Վիտամին B2 (ռիբոֆլավին)

Վիտամին B2 (ռիբոֆլավին)

Վիտամին B2-ը ոչ միայն գեղեցկության վիտամինն է, որ ազդում է մաշկի, մազերի ու եղունգների որակի վրա, այլև արժեքավոր տարր է, որ մասնակցում է մեր օրգանիզմում կատարվող մի շարք կարևոր գործընթացների։

Սննդային հավելանյութերի շարքում այն նշանակվում է E101 կոդով։ Անվնաս է օրգանիզմի համար և օգտագործվում է որպես դեղին գույնի գունանյութ։

Ինչո՞ւ է հարկավոր օրգանիզմին

Ռիբոֆլավինը մեծ դեր է խաղում իմունային համակարգի ամրացման գործում։

Անհրաժեշտ է արյունաստեղծման համար, մասնակցում է էրիթրոցիտների և հեմոգլոբինի արտադրման։

Մասնակցում է նյարդային համակարգի աշխատանքին, անհրաժեշտ է գլխուղեղի բնականոն գործունեության համար։

Մեծ նշանակություն ունի մարդու վերարտադրողական ֆունկցիայի և վահանաձև գեղձի աշխատանքի կարգավորման հարցում։

Կարևոր է տեսողության պահպանման և աչքի տարատեսակ հիվանդությունների կանխարգելման հարցում։

Վիտամին B2-ից է կախված մազերի, մաշկի ու եղունգների վիճակը, այդ պատճառով էլ այն համարվում է գեղեցկության վիտամին։

Շատ կարևոր է երեխաների աճի ու զարգացման համար։

Օրական պահանջը

Վիտամին B2-ի օրական պահանջը կախված է մի շարք գործոններից՝ սեռ, տարիք, ֆիզիկական և հոգեբանական ծանրաբեռնվածություն, վնասակար սովորությունների և հիվանդությունների առկայություն, դեղորայքի օգտագործում և այլն։ Սովորաբար տղամարդկանց օրական պահանջը 1,7-2 մգ է, կանանցը՝ 1,3-1,8մգ։ Հղիության և կրծքով կերակրման ընթացքում պահանջը մեծանում է։

Ո՞ր մթերքներում է պարունակվում

Ռիբոֆլավինով է հարուստ առաջին հերթին լյարդը, երիկամները և խմորիչը։ Մեծ քանակությամբ B2 է պարունակում ձուն, կաթը, կաթնաթթվային մթերքները՝ պանիր, կաթնաշոռ, սունկը, բրոկոլին, ոլոռը, կանաչեղենը և այլն։

Վիտամին B2-ի պակաս

Այդ վիտամինի պակասի առաջին նշանը շրթունքների ճաքն է, թեփոտվածությունը և բերանի անկյունների ճաքը։ Վիտամինի անբավարարությունը կարող է ուղեկցվել թուլությամբ, գլխացավով, գլխապտույտով, ախորժակի անկմամբ, մաշկային հիվանդություններով, մազերի դյուրաբեկությամբ, տեսողության վատացմամբ և այլն։

Վիտամին B2-ի ավելցուկ

Վիտամինի ավելցուկը խիստ հազվադեպ երևույթ է, քանի որ վիտամինի ավելցուկն օրգանիզմից դուր է գալիս մեզի միջոցով։

 

Նյութի կազմումը՝ www.sotskiy.am

Բազուկ (ճակնդեղ). օգտակար և վնասակար հատկությունները

Բազուկ (ճակնդեղ). օգտակար և վնասակար հատկությունները

Ժամանակակից գիտնականները ոչ միայն հաստատեցին իրենց նախորդների դիտարկումները, այլև ապացուցեցին, որ բազուկը եզակի, անփոխարինելի բանջարեղեն է մարդու սննդակարգում:

Ձկան յուղ․ օգտակար և վնասակար կողմերն օրգանիզմի համար

Ձկան յուղ․ օգտակար և վնասակար կողմերն օրգանիզմի համար

Ձկան յուղը հայտնի է արդեն շատ տասնամյակներ և բացի հեղուկ ձևից թողարկվում է նաև հարմար պարկուճներով։

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Եթե ունես խնդիրներ արյան հետ կապված՝ ուրեմն առողջ չես։ Մի խոսքով՝ արյունը չափազանց կարևոր է։

Սխտոր․ օգտակարությունն ու վնասակարությունն օրգանիզմի համար

Սխտոր․ օգտակարությունն ու վնասակարությունն օրգանիզմի համար

Սխտորը՝ բազմամյա խոտաբույսային բույս է Միջին Ասիայի Ամարիլիս ընտանիքից, օժտված սուր համով և ուժեղ առանձնահատուկ հոտով։