Ծննդաբերությունը 40 տարեկանում

Ծննդաբերությունը 40 տարեկանում

Այսօր շատերն են որոշում ծննդաբերել քառասուն տարեկանից հետո։ Պատճառները տարաբնույթ են, գուցե նախկինում չի հաջողվել, գուցե մայրանալն առաջնային տեղ չի գրավել կամ էլ անձնական այլ պատճառ։

Կարդացեք՝ Արտամարմնային բեղմնավորումը 35 տարեկանից հետո

40 տարեկան և մեծ կանանց, ովքեր երեխայի են սպասում, մտահոգում է՝ արդյո՞ք կկարողանան բարեհաջող ծննդաբերել և առողջ երեխա լույս աշխարհ բերել։

Խորհուրդներ ապագա մայրերին

Հղիությունը հաստատվելուն պես հարկավոր է հաշվառվել, քանի որ ձեր դեպքում այն պետք է ընթանա բժշկի վերահսկմամբ։

Լուրջ վերաբերվեք ձեր վիճակին։ Լսեք բժշկի խորհուրդները և ժամանակին կատարեք անհրաժեշտ բոլոր հետազոտությունները։

Բժիշկները պետք է հետևեն երեխայի զարգացման բոլոր փուլերին, քանի որ այդ տարիքում մեծ է Դաունի համախտանիշի առաջացման վտանգը։

Եթե բժիշկները խորհուրդ տան անկողնային ռեժիմ պահել, կատարեք առանց հակադրվելու։

Ուշադիր եղեք ձեր ապրելակերպի հանդեպ։ Ճիշտ սնվելը կարևոր է և անհրաժեշտ է առաջին հերթին ձեր ներսում զարգացող երեխային։

Սննդամթերքների մեջ ներառեք բանջարեղեն և մրգեղեն, փորձեք միայն առողջարար սնունդ ուտել:

Կարդացեք՝ Երիտասարդացնո՞ւմ է արդյոք մեծ տարիքում հղիանալը

Օգտակար է քայլելը։ Եթե հակացուցումներ չկան, փորձեք որքան հնարավոր է շատ զբոսնել մաքուր օդում և առողջ ապրելակերպ վարել, ինչը կօգնի հեշտ ծննդաբերել։

Հաճախեք յոգայի դասերի, ֆիզկուլտուրայով զբաղվեք։ Վարժությունները կօգնեն ամրացնել անոթները, պահպանել արգանդի տոնուսը և զարգացնել ճիշտ շնչառությունը։ Հղի կանանց համար նախատեսված մարմնամարզության բազմաթիվ տեխնիկաներ կան, կարող եք նաև լողի գնալ, ինչը դրականորեն է ազդում և զարգացնում է մարմնի բոլոր մկանները։

Ձեր ամուր առողջությունն առողջ երեխա լույս աշխարհ բերելու գրավականն է։

30 տարեկանն անց կանայք վաղաժամ ծննդաբերության ռիսկային խմբում են, ուստի հարկավոր է խորհրդակցել բժշկի հետ և անհրաժեշտության դեպքում պառկել հիվանդանոցում։

Կինը կարո՞ղ է ինքնուրույն ծննդաբերել 40-ից հետո

Հնարավոր է ծննդաբերել բնական ճանապարհով, սակայն բժիշկները խորհուրդ են տալիս կեսարյան հատում անել։ Եթե ցանկանում եք ինքնուրույն ծննդաբերել, անցեք անհրաժեշտ բոլոր հետազոտությունները, որպեսզի պարզեք արդյո՞ք բնական ծննդաբերությունը վտանգավոր չի լինի ձեզ համար։

Կարդացեք՝ Հղիությունը մեծ տարիքում

Խուսափեք սթրեսային իրավիճակներից և պահպանեք հանգստությունը։ Չմոռանաք, որ ձեր նյարդային վիճակն անմիջապես անդրադառնում է երեխայի վրա։ Եթե հանգստանալու կարիք ունեք, դասական երաժշտություն լսեք, մտածեք ձեր փոքրիկի մասին, խոսեք նրա հետ։

Անքնությունը հղիության ընթացքում

Անքնությունը հղիության ընթացքում

Հղիության ընթացքում անքնությունը երբեմն կարող է լինել ապագա մոր օրգանիզմում տեղի ունեցող գործընթացների հետևանք։

Բխկոցը կերակրելուց հետո

Բխկոցը կերակրելուց հետո

Կերակրման ժամանակ երեխան երբեմն կուլ է տալիս օդ, որը կուտակվում է մարսողական տրակտում և կարող է առաջացնել գազեր, փքվածություն ու փսխում:

Տագնապային խանգարումները հղի կանանց մոտ․ պատճառները և բուժումը

Տագնապային խանգարումները հղի կանանց մոտ․ պատճառները և բուժումը

Երեխային սպասելը ուրախ և հուզումնալի ժամանակահատված է:

Թութքը հղիության ընթացքում. ախտանիշներն ու բուժումը

Թութքը հղիության ընթացքում. ախտանիշներն ու բուժումը

Հղիության ընթացքում կանանց մարմինը ենթարկվում է գլոբալ փոփոխությունների և շատ հաճախ թութքի առաջացման պատճառ դառնում։