Նաբոտովյան (ռետենցիոն) կիստաներ

Նաբոտովյան (ռետենցիոն) կիստաներ

Գինեկոլոգիական ընթացիկ ստուգման ժամանակ վերարտադրողական տարիքի 10 կանանցից մեկին տրվում է բոլորովին անսպասելի և անծանոթ ախտորոշում՝ նաբոտովյան կիստա: Ի՞նչ է. ուռո՞ւցք, որը կարող է լրջորեն վնասել առողջությանը, թե՞ հեշտությամբ հեռացվող բարորակ գոյացություն: Որոնք են առաջացման պատճառները, արդյո՞ք բուժում է պահանջում: Փորձենք հասկանալ:

Ախտանշանները

Նաբոտովյան կամ ռետենցիոն կիստաները փոքր, կլորավուն, սպիտակադեղնավուն կամ սպիտակ, բարորակ գոյացություններ են արգանդի պարանոցի վրա՝ հեշտոցային հատվածում: Հանդիպում է 25-45 տարեկան կանանց 10-20%-ի շրջանում, հիմնականում՝ ծննդաբերած կանանց: Այսպիսի կիստաները վտանգավոր չեն առողջության համար, քանի որ ձևավորվում են պարանոցային գեղձերի ծորանների խցանման և դրանցում արտազատուկի կուտակման հետևանքով:

Ռետենցիոն կիստաները չեն անհանգստացնում կանանց, չեն ազդում հորմոնային ֆոնի վրա, չեն վերածվում չարորակ գոյաությունների, չեն նպաստում դաշտանի խանգարմանը, հղիության ընդհատմանը և բնական ծննդաբերությանը: Կիստաները լինում են մեկ հատ, կամ էլ բազմաթիվ, և եթե դրանց քանակը մեծ է, ապա արգանդի վզիկը զգալիորեն մեծանում է: Բացի այս, 1 սանտիմետրանոց կիստաները չորացնում են վզիկային խողովակը և ինչ-որ չափով կարող են նվազեցնել բեղմնավորման հավանականությունը, սակայն ոչ մի դեպքում դրանք չեն կարող համարվել չհղիանալու հիմնական պատճառ:

Արգանդի պարանոցի վրա ռետենցիոն կիստաների առկայությունը կարող է տեսնել գինեկոլոգը՝ հայելիների կամ կոլպոսկոպի միջոցով զննելու արդյունքում կամ սոնոգրաֆիկ հետազոտության ժամանակ:

Առաջացման պատճառները

Վզիկային խողովակը ներսից պատված է հատուկ գլանաձև էպիթելային շերտով, որը հատուկ գեղձերի ամբողջություն է: Այդ գեղձերն անվանում են նաբոտովյան (դրանք հայտնաբերած հեղինակի անունով): Այդ գեղձերը հատուկ լորձ են արտադրում, որը պահպանում է արգանդի պարանոցի բնականոն միջավայրը: Հեշտոցի կողմից պարանոցը պատված է բոլորովին այլ բջիջներով՝ բազմաշերտ եղջերավոր էպիթելով, որը պաշտպանական գործառույթ ունի և կանխում է վնասակար մանրէների ու վարակների մուտքն արգանդ: Հենց բազմաշերտ եղջերավոր էպիթելի բջիջների ներթափանցումն էլ գեղձի ծորանի մեջ խանգարում է սեկրետի բնականոն արտահոսքին: Արդյունքում գեղձերն ուռչում են, ձգվում և վերածվում կիստայի:

Որոշ մասնագետներ նաբոտովյան կիստաները նորմալ են համարում, ոմանք էլ առաջացման մի շարք պատճառներ են առանձնացնում՝ փոքր կոնքի օրգանների քրոնիկական-բորբոքային պրոցեսներ, հորմոնային խանգարում, արգանդի պարանոցի էրոզիաներ: Պետք է ասել, սակայն, որ ռետենցիոն կիստաների առաջացման այս պատճառները մինչև օրս գիտականորեն չեն հիմնավորվել:

Պե՞տք է բուժել

Մասնագետներից շատերի կարծիքով նաբոտովյան կիստաները ոչ մի բուժում էլ չեն պահանջում, սակայն ինքնուրույն էլ չեն անհետանում և դրանցում կարող են հիվանդածին միկրոօրգանիզմներ կուտակվել, որոնք առաջացնում են կանանց սեռական օրգանների հիվանդություններ: Այս է պատճառը, երբեմն բժիշկները խորհուրդ են տալիս հեռացնել դրանք:

Գեղձերի ծորաններն այսօր հնարավոր է մաքրել տարբեր մեթոդներով՝ էլեկտրակոագուլյացիա, ռադիոալիքային, լազերային բուժում կամ կրիոքայքայում: Երբեմն բուժումը լրացվում է ֆիզիոթերապևտիկ ազդեցությամբ դեղորայքային թերապիայով:

Ռետենցիոն կիստաները հնարավոր է բացել (այրել) ցանկացած ժամանակ, բացի դաշտանին նախորդող և հաջորդող 3 օրերից: Միջամտությունից առաջ խորհուրդ է տրվում բժշկի ցուցմամբ որոշակի հետազոտություններ անցնել: Խնդիրների հայտնաբերման դեպքում կիստաները կհեռացվեն միայն նախնական բուժում անցնելուց հետո:

Արգանդի պարանոցի կիստայի կանխարգելման նպատակով խորհուրդ է տրվում պարբերաբար գինեկոլոգիական զննում անցնել, ինչպես նաև ժամանակին ախտորոշել ու բուժել կանանց հիվանդությունները:

 

Աղբյուրը

Երիտասարդության գաղտնիքը հորմոնների ներդաշնակությունն է

Երիտասարդության գաղտնիքը հորմոնների ներդաշնակությունն է

Երբ հորմոնալ համակարգի հետ կապված խնդիրներ են առաջանում, չափազանց դժվար է դառնում վերլուծել և վերահսկել սեփական զգացմունքներն ու հույզերը

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Հոդատապը հիվանդություն է, որը զարգանում է պուրինի նյութափոխանակության խանգարման հետևանքով, ինչի արդյունքում հիմնականում հոդերում առաջանում են միզաթթվի բյուրեղներ

Ինչպե՞ս սովորել կենտրոնանալ սեքսի վրա

Ինչպե՞ս սովորել կենտրոնանալ սեքսի վրա

Ժամանակակից աշխարհում կան չափազանց շեղող գործոններ՝ երկար ժամանակ ինչ-որ բանի վրա կենտրոնանալու համար, այդ թվում նաև սեքսի

Ինտիմ հատվածի բիոռեվիտալիզացիա

Ինտիմ հատվածի բիոռեվիտալիզացիա

Ժամանակի ընթացքում մարմնի հյուսվածքները ենթարկվում են տարիքային փոփոխությունների՝ նվազում է առաձգականությունը, առաջանում է մաշկի և լորձաթաղանթների չորություն: