Կրծքի և վաղ հասակի երեխաների սնուցումը

Կրծքի և վաղ հասակի երեխաների սնուցումը

Վաղ մանկական հասակը երեխայի աճի, զարգացման, առողջության և վարքագծի ձևավորման ամենավճռորոշ շրջանն է։ Հենց այս ժամանակահատվածում է առավել կարևոր երեխայի բարենպաստ սնուցումը՝ առողջության հնարավորինս լավ ցուցանիշների հասնելու համար։ Առողջությունը ներառում է ոչ միայն աճն ու զարգացումը, այլև հիվանդություններին դիմադրելու և ապաքինվելու ունակությունը։

Մինչև հինգ տարեկան երեխաների մեկ երրորդից ավելին թերսնվում է և այդ պատճառով կամ անբավարար հասակ ունի, և/կամ քաշ, կամ վիտամին A-ի, երկաթի ու այլ միկրոնուտրիենտների անբավարարություն: Թերսնուցումը բարձրացնում է հիվանդացությունն ու մահացությունը և, ԱՀԿ-ի տվյալներով, աշխարհում տարեկան մոտ 10 միլիոն մինչև հինգ տարեկան երեխաների մեկ երրոդի մահացության ուղղակի կամ անուղղակի պատճառ է դառնում: Եթե բոլոր երեխաները բացառապես կրծքով կերակրվեին ծննդյան պահից մինչև վեց ամսականը լրանալը, աշխարհում տարեկան 1,3 մլն կյանքեր կփրկվեին, իսկ միլիոնավոր երեխաներ ավելի առողջ կլինեին: Վաղ մանկական հասակում անբավարար սնուցումը հանգեցնում է աճի և զարգացման երկարատև խանգարման:

Ապացուցված է, որ կյանքի առաջին երկու տարիների թերսնուցումը հանգեցնում է ոչ միայն չափահաս տարիքում իր պոտենցիալի համեմատ մի քանի սմ-ով ավելի ցածր հասակ ունանալուն, այլև մտավոր զարգացման համեմատաբար ցածր մակարդակին և ֆիզիկական աշխատանք կատարելու նվազ ունակություններին: Աղջիկների թերսնուցումը ազդում է նաև նրանց վերարտադրողական ֆունկցիայի վրա` մեծացնելով ծննդյան փոքր քաշով նորածին ունենալու և բարդացած ծննդաբերության վտանգը: 

Ընդհանուր առմամբ, մեծ թվով երեխաների թերսնուցումը բացասաբար է անդրադառնում ազգի համընդհանուր զարգացմանը: Ոչ ճիշտ սնուցումը կարող է հանգեցնել նաև մանկական գիրության, որը հետզհետե ավելի լուրջ հասարակական առողջապահության խնդիր է դառնում մի շարք երկրներում, այդ թվում նաև Հայաստանում: Ապացուցված է, որ ապրելակերպի վերաբերյալ կարևորագույն ընտրությունները, որոնցով պայմանավորված են հետագա ողջ կյանքի առողջական ռիսկերը, անհատը կատարում է մանկության և դեռահասության շրջանում, այդ պատճառով խիստ կարևոր է, որ երեխաները վաղ մանկական հասակից բալանսավորված օրաբաժին ունենան:

Առողջ սնունդ ընտրելու վարքագծի ու ֆիզիկական ակտիվության խրախուսումը ինչպես թերսնուցումից, այնպես էլ գիրության ներկայիս էպիդեմիայից պաշտպանվելու լավագույն միջոցներն են:

 

 

 

 

Մանկաբուժություն: Ուս. ձեռնարկ, ԵրՊԲՀ հրատ.

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Տղամարդն ուրոլոգիական առաջին զննումն անցնում է կյանքի առաջին ամիսներին, երբ մանկաբույժը զննում է իրականացնում՝ ամորձապարկի զարգացման պաթոլոգիաները բացառելու նպատակով։

Պոլիօրգանային անբավարարություն

Պոլիօրգանային անբավարարություն

Պոլիօրգանային անբավարարությունը մի քանի օրգանների գործունեության խախտման հետևանքն է: Տվյալ ձախողումները կարող են առաջանալ միաժամանակ կամ հաջորդաբար:

Ինչո՞ւ է իջնում թրոմբոցիտների քանակը և ի՞նչ անել

Ինչո՞ւ է իջնում թրոմբոցիտների քանակը և ի՞նչ անել

Թրոմբոցիտները արյան գնդիկներ են, որոնք ունակ են առաջացնելու խցանումներ կամ թրոմբներ

Ինչ անել, եթե երեխան ունի լեյկոզ

Ինչ անել, եթե երեխան ունի լեյկոզ

Այս հիվանդության դեպքում խաթարվում է արյան բջիջների հասունացման գործընթացը