Մագնե B6․ կարելի՞ է հղիության ընթացքում օգտագործել
48245
Հղիությունը կյանքի առանձնահատուկ շրջան է, և կնոջ օրգանիզմը ոչ միշտ է կարողանում ինքնուրույն բավարարել ապագա երեխայի օրգանիզմի վիտամինների և հանքանյութերի պահանջները։
Այդ պատճառով էլ հղի կանանց խորհուրդ է տրվում հավելյալ դեղամիջոցներ ընդունել, որոնք պարունակում են անհրաժեշտ միկրոտարրեր և սննդանյութեր։ Այդպիսի դեղամիջոցների շարքին է դասվում նաև մագնե B6-ը։
Դեղաբանական հատկությունները
Մագնե B6-ը համալիր դեղապատրաստուկ է՝ հիմնված մագնիումի և պիրիդոքսինի (B6) վրա։ Այդ երկու բաղադրիչները լրացնում են իրար և ուժեղացնում ազդեցությունը։
- Մագնիումը նվազեցնում է հարթմկանային հյուսվածքաթելերի նյարդային վերջավորությունների գրգռվողականությունը։
- Պիրիդոքսինն ուժգնացնում է աղիներում մագնիումի ներծծման գործընթացը։
- Վիտամին B6-ը մասնակցում է ֆոլաթթվի, ֆերմենտների, նեյրոմեդիատորների սինթեզին։
- Օրգանիզմում մագնիումի անբավարարությունը կարող է հանգեցնել երեխայի օրգանիզմում հանքանյութերի փոխանակության խանգարման։
Հղիության ընթացքում մագնիումի պակասը հաճախ հանգեցնում է արգանդի հարթմկանային հյուսվածքաթելերի բարձր տոնուսի, ինչը դառնում է հղիության ընդհատման սպառնալիքի պատճառ։
Հղի կանանց դեպքում մագնե B6-ը կարող է օգտագործվել առիթմիայի, հանկարծակի գլխացավի, գլխապտույտի, գոտկատեղի ցավի բուժման նպատակով։
Ցուցումները
- Դյուրագրգռություն
- Արգանդի հիպերտոնուս
- Առիթմիա
- Մկանային ցավ
- Քնի խանգարում
Հակացուցումները
- Գերզգայունակություն
- Լակտոզի յուրացման խնդիրներ
- Մալաբսորբցիա
- Երիկամային անբավարարություն
