Հղիության 5 արգելք

Ցանկացած կնոջ կյանքում հղիությունն անմոռանալի և յուրահատուկ ժամանակաշրջան է: Իհարկե դրան զուգահեռ ապագա մայրիկը պետք է չկորցնի զգոնությունը, և իմանա հղիության ընթացքում ինչից է պետք խուսափել: Միասին պարզենք ինչն է արգելվում հղի կնոջը:

Ալկոհոլ

Ալկոհոլի բացասական հետևանքները լավ ուսումնասիրված և հաստատված են: Հղիության ընթացքում ալկոհոլի օգտագործումն արգելվում է, քանի որ էթանոլը հեշտությամբ ներթափանցում է ընկերքի միջով և անցնում անմիջապես պտղի արյան հոսք: Այն կարող է հանգեցնել պտղի դեմքի անոմալիաների, միկրոցեֆալիայի (ուղեղի թերհասություն), ֆիզիկական թերհասության, օրգանների զարգացման արատների և այլն: Ալկոհոլը հատկապես վտանգավոր է հղիության առաջին եռամսյակում:

Ծխախոտ

Այն պարունակում է ածխածնի օքսիդ, որը փոխազդում է հեմոգլոբինի հետ և գազային փոխանակության ժամանակ փոխարինում է թթվածնի մի մասը: Արդյունքում և՛ մայրը, և՛ պտուղը ենթարկվում են թթվածնային անբավարարության: Ներարգանդային հիպոքսիան մեծ վտանգներ է կրում, այն կարող է առաջացնել պտղի զարգացման հապաղում, սիրտ-անոթային համակարգի խնդիրներ, իմունիտետի ընկճում: Հղիության ընթացքում ծխելը կարող է հանգեցնել նույնիսկ ընկերքի վաղաժամ շերտազատման և վաղաժամ ծննդաբերության:

Սուրճի չարաշահում

Կա ենթադրություն, որ կոֆեինի չարաշահումը ծանրաբեռնում է ինչպես մոր, այնպես էլ պտղի սիրտ-անոթային համակարգի աշխատանքը: Սա առաջացնում է տագնապի զգացում և կարող է նույնիսկ հանգեցնել ինքնաբեր վիժման կամ վաղաժամ ծննդաբերության: Խոսքն իհարկե սուրճի մեծ քանակությամբ ընդունման մասին է: Այն ամբողջությամբ կարող է հակացուցվել միայն զարկերակային բարձր ճնշում ունեցող կանանց դեպքում:

Ծանրության բարձրացում

Հղիության ընթացքում անհրաժեշտ է ուշադիր լինել ֆիզիկական աշխատանքի ժամանակ: Չի թույլատրվում ծանրություն բարձրացնել, քանի որ դա կարող է նպաստել ինքնաբեր վիժմանը: Դա հատկապես վտանգավոր է արգանդի հիպերտոնուսի դեպքում: Արգելվում են նաև ուժային սպորտաձևերը, ծանրամարտը, ձիասպորտը և այլն: Սպորտաձևերից խորհուրդ է տրվում զբաղվել լողով, հղիների համար նախատեսված մարմնամարզությամբ:

Սթրես

Սթրեսային իրավիճակներից միշտ է պետք խուսափել, և հատկապես՝ հղիության ընթացքում: Հրաժարվեք աշխատանքային ծանր գրաֆիկից: Ոչինչ չպետք է ավելորդ հոգնածություն և նյարդայնություն առաջացնի: Խուսափեք նաև դեղաբույսերի և դեղորայքի կիրառումից: Հիշեք, որ դրանց մեծ մասն ունի հղիության հակացուցում, և անհրաժեշտության դեպքում միայն բժիշկը կարող է նշանակել դեղորայք:

Կեղծ հղիության նշանները

Կեղծ հղիության նշանները

Հղիության բոլոր նշաններն առկա են, իսկ ՈւՁՀ մասնագետը հետազոտությունից հետո հայտնում է, որ պտղաձուն բացակայում է։ Տարօրինա՞կ է։ Գուցե, բայց բժշկությանն այդպիսի դեպքեր հայտնի են։ Այդ կոչվում է կեղծ հղիություն․․․․

Կրծքի կաթի պահպանումը

Կրծքի կաթի պահպանումը

Որքա՞ն ժամանակ է հնարավոր սենյակային ջերմաստիճանում պահել կրծքի կաթը։ Կարելի՞ է այն սառնարանում պահել...

Սեքսը կրծքով կերակրման շրջանում

Սեքսը կրծքով կերակրման շրջանում

Մի շարք կանայք ԿԿ ֆոնին բախվում են լիբիդոյի նվազման խնդրին․․․

Օրգազմը հղիության դեպքում

Օրգազմը հղիության դեպքում

Հղիությունը չի նվազեցնում սեռական ցանկությունը, սակայն շատերը խուսափում են օրգազմից՝ մտածելով, որ այն կարող է վիժում առաջացնել...