Ամնիոսկոպիան պտղաջրի հետազոտման մեթոդ է, որի դեպքում ամնիոսկոպի միջոցով բժիշկը զննում է պտղապարկի ստորին բևեռը։

Ցուցումները

Ամնիոսկոպիա է կատարվում հետևյալ դեպքերում՝

• պտղի քրոնիկական հիպոքսիա,
• ծննդաբերության սահմանված ժամկետից ուշացող հղիություն։ 

Հակացուցված է հետևյալ դեպքերում՝

• կոլպիտ, 
• ցերվիցիտ, 
• ընկերքի առաջադրություն, 
• պտղի հետույքային առաջադրություն։ 

Նախապատրաստում հետազոտությանը

Հետազոտությունը կատարվում է միզապարկի դատարկումից և արտաքին սեռական օրգանները բժշկական հատուկ նյութով մշակելուց հետո։

Անցկացման պայմանները

Հասուն կամ արգանդի հարթ պարանոց, ամբողջական պտղապարկ։ Հետազոտությունը կատարվում է առանց ցավազրկման։

Ինչպես է կատարվում հետազոտությունը

Ամնիոսկոպիայից առաջ հղի կինը հարմար տեղավորվում է գինեկոլոգիական աթոռի վրա։ Բժիշկը զննում է հեշտոցը, որպեսզի պարզի ցերվիկալ ուղու և ներքին օղի անցանելիությունը։ Անհրաժեշտության դեպքում մատներով լայնացնում է։

Մանրէազերծ պայմաններում պարանոցի մեջ է մտցվում հատուկ սարքը (12-20մմ՝ կախված ցերվիկալ ուղու տրամագծից)։ Հետազոտության ընթացքում բժիշկն ուշադրություն է դարձնում պտղաջրի գույնին, արյան և այլ նյութերի առկայությանը։

Տեղեկություն հղի կնոջ համար

Միջամտությունից առաջ այցելուին տեղեկացնում են ցուցումների, հետազոտության կատարման տեխնիկայի և հնարավոր վտանգի մասին, ստանում են նրա համաձայնությունը։

Բարդությունները

Հնարավոր է չնչին քանակությամբ արյունային արտադրություն առաջաա, պտղաջի վաղաժամ արտահոսք սկսվի։