Ինչպե՞ս խնամել կուրծքը հղիության ընթացքում
28932
Կուրծքը թերևս առաջինն է, որ հուշում է «հետաքրքիր» կարգավիճակի անցնելու՝ հղիության մասին: Ինչպես խնամել այն, որպեսզի պահպանեք նրա առողջությունն ու գեղեցկությունը:
Կաթնագեղձը կազմված է գեղձերից, շարակցական և ճարպային հյուսվածքներից, որոնցից յուրաքանչյուրն իր գործառույթն ունի: Ճարպային հյուսվածքը կուրծքը պաշտպանում է մեխանիկական ազդեցություններից, շարակցականից մեծապես կախված է կրծքի ձևը և չափսը, իսկ գեղձերում արտադրվում է կաթը: Յուրաքանչյուր կաթնագեղձ բաղկացած է 15–20 առանձին գեղձիկներից: Կաթնածորանները սկիզբ են առնում բլթակներից և բլթի շուրջը կազմում ծորանները։ Յուրաքանչյուր ծորան բացվում է պտուկի գագաթում։ Լակտացիայի ժամանակ ծորանները լայնանում են և կաթ կուտակում իրենց մեջ։
Կաթնագեղձը կնոջ օրգանիզմում տեղի ունեցող ցանկացած փոփոխության ցուցիչ է: Ահա մի քանի կանոն, որոնք կօգնեն ճիշտ խնամել կուրծքը:
Խուսափեք վաֆլային սրբիչից: Այդ մեթոդը իբրև թե պտուկները նախապատրաստում է կերակրմանը, սակայն այն նաև կարող է նպաստել արգանդի կրճատմանը, քանի որ պտուկների վրա շարունակաբար ներգործելը մեծացնում է արյան մեջ օքսիտոցին հորմոնի արտազատումը:
Հղիության ընթացքում բոլորովին էլ դժվար չէ կուրծքը խնամելը: Պահպանեք սովորական հիգիենայի կանոնները:
Կուրծքը չունի սեփական մկաններ, իսկ կցող հյուսվածքները հղիության և լակտացիայի ընթացքում ձգվում են, ուստի այդ ընթացքում ինչպես երբևէ կուրծքն ամուր վեր պահել է պետք: Ճիշտ ընտրված կրծքկալը պաշտպանում է վնասվածքներից, զոլերի առաջացումից, թուլացնում է ողնաշարի լարվածությունը և ձիգ է պահում կուրծքը: Պետք է ուշադրություն դարձնել, որ կրծքկալը լինի առավելագույնս հարմարավետ, կարված բնական «շնչող» գործվածքից, չճնշի կուրծքը և զերծ լինի մետաղական դետալներից, որոնք դժվարացնում են արյան հոսքը դեպի լիմֆատիկ հանգույցներ:
Հղիության երկրորդ եռամսյակից սկսած կաթնագեղձերը երբեմն կաթնախեժ են արտադրում: Եթե ձեզ անհանգստացնում է եկող արտադրությունը, օգտվեք կրծքկալի համար նախատեսված հատուկ ներդիրներից, որոնք կկլանեն այն:
Վախենում եք զոլերի՞ց՝ մաշկի վրա նկատվող ճաքերից, որոնք առաջանում են մաշկի ձգման, առաձգականության պակասի հետևանքով: Մաշկի առաձգականությունը մեծացնելուն կօգնեն հատուկ քսուքները կամ չռաֆինացված բուսական յուղերը: Անպայման խոնավացրեք մաշկը:
Առհասարակ հղիազոլերից խուսափելու համար կան մի շարք կանոններ, որոնք տրված են այս հոդվածում:
