Ձվարանների բարորակ ուռուցքների վիրահատական բուժումը հղիության ընթացքում

Հղիության ընթացքում հաճախ ախտորոշվում են լյուտեոմաներ, ձվարանների դերմոիդ և մուցինոզային ուռուցքներ, հազվադեպ՝ ֆոլիկուլյար կիստաներ, շճային (սերոզ) և պտկաձև (պապիլլյար) կիստոմաներ, ձվարանի քաղցկեղ։

Հղիության ընթացքում մեծ է ձվարանի ուռուցքների բարդությունների առաջացման վտանգը։ Դրանցից են՝
  • հղիության ընդհատումը,
  • ուռուցքի ոտիկի ոլորումը,
  • ուռուցքի թաղանթի ամբողջականության խախտումը։

Ցուցումները
Ձվարանի 10սմ և ավել տրամագծով իսկական ուռուցքի կամ ուռուցքանման գոյացության առկայություն։

Հակացուցումները
Հղիության առաջին եռամսյակ, եթե չկան հնարավոր չարորակության վերաբերյալ տվյալներ։

Նախապատրաստում վիրահատությանը

Կլինիկալաբորատոր հետազոտությունների իրականացում՝
  • արյան խումբ, ռեզուս-գործոն, 
  • Վասսերմանի ռեակցիա, ՁԻԱՀ, HBSAg, HCV–АТ, 
  • արյան կլինիկական հետազոտություն, 
  • արյան կենսաքիմիական հետազոտություն, 
  • կոագուլագրամա, 
  • մեզի ընդհանուր հետազոտություն, 
  • էլեկտրասրտագրություն, 
  • թերապևտի խորհրդատվություն, 
  • փոքր կոնքի օրգանների ՈւՁՀ, դոպլերային գունավոր պատկերավորում, 
  • որովայնի խոռոչի (լյարդ, ենթաստամոքսային գեղձ), արտաորովայնային շրջանի օրգանների (երիկամներ, ավշահանգույցներ) ՈւՁՀ, 
  • CA125 և այլն:

Բարդությունները
  • Հղիության ընդհատում։ 
  • Ձվարանի զարկերակների և երակների, արգանդափողի միջընդերքի անոթների արնահոսություն։ 
  • Միզածորանի, միզապարկի, աղու վնասում։

Հետվիրահատական շրջան

Վիրահատությունից հետո նշանակվում է հղիության պահպանմանը և երկարացմանն ուղղված թերապիա։ Թարախասեպտիկ բարդությունների կանխարգելման նպատակով նշանակվում է հակամանրէային թերապիա։ Դեղամիջոցների և դրանց օգտագործման տևողությունը կախված է վիրահատության տևողությունից և ծանրության աստիճանից։

Տեղեկություն հղի կնոջ համար
Ձվարանի ուռուցքների առաջացմանը նպաստող գործոններն են՝
  • ժառանգականությունը, 
  • հորմոնային խանգարումները, 
  • հաճախակի արված աբորտները, 
  • հղիության երկարատև բացակայությունը, 
  • սեռական կյանքի վաղ կամ ուշ սկիզբ։

Վերոնշյալ գործոններից որևէ մեկի առկայության դեպքում պետք է լուրջ ուշադրություն դարձնել առողջությանը։ Ձվարանի ուռուցքի առանձնահատուկ, բնորոշ ախտանշաններ չկան։ Ոմանք որովայնի ստորին հատվածում և գոտկատեղի շրջանում ցավ են զգում, որը կապված չի լինում դաշտանի հետ։


Աղբյուրը՝ Акушерство. Национальное руководство, Айламазян Э.К и др., 2009 г.
Թարգմանությունը՝ www.sotskiy.am

Նորածինների մոտ առկա որոշակի տարօրինակություններ, որոնք առաջին հայացքից կարող են վախեցնել անփորձ ծնողներին

Նորածինների մոտ առկա որոշակի տարօրինակություններ, որոնք առաջին հայացքից կարող են վախեցնել անփորձ ծնողներին

Ծնվելուց հետո առաջին չորս շաբաթվա ընթացքում երեխայի օրգանիզմը ներարգանդային կյանքից անցում է կատարում դեպի հետծննդյան շրջան

Ինչպե՞ս հեռացնել սպիները էպիզիոտոմիայից  (շեքահատում) և ծննդաբերական այլ վնսվածքներից հետո

Ինչպե՞ս հեռացնել սպիները էպիզիոտոմիայից (շեքահատում) և ծննդաբերական այլ վնսվածքներից հետո

Հետծննդաբերական նույնիսկ փոքր սպին կարող է վատթարացնել սեռական կյանքի որակը

Ի՞նչ է հարկավոր վերցնել Ձեզ հետ ծննդատուն գնալիս

Ի՞նչ է հարկավոր վերցնել Ձեզ հետ ծննդատուն գնալիս

Առանձին թղթապանակում հարկավոր է հավաքել բոլոր անհրաժեշտ փաստաթղթերը և դրանց կրկնօրինակները

Ճիշտ շնչառությունը ծննդաբերության ընթացքում

Ճիշտ շնչառությունը ծննդաբերության ընթացքում

Ծննդաբերության ընթացքում ճիշտ շնչառությունը հեշտացնում է կծկանքների ընթացքը և բարելավում է մայրիկի և երեխայի ինքնազգացողությունը: