Կերակրելիս կրծքի վրա դրվող հարմարանք

Կերակրելիս կրծքի վրա դրվող հարմարանք

Կրծքով կերակրման, մայրական կաթի կարևորությունն անհնար է թերագնահատել։ Երբեմն, սակայն, մի շարք երևույթներ, ինչպես օրինակ պտուկների ճաքը, կարող են խաթարել նրա բնական ընթացքը։ Այդպիսի դեպքերում արդյո՞ք կօգնեն կրծքով կերակրման հարմարանքները։ Դիտարկենք դրանց առավելություններն ու թերությունները։

Առավելություններ և թերություններ

Երբեմն վերոնշյալ հարմարանքը կրծքով կերակրումը պահպանելու միակ միջոցն է դառնում։ Այդուհանդերձ որոշ դեպքերում հավելյալ խնդիրներ է առաջացնում։

Ե՞րբ օգտագործել

  • Փոքրիկը չի ցանկանում ծծել կուրծքը շշով կերակրումից հետո։ Հարմարանքը փոքրիկին զգայական մակարդակում կհիշեցնի մայրական պտուկը, և անցումը բնական կերակրման ավելի հեշտ կլինի։ 
  • Կուրծքն ուժգին ցավում է կերակրելիս։ 
  • Թերհաս երեխայի ուժը չի հերիքում կուրծք ծծելուն։ Այդ դեպքում հարմարանքը կհեշտացնի ծծելը և կնպաստի լակտացիային։ 
  • Պտուկի ձևախեղումներ։ Հարթ կամ ներս ըկած պտուկի դեպքում երեխան չի կարողանում բռնել այն, իսկ ԿԿ հարմարանքը նվազագույնի է հասցնում անհարմարությունները։ 
  • Երեխայի բերանի յուրահատուկ կառուցվածք։ Վերոնշյալ բոլոր խնդիրների դեպքում հարկավոր է խորհրդակցել բժշկի հետ։

ԿԿ հարմարանքի հետևանքով ծագած խնդիրներ

  • ԿԿ հարմարանքը փոխում է ծծելու մեխանիզմը, ինչը կարող է նպաստել լակտացիայի մարելուն։ 
  • Կերակրման տևողությունը երկարում է, երեխան չի հագենում, որովհետև կաթն արտահոսում է։ 
  • Երբեմն օդ կուլ տալու հետևանքով ցավ և մետեորիզմ (փորափքանք) է առաջանում։ ԿԿ հարմարանքի դեպքում հաճախ է այդպես լինում։ 
  • ԿԿ հարմարանքի ստերիլությունը չպահպանելու դեպքում հաճախ է պտուկի բորբոքում լինում։ Կրծքի կանդիդոզը տարածված երևույթ է ԿԿ հարմարանք օգտագործելու դեպքում։

Ինչպե՞ս ընտրել համապատասխան չափսը

Հնարավորության դեպքում հարկավոր է փորձել տարբեր արտադրողների առաջարկած ԿԿ հարմարանքը և նոր միայն գնել։

Թերհաս և թույլ նորածինների դեպքում հարկավոր է փոքր չափսն ընտրել՝ համոզվելով, որ այն համապատասխանում է նաև մորը։

Կատարյալ ԿԿ հարմարանքը պետք է համընկնի պտկի եզրագծին, հեշտ հագնի և չձգի։

Ռեզինից ու լատեքսից պատրաստվածներն այնքան էլ որակյալ չեն, քանի որ կոշտ են և կարող են ալերգիկ ռեակցիա առաջացնել, բացի այդ հնարավոր է, որ երեխան համ առնի դրանցից։

Սիլիկոնե հարմարանքն ավելի անվտանգ է ու նուրբ, ապահովում է մոր մարմնի ջերմության փոխանցումը երեխային և չունի համ ու հոտ։

Ինչպե՞ս օգտագործել

  • ԿԿ հարմարանքն օգտագործելուց առաջ հարկավոր է մանրէազերծել։ 
  • Խոնավացնելու դեպքում ավելի հեշտ է կպչում։ 
  • Հարմարանքի կտրվածքն այն հատվածում պետք է լինի, որին կպչում է փոքրիկի քիթը։ 
  • ԿԿ հարմարանքով կուրծքը ծծելը չպետք է տարբերվի բնական կերակրումից․ երեխան լայն բաց է անում բերանը և բռնում արեոլան։
Նորածինների մոտ առկա որոշակի տարօրինակություններ, որոնք առաջին հայացքից կարող են վախեցնել անփորձ ծնողներին

Նորածինների մոտ առկա որոշակի տարօրինակություններ, որոնք առաջին հայացքից կարող են վախեցնել անփորձ ծնողներին

Ծնվելուց հետո առաջին չորս շաբաթվա ընթացքում երեխայի օրգանիզմը ներարգանդային կյանքից անցում է կատարում դեպի հետծննդյան շրջան

Ինչպե՞ս հեռացնել սպիները էպիզիոտոմիայից  (շեքահատում) և ծննդաբերական այլ վնսվածքներից հետո

Ինչպե՞ս հեռացնել սպիները էպիզիոտոմիայից (շեքահատում) և ծննդաբերական այլ վնսվածքներից հետո

Հետծննդաբերական նույնիսկ փոքր սպին կարող է վատթարացնել սեռական կյանքի որակը

Ի՞նչ է հարկավոր վերցնել Ձեզ հետ ծննդատուն գնալիս

Ի՞նչ է հարկավոր վերցնել Ձեզ հետ ծննդատուն գնալիս

Առանձին թղթապանակում հարկավոր է հավաքել բոլոր անհրաժեշտ փաստաթղթերը և դրանց կրկնօրինակները

Ճիշտ շնչառությունը ծննդաբերության ընթացքում

Ճիշտ շնչառությունը ծննդաբերության ընթացքում

Ծննդաբերության ընթացքում ճիշտ շնչառությունը հեշտացնում է կծկանքների ընթացքը և բարելավում է մայրիկի և երեխայի ինքնազգացողությունը: