Կաթնագեղձերի հետազոտում․ ինչպե՞ս հասկանալ, որ խնդիր կա

Կաթնագեղձերի հետազոտում․ ինչպե՞ս հասկանալ, որ խնդիր կա

Կրծքագեղձերի հիվանդությունները կանխարգելվում են ինքնուրույն ստուգումների կամ մասնագետների՝ մամոլոգի և գինեկոլոգի ստուգումների միջոցով: Բժիշկները բոլոր կանանց խորհուրդ են տալիս պարտադիր հետազոտել կրծքագեղձերը յուրաքանչյուր ամիս՝ դաշտանի օրերին (ցանկալի է 5-7-րդ օրերին, երբ կրծքագեղձերն ավելի նուրբ են, զերծ կոշտուկներից): Գոյություն ունի կրծքի ինքնահետազոտման հատուկ ձև։

Ներքնազգեստի ստուգում

Կրծքերում առաջացող փոփոխությունների նշանները հաճախ արտահայտվում են կրծքագեղձից արտադրության (ցանկացած բնույթի) տեսքով: Կարող է արտադրություն լինել թեթև սեղմումներից կամ պարզապես հետքեր նկատվել ներքնազգեստի վրա:

Կրծքի արտաքին տեսքը

Պետք է մերկանալ մինչև գոտկատեղը և ձեռքերն իջեցրած կանգնել վառ լուսավորված սենյակում՝ հայելու դիմաց: Անհրաժեշտ է մանրազնին հետազոտել կրծքերն առանձին-առանձին՝ սկսած պտուկից և արեոլայից, այնուհետև զննել կրծքի ձևը և հենց գեղձի ուրվագծերի հստակությունը: Անհրաժեշտ է ուշադրություն դարձնել հատկապես երկու գեղձերի համաչափությանը, երբ ձեռքերը բարձրացնում եք վեր, պահում գլխի հետևում կամ խոնարհվում: Անհրաժեշտ է զննել նաև անութային հատվածները (թևատակերը) ավշային հանգույցներ հայտնաբերելու համար:

Մաշկի գնահատում

Անհրաժեշտ է ուշադրություն դարձնել մաշկի փոփոխություններին՝ կարմրությանը, քորին, ցանին: Հարկավոր է մաշկն զգուշորեն շոշափել նրա մակերևույթին պինդ գոյացություններ, թմբեր կամ փոսիկներ գտնելու համար, ուշադրություն դարձնել նրա առաձգականությանը՝ ծալքերով հավաքելիս:

Կրծքագեղձի շոշափում (պալպացիա) կանգնած դիրքում

Կրծքագեղձի ինքնուրույն զննման այս փուլում խորհուրդ է տրվում օգտագործել մարմնի կրեմ, լոսյոն, կամ զննումն առհասարակ իրականացնել լոգանքի ընթացքում: Աջ ձեռքով շոշափում են ձախ կուրծքը, իսկ ձախով՝ աջը: Անհրաժեշտ է մատներով հպվել մաշկին, ընդ որում՝ առանց բութ մատի օգնության:

Տարբերում են ինքնաշոշափման երկու եղանակ՝ պտույտներով և հատվածային: Առաջինի դեպքում մատները պետք է պտտել ժամսլաքի ուղղությամբ՝ անութային փոսիկից դեպի պտուկը: Երկրորդի դեպքում անհրաժեշտ է մտովի կրծքագեղձը բաժանել հատվածների և հերթականությամբ շոշափել՝ արտաքին ուրվագծից դեպի պտուկը: Նախ մեղմորեն շոշափում են կրքագեղձը, որպեսզի պարզեն կա՞ն արդյոք փոքր այտուցներ կամ գոյացություններ՝ տեղակայված անմիջապես մաշկի տակ: Այնուհետև անհրաժեշտ է ավելի խորը հետազոտել, մատներով շոշափել կրծքագեղձից դեպի անութային հատված և անրակից դեպի ստորին կողեր: Ինքնահետազոտման ժամանակ պարտադիր պետք է հետևել միևնույն եղանակին, որպեսզի հնարավոր լինի օբյեկտիվորեն գնահատել և համեմատել արդյունքները:

Կրծքագեղձի հետազոտում պառկած դիրքում

Սա նույն մեթոդն է, պարզապես հետազոտումը կատարում եք պառկած դիրքում: Անհրաժեշտ է պառկել հարթ և կոշտ մակերեսի վրա, ձեռքը դնել գլխի հետևում, իսկ մյուսով շոշափել կուրծքը: Այսպես կուրծքն ավելի հարմար կլինի հետազոտել: Անհրաժեշտ է շոշափելով ստուգել պտուկը և դրան հարող հատվածը՝ ուշադրություն դարձնելով դրա գույնի կամ ձևի փոփոխությանը: Վերջում պետք է ցուցամատի և բութ մատի օգնությամբ սեղմել պտուկը՝ ստուգելու համար կա՞ արտադրություն, թե՞ ոչ, և եթե կա, պետք է ուշադրություն դարձնել դրա բնույթին:

Ե՞րբ անհանգստանալ

Զննման արդյունքում անհանգստացնող է՝

  • կաթնագեղձերի անհամաչափությունը, դրանց ձևի փոփոխությունը,
  • պտուկի ձևի փոփոխությունը կամ նրանից եկող արտադրությունը, 
  • արյունատար անոթների լայնացումը,
  • մաշկի կարմրած, ուռած հատվածները կամ ցանկացած այլ փոփոխություն,
  • կրծքագեղձում հանգույցների հայտնաբերումը, 
  • անհարմարության կամ ցավի զգացումը,
  • մեծացած անութային և պարանոցային ավշային հանգույցները:

Վերոնշյալ ախտանշանների առկայության դեպքում անհրաժեշտ է բժշկի դիմել:

Հարկավոր է դիմել մասնագետի նաև այն դեպքում, եթե՝

  • ձեր տարիքը 30-ն անց է,
  • ունեք դաշտանային ցիկլի խանգարումներ,
  • բարեկամների շրջանում եղել են կաթնագեղձի կամ վերարտադրողական համակարգի քաղցկեղի դեպքեր,
  • ունեք մաստոպատիա կամ կրծքի այլ հիվանդություն,
  • ձեզ նշանակվել է ֆիզիոթերապիա:

Բժշկական ախտորոշիչ մեթոդներ

Ցավոք ոչ բոլոր քաղաքային պոլիկլինիկաներում կան բժիշկ-մամոլոգներ: Երբեմն նրանց գործառույթներն իրենց վրա են վերցնում թերապևտները, գինեկոլոգները կամ ուռուցքաբանները: Նրանք բոլորն ունեն այդ բնագավառում անհրաժեշտ գիտելիքներ, ինչպես նաև անհրաժեշտ ախտորոշիչ տեխնոլոգիաներ: Կլինիկական զննության արդյունքում բժշիկը նշանակում է կաթնագեղձերի ավելի մանրակրկիտ հետազոտություն՝ ՈւՁՀ, մամոգրաֆիա, համակարգչային շերտագրում:

Ուլտրաձայնային հետազոտություն

Մինչև 40 տարեկան կանանց խորհուրդ է տրվում ՈւՁՀ՝ ախտորոշման համեմատաբար անվնաս և հարուստ տեղեկություններ տրամադրող մեթոդ: Միջամտության ընթացքում հաջողվում է հետազոտել գեղձի պինդ հյուսվածքը, հարող շրջանի ավշահանգույցները, ճշգրիտ ախտորոշել կիստաները և այլ գոյացությունները:

Մամոգրաֆիա

Սա հետազոտության ամենատեղեկատվական մեթոդն է, կատարվում է մամոգրաֆի օգնությամբ: Սարքավորման ժամանակակից մոդելները համալրված են հատուկ ուժեղացնող էկրաններով, որոնց օգտագործումը մի քանի անգամ նվազեցնում է օրգանիզմի վրա ճառագայթային ծանրաբեռնվածությունը: Յուրաքանչյուր գեղձի ռենտգեն նկարը կատարվում է թեք և ուղիղ պրոյեկցիաներով: 35-40 տարեկանում հետազոտությունն անցկացնում են միայն չարորակ ուռուցքի կասկածի դեպքում, իսկ 40-ում առաջին մամոգրաֆիան ցանկալի է բոլորի համար: Հետազոտությունն ավելի լավ է կատարել ցիկլի 7-10-րդ օրը: Ռենտգեն պատկերների վրա հստակ տեսանելի են հիվանդության տեսակը և կրծքի ախտահարման աստիճանը:

Համակարգչային շերտագրում

Ախտորոշման այս մեթոդը կիրառվում է այն դեպքերում, երբ ուռուցքն այնպիսի տեղում է, որ անհնար է հետազոտել մամոգրաֆի օգնությամբ: Շերտագրության միջոցով որոշվում է մետաստազների ճշգրիտ տեղակայումը և քանակը, գնահատվում է իմպլանտի վիճակը (վիրահատությունից հետո), և բացահայտվում են հիվանդության կրկնման դեպքերը:

Համաձայն ոչ պաշտոնական վիճակագրական տվյալների` տաս նորագոյացություններից ինը հայտնաբերվում է հենց կնոջ կամ նրա զոըգընկերոջ կողմից: Այնպես որ թող կրծքագեղձի ինքնահետազոտումը ներառվի ձեր սովորությունների ցանկում:

Հիշե՛ք, որ դուք դա անում եք ոչ թե ինչ-որ բան գտնելու համար, այլ համոզվելու, որ կասկածելի նշանները բացակայում են: Եթե նկատել եք անհանգստացնող նշաններ, շտապեք դիմել բժշկի:

Ոչ բոլոր ուռուցքներն են քաղցկեղային․ կան նաև այլ՝ անվնաս տեսակներ, որոնք կյանքին վտանգ չսպառնացող հիվանդություններ են: Սակայն սա այն դեպքը չէ, երբ պետք է հաջողության վրա հույս դնել․ միայն ճիշտ ժամանակին մասնագետի դիմելը կարող է բուժման, ապաքինման հնարավորություն տալ և թույլ տալ պահպանել առողջությունն ու գրավչությունը:

 

Աղբյուրը՝ medsi.ru

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Եթե ունես խնդիրներ արյան հետ կապված՝ ուրեմն առողջ չես։ Մի խոսքով՝ արյունը չափազանց կարևոր է։

7 փաստ կուսաթաղանթի մասին

7 փաստ կուսաթաղանթի մասին

Ոմանք կուսաթաղանթը դիտում են որպես իրական պատնեշ՝ հեշտոց առնանդամով մուտք գործելու համար, որը պետք է անպայման պատռել առաջին հարաբերության ժամանակ։

Առաջին դաշտան․ ի՞նչ, որտե՞ղ, ե՞րբ, ինչպե՞ս․․․

Առաջին դաշտան․ ի՞նչ, որտե՞ղ, ե՞րբ, ինչպե՞ս․․․

Քո առաջին դաշտանը․ի՞նչ է անհրաժեշտ իմանալ

Սկլերոզային քարաքոս (Склерозирующий лишай)

Սկլերոզային քարաքոս (Склерозирующий лишай)

Սկլերոզային քարաքոսը(склерозирующий лишай) քրոնիկ մաշկային հիվանդություն է