Պատվաստանյութ պապիլլոմավիրուսի դեմ

Պատվաստանյութ պապիլլոմավիրուսի դեմ

Պապաիլլոմավիրոսով վարակման դեպքերի և որպես վարակի հետևանք արգանդի պարանոցի քաղցկեղից մահացությունների շատացումը բժիշկներին ստիպեց առավել ուշադիր լինել հիվանդության կանխարգելման հարցում: Մինչև վերջերս պապիլլոմավիրուսից պաշտպանվելու միակ միջոցը պահպանակի գրագետ օգտագործումն էր: Վերջինս բնականաբար նվազեցնում է վարակվելու վտանգը, սակայն չի բացառում այն: Իհարկե, սա ամենաարդյունավետ միջոցը չէ, սակայն ստեղծված անբարենպաստ իրավիճակից դուրս գալու միակ ելքն է:

Ընդամենը մի քանի տարի առաջ ստեղծվեց պապիլլոմավիրուսի դեմ հատուկ պատվաստանյութ, որը պաշտպանում է ոչ միայն վարակից, այլև նրա բացասական հետևանքներից, մասնավորապես արգանդի պարանոցի քաղցկեղից: Հետևաբար սա երկրորդ հակաքաղցկեղային պատվաստանյութն է (առաջինը հեպատիտ В-ի դեմ պատվաստանյութն է, որը կանխարգելում է լյարդի քաղցկեղը):

Կարդացեք՝ Պապիլլոմավիրուս․ հիվանդություն, որ կարող է հանգեցնել քաղցկեղի

Պապիլլոմավիրուսի դեմ պատվաստանյութերից մեկն այսօր Գարդասիլն է, որն ընդգրկված է մի շարք երկրների պատվաստումների օրացույցում: Շատ երկրներում էլ, չնայած որ այս պատվաստանյութը ներառված չէ պարտադիրների ցանկում, սակայն համարվում է անհատական պատվաստման համար ցանկալի պատվաստանյութերից մեկը:

Գարդասիլ պատվաստանյութը պարունակում է սպիտակուցներ՝ նման այն սպիտակուցներին, որոնք կազմում են պապիլլոմավիրուսի չորս տիպերը՝ 6-րդ, 11-րդ, 16-րդ և 18-րդ: Այդ սպիտակուցները սինթեզվում են խմելի խմորիչների միջոցով: Այս պատվաստանյութը լիովին անվտանգ է մարդու համար, քանի որ պարունակում է վարակի մասնիկներ:

Պապիլլոմավիրուսի պատվաստանյութը պաշտպանում է վարակի 4 տեսակներից՝ 6-րդից, 11-րդից, 16-րդից և 18-րդից: 6-րդ և 11-րդ տիպերը հիմնականում առաջացնում են կանդիլոմաներ, իսկ 16-րդ և 18-րդ տիպերը դառնում են սեռական անդամի, հեշտոցի և արգանդի պարանոցի քաղցկեղի առաջացման պատճառ: Հարկ է նշել, որ այս պատվաստանյութը կանխարգելման միջոց է և ոչ թե բուժման, այդ պատճառով էլ այն չի կարող ազատել արդեն իսկ առկա վարակից, փոխարենը կարող է կանխել մարդու պապիլլոմայի վիրուսի այլ տիպերով վարակվելուց:

Պապիլլոմավիրուսի դեմ պատվաստման լավագույն ժամանակը նախքան սեռական կյանքով ապրելու շրջանն է: Դա կվերացնի ավելի հասուն տարիքում վարակվելու վտանգը:

Այսօր կա պատվաստման 2 սխեմա՝

  • հիմնական՝ ծնվելուց հետո 2 ամսականում և 6 ամսականում,
  • արագացված՝ ծնվելուց հետո 1 ամսականում և 3 ամսականում։

Կողմնակի ազդեցությունը

Գարդասիլ պատվաստանյութը գրեթե չի ունենում որևէ կողմնակի ներգործություն: Հազվադեպ հնարավոր է դիտվել ջերմության բարձրացում և կարճատև թուլություն: Առաջին 5 օրվա ընթացքում հնարավոր է, որ տեղային հակազդումներ առաջանան՝ մաշկի այտուցվածություն և կարմրություն: Հետպատվաստական բարդությունների դեպքեր դեռևս չեն արձանագրվել: 

Հակացուցումներն են՝

  • հիվանդության սրացման փուլ կամ որևէ քրոնիկական հիվանդության սրում,
  • պատվաստանյութերի բաղադրիչների նկատմամբ ալերգիա,
  • հղիություն:

Հարկավոր է հիշել, որ այս պատվաստանյութը պաշտպանում է մարդու պապիլլոմավիրուսի 4 տիպերից միայն և վարակի մյուս տեսակներով վարակման վտանգն այնուամենայնիվ պահպանվում է:

Լորձային արտադրություն հեշտոցից

Լորձային արտադրություն հեշտոցից

Հեշտոցից արտահոսող լորձային արտադրությունը, եթե նորմալ բնույթի է, բնական երևույթ է։ Վերարտադրողական տարիքի բոլոր կանայք էլ ունենում են...

Տրամադրությունը պայմանավորող հորմոնները

Տրամադրությունը պայմանավորող հորմոնները

Պատասխանատու են մեր հոգեհուզական վիճակի համար։ Ահա այն հիմնական հորմոնները, որոնք պայմանավորում են մեր լավ տրամադրությունը․․․

Գեղեցկության և առողջության երաշխիքները

Գեղեցկության և առողջության երաշխիքները

Տարիքին համընթաց օրգանիզմում բազմաթիվ փոփոխություններ են կատարվում, ոմանք, այնուամենայնիվ, շարունակում են պահպանել իրենց գեղեցիկ տեսքն ու առողջությունը․․․

Ե՞րբ պլանավորել հղիությունը վիժումից հետո

Ե՞րբ պլանավորել հղիությունը վիժումից հետո

Հաճախ է պատահում, որ կանայք, որոնց դեպքում վիժումը եղել է հղիության վաղ ժամկետում, ցանկանում են հղինալ վիժումից անմիջապես հետո․․․․