Կարելի՞ է կերակրել կրծքով, եթե ջերմությունը բարձր է

Կարելի՞ է կերակրել կրծքով, եթե ջերմությունը բարձր է

Կրծքի կաթը լավագույն սնունդն է երեխայի համար, սակայն երբեմն պատահում է, որ մայրը հիվանդանում է և կանգնում կերակրումը դադարեցնել կամ չդադարեցնելու հարցի առաջ։ Այդ հարցի պատասխանը կախված է ջերմության պատճառից և մի շարք այլ գործոններից։

Ջերմության բարձրացման պատճառները

Եթե ջերմությունը 38° С-ից բարձր է, ապա ավելի լավ է դիմել բժշկի։ Պատճառները բազմաթիվ են։ Ահա մի քանիսը։

Սթրեսը և ձվազատումը կարող են սուբֆեբրիլ ջերմության պատճառ լինել։ Դրանք կաթի որակի վրա չեն ազդում, սակայն կարող են ազդել քանակի վրա։ Այդ պատճառով էլ նման դեպքերում երեխային հաճախ կերակրելն առավել ևս կարևոր։

Վարակիչ հիվանդություններ։ Այդ դեպքում հարկավոր է խորհրդակցել բժշկի հետ, բայց սովորաբար կերակրելը չի արգելվում։

Հետծննդաբերական բորբոքումների դեպքում նույնպես պետք է դիմել բժշկի, սակայն կերակրումը սովորաբար չի դադարեցվում։

Լակտոստազ կամ մաստիտ․ ջերմության բարձրացման ամենահաճախ հանդիպող պատճառը։ Հաճախ է լինում, որ կինը սխալ ձևով է կերակրում երեխային կամ էլ սխալ է ընտրում կրծքկալը։

Հիմնականում ջերմության բարձրացումը հակացուցում չէ կրծքով կերակրման համար, սակայն բոլոր դեպքերում հարկավոր է դիմել բժշկի։

Ե՞րբ է անհրաժեշտ դադարեցնել կրծքով կերակրումը

Չնայած որ հիմնականում ջերմության բարձրացումը չի վտանգում ոչ մոր, ոչ էլ երեխայի առողջությանը, սակայն կան իրավիճակներ, երբ ավելի լավ է ժամանակավորապես դադարեցնել կերակրումը։

  • Եթե ջերմության բարձրացման պատճառը լուրջ հիվանդությունն է։ Այդ դեպքում հնարավոր է, որ կերակրումը պարզապես կնոջ ուժերից վեր լինի կամ անհետանա։
  • Կրծքով կերակրման հետ անհամատեղելի դեղամիջոցներով բուժում անցնելու դեպքում։ Հաճախ ծննդաբերությունից հետո բորբոքումներ են դիտվում, որոնց պատճառով բարձրանում է ջերմությունը, և բժիշկը հակաբիոտիկներ է նշանակում։

Ի՞նչ անել

Եթե ջերմությունը պայմանավորված չէ լուրջ հիվանդությամբ, ապա կարելի է 38 С°-ից բարձր լինելու դեպքում դիմել բժշկի և ջերմիջեցնող խմել, որը թույլատրվում է կրծքով կերակրման ընթացքում, այդպիսի դեղերից են պարացետամոլը:

Ինչպե՞ս հեռացնել սպիները էպիզիոտոմիայից  (շեքահատում) և ծննդաբերական այլ վնսվածքներից հետո

Ինչպե՞ս հեռացնել սպիները էպիզիոտոմիայից (շեքահատում) և ծննդաբերական այլ վնսվածքներից հետո

Հետծննդաբերական նույնիսկ փոքր սպին կարող է վատթարացնել սեռական կյանքի որակը

Ի՞նչ է հարկավոր վերցնել Ձեզ հետ ծննդատուն գնալիս

Ի՞նչ է հարկավոր վերցնել Ձեզ հետ ծննդատուն գնալիս

Առանձին թղթապանակում հարկավոր է հավաքել բոլոր անհրաժեշտ փաստաթղթերը և դրանց կրկնօրինակները

Ճիշտ շնչառությունը ծննդաբերության ընթացքում

Ճիշտ շնչառությունը ծննդաբերության ընթացքում

Ծննդաբերության ընթացքում ճիշտ շնչառությունը հեշտացնում է կծկանքների ընթացքը և բարելավում է մայրիկի և երեխայի ինքնազգացողությունը:

Ի՞նչ են ներառում հղիության ընթացքում իրականացվող երեք սքրինինգները և ինչո՞ւ է պետք դրանք իրականացնել սահմանված ժամկետներում

Ի՞նչ են ներառում հղիության ընթացքում իրականացվող երեք սքրինինգները և ինչո՞ւ է պետք դրանք իրականացնել սահմանված ժամկետներում

Հղիության ընթացքում իրականացվող սքրինինգը հետազոտությունների համալիր է, որը թույլ է տալիս ծնողին և բժշկին ստանալ ամբողջական տեղեկատվություն դեռևս չծնված երեխայի առողջության վերաբերյալ