Բրյուսելյան կաղամբ․ օգտակարությունն ու կալորիականությունը

Բրյուսելյան կաղամբը մեր երկրում էկզոտիկ համարվող, իսկ Եվրոպայում շատ հայտնի ու տարածված տեսակ է։ Համը տարբերվում է կաղամբի այլ տեսակների համից։ Վաճառվում է նաև Երևանի մի շարք սուպերմարկետներում։

Պարունակում է վիտամին РР, А, С, ինչպես նաև B խմբի վիտամիններ, շատ հարուստ է ֆոլաթթվով։ Պարունակում է նաև մագնիում, կալիում, կալցիում, երկաթ, ֆոսֆոր, յոդ, ֆերմենտներ, շաքար, ամինաթթուներ և օգտակար այլ նյութեր։

Կալորիականությունը

100 գրամ կաղամբի դեպքում կալորիականությունը 40 կկալ է։

Օգտակար հատկությունները

Նպաստում է իմունիտետի ամրացմանը, օժտված է հակաինֆեկցիոն և հակաբորբոքային ազդեցությամբ։

Օգնում է հաղթահարել բրոնխաթոքային հիվանդությունները։

Նվազեցնում է սրտանոթային հիվանդությունների առաջացման վտանգը։

Օգնում է պայքարել հիպերտոնիայի և առիթմիայի դեմ։

Նպաստում է անոթների պատերի ամրացմանը և արյան կազմի լավացմանը։

Ցուցված է շաքարային դիաբետ ունեցող մարդկանց։

Օգտակար է մարսողական համակարգի հիվանդությունների կանխարգելման և բուժման հարցում։

Օգնում է ազատվել փորկապությունից։

Հաճախ օգտագործելու դեպքում զգալիորեն նվազեցնում է օնկոլոգիական հիվանդությւոնների առաջացման վտանգը։

Օժտված է վերքերն ապաքինող հատկությամբ, այդ պատճառով ցուցված է վիրահատություն տարած մարդկանց։

Բարենպաստ ազդեցություն է թողնում էնդոկրին և նյարդային համակարգերի աշխատանքի վրա։

Ցուցված է նաև հղի կանանց, քանի որ մեծ քանակությամբ ֆոլաթթու է պարունակում, որը նվազեցնում է երեխայի բնածին արատների առաջացման վտանգը։

Խորհուրդ է տրվում ուտել նաև երեխաներին, տարեցներին և նրանց, որոնք պայքարում են ավելորդ քաշի դեմ։

Հակացուցումները

Հակացուցված է հոդատապ կամ ստամոքսի բարձր թթվայնություն ունեցող մարդկանց։