Շաքարի բնական մակարդակը արյան մեջ

Շաքարի բնական մակարդակը արյան մեջ

Գլյուկոզան մեծ դեր է խաղում մեր օրգանիզմում, քանի որ էներգիայի հիմնական աղբյուրն է։ Եթե սպիտակուցներն ու ճարպերն օրգանիզմի բջիջների կառուցման հիմնական նյութերն են և էներգիայի աղբյուր լինելը երկրորդական դեր է խաղում, ապա գլյուկոզան, ընհակառակը, առաջին հերթին էներգիայի աղբյուր է և հետո միայն կառուցողական տարրերի սինթեզի մասնակից։

Գլյուկոզան հեշտությամբ է ճեղքվում և էներգիա անջատում, որն անհրաժեշտ է ամբողջ օրգանիզմին։ Գլյուկոզայի բնականոն մակարդակից է կախված օրգանիզմում կենսաքիմիական գործընթացների ընթացքը, բոլոր բջիջների աշխատանքը և մարդու ընդհանուր վիճակը։

Բնականում արյան մեջ շաքարի մակարդակը պետք է լինի 3.3-5.5 մմոլ/լ-ի սահմաններում։ Շաքարի պարունակությունը գրեթե նույն է երեխաների և մեծերի արյան մեջ։ Օրվա ընթացքում, կախված մարսողական գործընթացներից, շաքարի մակարդակը փոփոխվում է։

Ուտելուց հետո պարզ ածխաջրերը ներծծվում են արյան մեջ, բարդ ածխաջրերը ճեղքվում են պարզերի, և վերջիններս նույնպես անցնում են արյան մեջ։ Արդյունքում արյան մեջ շաքարի մակարդակը կտրուկ բարձրանում է՝ անցնելով 5.5 մմոլ/լ-ի սահմանը։ Այդ պատճառով էլ արյան մեջ շաքարի մակարդակի որոշման հետազոտությունը կատարվում է առավոտյան քաղցած վիճակում։

Ինչպե՞ս է օրգանիզմը պահում շաքարի բնական մակարդակը

Արյան մեջ շաքարի ներթափանցումից հետո գլյուկոզան պահեստավորվում է օրգանիզմի հյուսվածքներում (հիմնականում լյարդում և մկաններում) գլիկոգենի տեսքով, որը ձևավորվում է գլիկոգենեզ կոչվող կենսաքիմիական գործընթացի արդյունքում։

Գլյուկոզայի սպառման դեպքում պահեստային գլիկոգենը կրկին վերածվում է գլյուկոզայի և այդպիսով օրգանիզմում շաքարի մակարդակը հավասարակշռվում է։ Հենց գլյուկոզա-գլիկոգեն-գլյուկոզա վերափոխման մեխանիզմն է օգնում նվազեցնել գլյուկոզայի մակարդակը, երբ այն բարձր է և հակառակը՝ բարձրացնել, երբ ցածր է։

Ինչու՞ է կարևոր գլյուկոզայի բնական մակարդակի պահպանումը

Արյան մեջ գլյուկոզայի մակարդակի նվազումը (հիպոգլիկեմիա) հանգեցնում է բոլոր օրգանների և առաջին հերթին գլխուղեղի աշխատունակության խանգարմանը։ Առաջանում է թուլություն, քաղց, գլխապտույտ, վերջույթների դող և այլն։ Այդ վիճակում մարդ կորցնում է աշխատունակությունը։ Հիպոգլիկեմիայի խորացման դեպքում հնարավոր է, որ հիպոգլիկեմիկ կոմա առաջանա։

Գլյուկոզայի մակարդակի կարճ ժամանակահատվածով բարձրացումը (հիպերգլիկեմիա) բնական ֆիզիոլոգիական վիճակ է հատկապես ածխաջրերով հարուստ սնունդ ուտելուց հետո։ Այդ կարճաժամկետ բարձրացումը վտանգավոր չէ, իսկ այ մշտական բարձրացումը, որը դիտվում է շաքարային դիաբետի ժամանակ, հղի է բազմաթիվ խնդիրներով՝ անգիոպատիա, նեֆրոպատիա, ռետինոպատիա և այլն։

Երիտասարդության գաղտնիքը հորմոնների ներդաշնակությունն է

Երիտասարդության գաղտնիքը հորմոնների ներդաշնակությունն է

Երբ հորմոնալ համակարգի հետ կապված խնդիրներ են առաջանում, չափազանց դժվար է դառնում վերլուծել և վերահսկել սեփական զգացմունքներն ու հույզերը

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Հոդատապը հիվանդություն է, որը զարգանում է պուրինի նյութափոխանակության խանգարման հետևանքով, ինչի արդյունքում հիմնականում հոդերում առաջանում են միզաթթվի բյուրեղներ

Ինչպե՞ս սովորել կենտրոնանալ սեքսի վրա

Ինչպե՞ս սովորել կենտրոնանալ սեքսի վրա

Ժամանակակից աշխարհում կան չափազանց շեղող գործոններ՝ երկար ժամանակ ինչ-որ բանի վրա կենտրոնանալու համար, այդ թվում նաև սեքսի

Ինտիմ հատվածի բիոռեվիտալիզացիա

Ինտիմ հատվածի բիոռեվիտալիզացիա

Ժամանակի ընթացքում մարմնի հյուսվածքները ենթարկվում են տարիքային փոփոխությունների՝ նվազում է առաձգականությունը, առաջանում է մաշկի և լորձաթաղանթների չորություն: