպքում՝ անպտղություն և այլն։