Պետք է շատ ջուր խմել․ որքա՞ն, ինչպե՞ս

Պետք է շատ ջուր խմել․ որքա՞ն, ինչպե՞ս

Բժիշկներն ասում են, որ օրգանիզմի բնականոն գործունեության և առողջությունը պահպանելու համար մարդն օրվա ընթացքում պետք է 2-2.5լ ջուր խմի։ Կան, սակայն, մարդիկ, որոնք ջուր չեն սիրում և քիչ են խմում։ Ինչպե՞ս հաղթահարել այդ խնդիրը և բավականաչափ ջուր խմել։

Ինչո՞ւ է հարկավոր ջուր խմել

Մարդու օրգանիզմը մեծամասամբ կազմված է ջրից, և վերջինիս պակասը կարող է ծանր հետևանքների հանգեցնել։

Ջուրը մասնակցում է օրգանիզմում կատարվող կենսաքիմիական գրեթե բոլոր պրոցեսներին։ Այն անհրաժեշտ է, որպեսզի բոլոր օգտակար նյութերը բարեհաջող կերպով հասնեն օրգանիզմի բջիջներին։

Ապահովում է բնականոն նյութափոխանակությունը։

Օրգանիզմից դուրս է բերում խարանները և այն մաքրում թույներից։

Դրականորեն է ազդում ոսկրային և մկանային հյուսվածքների վրա։

Մասնակցում է օրգանիզմի ջերմակարգավորմանը։

Անհրաժեշտ է բջիջների թարմացման, գեղեցկության և երիտասարդության պահպանման համար։

Որքա՞ն ջուր խմել

Ընդունված է համարել, որ մարդ պետք է 30 մլ ջուր խմի 1կգ քաշի համար։ Այսինքն՝ 60կգ քաշով մարդը օրական պետք է 1,8լ ջուր խմի, 80կգ-ի դեպքում՝ 2,4լ։ Ընդ որում՝ ֆիզիկական ծանրաբեռնվածության և մի շարք հիվանդությունների, ինչպես նաև շոգ եղանակի դեպքում օրգանզիմում ջրի պահանջը մեծանում է։ Երբեմն էլ բժիշկները խորհուրդ են տալիս նվազեցնել ջրի քանակը, օրինակ՝ այտուցվածության դեպքում։

Ինչպե՞ս անհրաժեշտ քանակությամբ ջուր խմել

Աշխատելիս սեղանին 0.5 լ շշով ջուր դրեք և պարբերաբար խմեք։ Ձեր առջև նպատակ դրեք որոշակի ժամանակահատվածում խմել ամբողջը։ Երբ վերջացնեք, նորից լցրեք շիշը և աչքի առաջ դնելով՝ սկսեք խմել տարբեր ժամերի։ Տանը գեղեցիկ, ձեզ դուր եկող տարայով ջուր դրեք սեղանին։ Երբ ցանկանաք թեյ կամ սուրճ խմել, մոտեցեք և նախ ջուր խմեք։ Այդպիսով ժամանակի ընթացքում սովորություն կձևավորվի։

Կոլրաբի․ օգտակար և վնասակար հատկությունները

Կոլրաբի․ օգտակար և վնասակար հատկությունները

Կոլրաբին պատկանում է կաղամբի ընտանիքին, անվանումը կարելի է թարգմանել որպես «կաղամբ-շաղգամ»

Օրեգանո․ օգտակար և վնասակար հատկությունները

Օրեգանո․ օգտակար և վնասակար հատկությունները

Դրական ազդեցություն է թողնում հատկապես կնոջ օրգանիզմի վրա, քանի որ կարգավորում է դաշտանային ցիկլը, մեղմում դաշտանային ցավը և կիրառվում է դաշտանի ուշացման դեպքում․․․

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Մթերքներ, որոնք ցանկալի չէ ուտել հղիության ընթացքում

Մթերքներ, որոնք ցանկալի չէ ուտել հղիության ընթացքում

Հղիությունը յուրահատուկ շրջան է օրգանիզմի համար, և ցանկանաք, թե ոչ, պետք է հրաժարվեք որոշ ուտելիքներից կամ էլ գոնե սահմանափակեք դրանց քանակը, որպեսզի չվնասեք ինչպես ձեզ, այնպես էլ երեխային․․․