Բազուկ․ օգտակար հատկությունները

Բազուկ․ օգտակար հատկությունները

Բազուկն օժտված է օգտակար ու բուժիչ բազմաթիվ հատկություններով։ Պարունակում է վիտամին А, В1, В2, В5, В3, В6, В9, С, Е, U․ Հարուստ է յոդով, երկաթով, ֆոսֆորով, կալցիումով, կալիումով, ցինկով, բորով, մագնիումով և այլ մակրոտարրերով ու միկրոտարրերով։ Պարունակում է նաև կիտրոնաթթու, խնձորաթթու, ֆոլաթթու, կաթնաթթու և այլ թթուներ։

Կալորիականությունը

100 գրամ բազուկի կալորիականությունը 50 կկալ է։

Օգտակար հատկությունները

Նպաստում է իմունիտետի ամրապնդմանը։

Կանխում է ավիտամինոզի առաջացումը։

Շարունակաբար օգտագործելու դեպքում նվազեցնում է օնկոլոգիական հիվանդությունների առաջացման վտանգը, դանդաղեցնում է չարորակ ուռուցքների աճը։

Հրաշալի միջոց է սրտանոթային հիվանդությունները կանխելու համար։

Լավացնում է արյան բաղադրությունը, ամրացնում է անոթների պատերը, մեղմում է այտուցվածությունը, նպաստում է խոլեստերինի մակարդակի նվազմանը։

Խորհուրդ է տրվում ուտել աթերոսկլերոզի, անեմիայի, հիպերտոնիայի և սրտանոթային համակարգի այլ հիվանդությունների կանխարգելման ու բուժման նպատակով։

Խթանում է ուղեղի աշխատանքը, բարենպաստ ազդեցություն թողնում ուղեղի անոթների վրա և պաշտպանում է թուլամտությունից։

Բարենպաստ ազդեցություն է թողնում նաև երիկամների, լյարդի և լեղապարկի վրա։

Նպաստում է օրգանիզմից խարանների և թունավոր նյութերի, ծանր մետաղների աղերի և ռադիացիայի դուրսբերմանը։

Ունի թուլացնող և միզամուղ հատկություն։

Լավ է ազդում ստամոքսաղիքային տրակտի աշխատանքի վրա։

Օգնում է ուժեղացնել աղիների գալարակծկանքը, ազատվել փորկապությունից։

Նպաստում է նյարդային համակարգի աշխատանքի կարգավորմանը։

Բարձրացնում է օրգանիզմի դիմադրողականությունը։

Բարենպաստ ազդեցություն է թողնում ոսկրային հյուսվածքի և մաշկի վրա։

Հաճախ օգտագործելու դեպքում օգնում է մեղմել նախադաշտանային համախտանիշը։

Նպաստում է տղամարդկանց սեռական ակտիվության մեծացմանը։

Օժտված է երիտասարդացնող հատկությամբ։

Հակացուցումները

Երիկամների, միզապարկի, ստամոքսաղիքային տրակտի հիվանդություններ և շաքարային դիաբետի դեպքում հարկավոր է խորհրդակցել բժշկի հետ և նոր միայն բազուկը ներառել սննդում։

Կոլրաբի․ օգտակար և վնասակար հատկությունները

Կոլրաբի․ օգտակար և վնասակար հատկությունները

Կոլրաբին պատկանում է կաղամբի ընտանիքին, անվանումը կարելի է թարգմանել որպես «կաղամբ-շաղգամ»

Օրեգանո․ օգտակար և վնասակար հատկությունները

Օրեգանո․ օգտակար և վնասակար հատկությունները

Դրական ազդեցություն է թողնում հատկապես կնոջ օրգանիզմի վրա, քանի որ կարգավորում է դաշտանային ցիկլը, մեղմում դաշտանային ցավը և կիրառվում է դաշտանի ուշացման դեպքում․․․

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Մթերքներ, որոնք ցանկալի չէ ուտել հղիության ընթացքում

Մթերքներ, որոնք ցանկալի չէ ուտել հղիության ընթացքում

Հղիությունը յուրահատուկ շրջան է օրգանիզմի համար, և ցանկանաք, թե ոչ, պետք է հրաժարվեք որոշ ուտելիքներից կամ էլ գոնե սահմանափակեք դրանց քանակը, որպեսզի չվնասեք ինչպես ձեզ, այնպես էլ երեխային․․․