Քրոնիկ էնդոմետրիտը էնդոմետրիումի երկարատև բորբոքային վիճակ է, որը հաճախ ընթանում է առանց արտահայտված ախտանշանների, սակայն կարող է զգալի ազդեցություն ունենալ վերարտադրողական ֆունկցիայի վրա։

Ինչու՞ է կարևոր
Վերջին տարիների հետազոտությունները ցույց են տվել, որ քրոնիկ էնդոմետրիտը կարող է կապված լինել՝

• Անպտղության
• Կրկնվող իմպլանտացիոն անհաջողությունների
• Կրկնվող վիժումների հետ

Հնարավոր ախտանշաններ
Շատ դեպքերում հիվանդությունը կարող է չունենալ ակնհայտ կլինիկական դրսևորումներ։

Երբեմն կարող են դիտվել՝

• Անկանոն արյունային արտադրություններ
• Քրոնիկ կոնքային ցավ
• Կրկնվող բորբոքային գանգատներ

Ախտորոշում

Հիստերոսկոպիա՝ թույլ է տալիս գնահատել արգանդի խոռոչը և կասկածել բորբոքային փոփոխությունները։

Էնդոմետրիումի բիոպսիա՝համարվում է ախտորոշման կարևոր մեթոդներից մեկը։

Բուժում

Հիմնականում կիրառվում է հակաբակտերիալ բուժում՝ ըստ հայտնաբերված պատճառի և կլինիկական իրավիճակի։

Քրոնիկ էնդոմետրիտը հաճախ թաքնված խնդիր է, որը կարող է խանգարել հղիության զարգացմանը։ Ժամանակին ախտորոշումն ու բուժումը կարող են բարելավել վերարտադրողական արդյունքները։