Արգանդային արյունահոսքի խանգարում

Ընկերքի արյունատար համակարգը ներառում է արյան հոսքի երկու փոխկապակցված համակարգ՝ պտղի և ընկերքի։ Արգանդային արյունահոսքի խանգարումը կարևոր դեր է խաղում ընկերքային անբավարարության ախտածագման հարցում։

Ընկերքային անբավարարությունը խանգարում է ընկերքի աշխատանքի հիմնական փուլերը՝ փոխադրող, տրոֆիկ, էնդոկրին և մետաբոլիկ։ Խանգարումները հանգեցնում են ընկերքի՝ մոր և պտղի օրգանիզմների միջև փոխանակային գործընթացների պահպանման կարողության նվազման։

Դեկոմպենսացված պտուղընկերքային անբավարարության արդյունքը լինում է պտղի ներարգանդային զարգացման հապաղումը, որի ծանրության աստիճանը կախված է լինում ընկերքային անբավարարության ծանրության աստիճանից։

Պատճառները

Արյան հոսքի խանգարման հնարավոր պատճառներից են՝

• բարձր ճնշումը, 
• ներարգանդային վարակը, 
• պնևմոնիան, 
• հիպոքսիան, 
• թրոմբոզը, 
• գինեկոլոգիական հիվանդությունները, 
• աբորտները և այլն։ 

Խանգարման ձևերն են՝

• արգանդաընկերքային, 
• ընկերքային, 
• պտուղընկերքային։ 

Ախտորոշումը

Ախտորոշման հիմնական մեթոդներն են դոպլերոմետրիան և ՈւՁՀ-ն, ինչպես նաև արյան լաբորատոր հետազոտությունները։

Կանխարգելումն ու բուժումը

Հիվանդության համալիր բուժումը պարտադիր է արյոնահոսքի ցանկացած աստիճանի խանգարման դեպքում։ Բուժման տակտիկան կախված է լինում խանգարման աստիճանից։ Բնական ծննդաբերությունը թեթև դեպքերում վերահսկվում է բժշկի կողմից։ Ծանր խանգարումների դեպքում կեսարյան հատում է ցուցված։

Կանխարգելումը ենթադրում է համապատասխան բուժում, ինչպես նաև խուսափում սթրեսից։ Հղի կնոջ անուշադրությունը արյունահոսքի խանգարման դեպքում հանգեցնում է վաղաժամ ծննդաբերության և այլ բարդությունների, ուստի բուժումը պետք է սկսել ճիշտ ժամանակին։