Հազրեվարդ (ռոզմարին)․ օգտակար հատկություններն ու հակացուցումները

Հազրեվարդ (ռոզմարին)․ օգտակար հատկություններն ու հակացուցումները

Գիտե՞ք, որ այս բուրումնավետ համեմունքը պարբերաբար օգտագործելու դեպքում ի զորու է պաշտպանել տարատեսակ հիվանդություններից և ամրացնել առողջությունը։

Քանի որ մեր երկրում ռոզմարինը գրեթե չի օգտագործվում թարմ վիճակում, ապա հոդվածում կխոսենք չորացրած ռոզմարինի օգտակար հատկությունների և հակացուցումների մասին խոհարարական ոլորտում։

Հազրեվարդը (ռոզմարին, խնկունի, լվացտակի ծառ, լուսնտակի ծառ), խուլեղինջազգիների, շրթնածաղիկների ընտանիքի բույսերի ցեղ է, մշտադալար թփեր են։ Ծաղկող ընձյուղներից ու տերևներից ստանում են եթերային յուղ, որն օգտագործվում է բժշկության մեջ և օծանելիքի արտադրությունում։

Ռոզմարինն ավելացնում են ձկնային, մսային, բանջարեղենային և սնկով ուտեստներին, օգտագործում են ապուրներ, աղցաններ, սոուսներ պատրաստելիս։ Լայնորեն օգտագործվում է դեղագործության, ժողովրդական և պաշտոնական բժշկության մեջ։ Բուժման նպատակով օգտագործելուց առաջ անհրաժեշտ է խորհրդակցել բժշկի հետ։

Ռոզմարինը պարունակում է վիտամին A, C, B խմբի վիտամիններ (ռիբոֆլավին, նիացին, թիամին, պիրիդոքսին, ֆոլաթթու), երկաթ, ֆոսֆոր, պղինձ, կալցիում, ցինկ, նատրիում, կալիում, մագնիում և այլ մակրոտարրեր ու միկրոտարրեր։ Հագեցած է եթերային յուղերով։ Կալորիականությունը 100 գր մթերքում կազմում է 330 կկալ։

Օգտակար հատկությունները

  • Նպաստում է դիմադրողական համակարգի ամրապնդմանը։ 
  • Օժտված է հակամանրէային հատկություններով։ 
  • Բարենպաստ ազդեցություն է ունենում սրտանոթային համակարգի աշխատանքի համար։ 
  • Բարձրացնում է անոթային ճնշումը։ 
  • Լավացնում է մարսողական համակարգի աշխատանքը։ 
  • Օգնում է հաղթահարել սթրեսը, բարձրացնում է տրամադրությունը։  
  • Պարբերաբար օգտագործելու դեպքում նպաստում է հիշողության, մտավոր ունակությունների և ուղեղի աշխատանքի լավացմանը։ 
  • Ենթադրվում է, որ այն պաշտպանում է Ալցհեյմերի հիվանդությունից։

Հակացուցումները

Հարկավոր է զգուշությամբ օգտագործել հիպերտոնիայի, էպիլեպսիայի, երիկամների և մարսողական համակարգի մի շարք հիվանդությունների, ինչպես նաև հղիության դեպքում։ Հիշեք, որ պետք է չափավորություն պահպանել, քանի որ այս օգտակար համեմունքը մեծ քանակությամբ օգտագործելու դեպքում կարող է վնասել անգամ լիովին առողջ մարդուն։

Բազուկ (ճակնդեղ). օգտակար և վնասակար հատկությունները

Բազուկ (ճակնդեղ). օգտակար և վնասակար հատկությունները

Ժամանակակից գիտնականները ոչ միայն հաստատեցին իրենց նախորդների դիտարկումները, այլև ապացուցեցին, որ բազուկը եզակի, անփոխարինելի բանջարեղեն է մարդու սննդակարգում:

Ձկան յուղ․ օգտակար և վնասակար կողմերն օրգանիզմի համար

Ձկան յուղ․ օգտակար և վնասակար կողմերն օրգանիզմի համար

Ձկան յուղը հայտնի է արդեն շատ տասնամյակներ և բացի հեղուկ ձևից թողարկվում է նաև հարմար պարկուճներով։

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Եթե ունես խնդիրներ արյան հետ կապված՝ ուրեմն առողջ չես։ Մի խոսքով՝ արյունը չափազանց կարևոր է։

Սխտոր․ օգտակարությունն ու վնասակարությունն օրգանիզմի համար

Սխտոր․ օգտակարությունն ու վնասակարությունն օրգանիզմի համար

Սխտորը՝ բազմամյա խոտաբույսային բույս է Միջին Ասիայի Ամարիլիս ընտանիքից, օժտված սուր համով և ուժեղ առանձնահատուկ հոտով։