Գազավորված ըմպելիքները հղիության ընթացքում

Գազավորված ըմպելիքները հղիության ընթացքում

Ներկայում շատերը չեն կարող պատկերացնել իրենց կյանքն առանց քաղցր, գազավորված ըմպելիքների կամ հանքային ջրի, բայց արդյո՞ք գազավորված ըմպելիքը կարելի է նաև ապագա մայրիկներին: Փորձենք պարզել, թե հղի կանանց համար որն է ծարավը հագեցնելու լավագույն տարբերակը: Այս հարցին պատասխանելու համար նախ հասկանանք, թե ինչ բաղադրություն ունեն գազավորված ըմպելիքները: Քաղցր, գազարվորված ըմպելիքները պարունակում են կոնսերվանտներ, համի ուժեղացուցիչ, կիտրոնաթթու, քաղցրացուցիչներ և իհարկե շաքար:

Թթուները լավ ազդեցություն չեն ունենում ստամոքսի լորձաթաղանթի վրա: Շաքարը նպաստում է ավելորդ քաշի կուտակման: Գազավորված ըմպելիքների մեծ մասը քաղցրավենիքներից պակաս կալորեական չէ: Պետք չէ նաև մոռանալ տարատեսակ հավելանյութերի մասին, որոնք կիրառվում են ըմպելիքը պատրաստելիս: Այդ ամենը չի կարող անվնաս լինել ապագա մայրիկի առողջության համար:

Գազավորված ըմպելիքի արտահայտիչ համն ստանում են տարբեր հավելանյութերի միջոցով, ինչպես օրինակ նատրիումի բենզոնատի, որը բացասական ազդեցություն է ունենում լյարդի վրա, իսկ ասկորբինաթթվի հետ փոխազդելիս դառնում է քաղցկեղածին (կանցերոգեն), այսինքն՝ նպաստում է օնկոլոգիական հիվանդությունների զարգացմանը: Արդեն հասկանալի է, որ այս բաղադրիչի պարունակությամբ ըմպելիքները խիստ վտանգավոր են բոլորի համար, հետևաբար արգելված են նաև հղի կանանց:

Բազմաթիվ գազավորված ըմպելիքների բաղադրության մեջ հանդիպում է նաև օրտոֆոսֆորական թթու, որը կարող է առաջացնել գաստրիտ կամ ստամոքսի խոցային հիվանդությունների սրացում: Բացի այդ այդ հավելանյութը բացասական ազդեցություն է ունենում հղի կնոջ օրգանիզմի՝ կալցիումի, մագնեզիումի և երկաթի յուրացման կարողության վրա: Այնպես որ՝ գազավորված ըմպելիքներ գնելուց առաջ լավ կլինի ուշադիր ուսումնասիրեք դրա բաղադրությունը, քանի որ պատասխանատու եք ոչ միայն ձեր, այլև դեռ լույս աշխարհ չեկած ձեր փոքրիկի կյանքի համար:

Ինչպես գիտեք, խանութներում ըմպելիքների բաժնում կարելի է գտնել նաև տարատեսակ հանքային ջրեր: Ոչ բոլորը գիտեն, որ հղի կանանց թույլատրվում է օգտագործել միայն սեղանի հանքային ջուր, քանի որ հանքային ջրերի մյուս տեսակները կիրառվում են բժշկի նշանակմամբ՝ որոշակի հիվանդությունների դեպքում:

Այդպիսով՝ պարզեցինք, որ գազավորված ըմպելիքները ծարավը հագեցնելու լավագույն տարբերակը չեն հղի կանանց համար, հատկապես, որ դրանք հաճախ կարող են հանգեցնել աղիներում ակտիվ գազառաջացման և ցավերի: Ապագա մայրիկներին խորհուրդ է տրվում դրանց փոխարեն ընտրել բնական հյութեր, մրգահյութեր, պահածոներ, որոնք բացի հաճելի համից նաև օգտակար կլինեն ձեր և ձեր փոքրիկի համար:

Ի՞նչ կպատահի, եթե թթված կաթ կամ ժամկետանց կեֆիր խմեք

Ի՞նչ կպատահի, եթե թթված կաթ կամ ժամկետանց կեֆիր խմեք

Թարմ կաթը գործնականում զերծ է բակտերիաներից

Աղիքների համար օգտակար 10 մթերքներ

Աղիքների համար օգտակար 10 մթերքներ

Նստակյաց ապրելակերպը և ոչ ճիշտ սննդակարգը հաճախ բացասաբար են անդրադառնում մարսողական համակարգի վրա: Կարող եք բարելավել իրավիճակը՝ փոփոխելով ձեր սննդակարգը

Սննդակարգը փորկապության դեպքում. օգտակար և վնասակար մթերքները

Սննդակարգը փորկապության դեպքում. օգտակար և վնասակար մթերքները

Փորկապությունը տարածված խանգարում է, որը նկատվում է բոլոր տարիքային խմբերի տղամարդկանց ու կանանց մոտ

Ինչո՞ւ և որքա՞ն ուտել հացահատիկի թեփ

Ինչո՞ւ և որքա՞ն ուտել հացահատիկի թեփ

Թեփը ստանալու համար մանրացնում են հացահատիկը։ Այն ներառում է վիտամիններ՝ PP, B1, B2, E, երկաթ, մագնեզիում, ցինկ, կալիում և այլ օգտակար հանքային տարրեր: