Վաղ կլիմաքս

Վաղ կլիմաքս

Օրգանիզմի վերակառուցումն ու դրա նախապատրաստումը կլիմաքսին սկսվում է հորմոնային ֆոնի փոփոխություններից։ Վաղ կլիմաքսի ախտանշանների առաջացումը 30-40 տարեկանում պայմանավորված է սեռական հորմոնների՝ էստրոգենի և պրոգեստերոնի արտադրության նվազմամբ։

Կլիմաքսի սկսվելուց հետո որոշ ժամանակ (1-2 տարի) ձվարաններում առանձին ֆոլիկուլներ են հասունանում, սակայն դրանց քանակն աննշան է լինում և դոմինանտ ֆոլիկուլ չի դիտվում։ Համարվում է, որ կլիմաքսի սկզբից դեռևս տարիներ առաջ էստրադիոլի և պրոգեստերոնի մակարդակի նվազումը դառնում է անօվուլյատոր ցիկլերի պատճառ։

Պատճառները

Առանձնացվում են վաղաժամ կլիմաքսի հետևյալ պատճառները։

  • Ժառանգականություն։
  • Արագ զարգացում։ Վաղ սեռահասունացումը (8-10 տարեկանում) կարող է հանգեցնել ձվարանների անժամանակ հյուծման։ 
  • Ձվարանների հեռացում։ 
  • Օրգանիզմի ընդհանուր հյուծում՝ սթրեսների, վատ սնուցման և քաղցի պատճառով։ 
  • Քիմիաթերապիա և ճառագայթային թերապիա։ 
  • Ծխախոտի օգտագործում (օրական մինչև 1 տուփ)։ 

Ախտանշանները

Ջերմային առհոսք։ Կինը հանկարծակի շոգում է, մարմնի, պարանոցի և ձեռքերի մաշկը կարմրում է, սրտխփոցն արագանում է, հնարավոր է, որ սրտխառնոց և գլխապտույտ առաջանա։ Այնուհետև մաշկի վրա սառը քրտինքի կաթիլներ են ի հայտ գալիս։ Նոպան տևում է մի քանի րոպե և ինքնուրույն անցնում։

Տախիկարդիա, հիպերտոնիա կամ հիպոտոնիա, զարկերակային ճնշման անկանոնություն։

Հուզական անկայունություն։ Դյուրագրգռությունը, լացկանությունը և բարձր տագնապայնությունը վաղ կլիմաքսի տիպիկ ախտանշաններն են 30-40 տարեկանում։

Սեռական ցանկության նվազում, որը պայմանավորված է լինում էստրոգենների քանակի նվազմամբ։

Անմիզապահություն, որը կրկին պայմանավորված է լինում էստրոգենների նվազմամբ և դրա արդյունքում միզուղիների կրած փոփոխությամբ։

Հեշտոցի չորություն, ցավ սեռական ակտի ժամանակ։

Մազերի, եղունգների ու մաշկի վիճակի փոփոխություններ։

Հնարավոր այլ ախտանշաններից են՝ նյութափոխանակության խանգարում, օստեոպորոզ, աուտոիմուն հիվանդություններ, Ալցհեյմերի հիվանդություն և այլն։

Բուժումը

Չնայած որ կլիմակտերիկ փոփոխությունների մեծ մասն ատրոֆիկ բնույթ է կրում, հորմոնային բուժման պայմաններում հնարավոր է երկարատև ժամանակով հետաձգել դրսևորումները։ Շատ կարևոր է շուտ նկատել վաղաժամ կլիմաքսի ախտանշանները և դիմել բժշկի։ Հաճախ մենոպաուզայի տհաճ դրսևորումները վերացնելու նպատակով փոխարինող հորմոնային թերապիա է նշանակվում։

Մեջքի ցավը դաշտանի ընթացքում

Մեջքի ցավը դաշտանի ընթացքում

Արգանդը, արգանդափողերը և ձվարանները խաչաձև դիրքով տեղակայված են փոքր կոնքի խոռոչում

Արգանդի վզիկի քաղցկեղ. պատվաստումը կարո՞ղ է պաշտպանել քաղցկեղից և որքանո՞վ է այն անվտանգ

Արգանդի վզիկի քաղցկեղ. պատվաստումը կարո՞ղ է պաշտպանել քաղցկեղից և որքանո՞վ է այն անվտանգ

Խորհուրդ է տրվում 30 տարեկանից հետո առնվազն տարին մեկ անգամ իրականացնել սքրինինգ

Որքա՞ն հաճախ այցելել գինեկոլոգի

Որքա՞ն հաճախ այցելել գինեկոլոգի

Գինեկոլոգին այցելելու ուղեցույցը

Ձվաբջիջների սառեցում

Ձվաբջիջների սառեցում

Ձվաբջիջների սառեցման (կրիոկոնսերվացիա) տեխնոլոգիաները հայտնի են ավելի քան 30 տարի և օգտագործվում են կնոջ պտղաբերության պահպանման համար