Արգանդի պարանոցի դիսպլազիա

Արգանդի պարանոցի դիսպլազիա

Ոչ բնորոշ ասելով, հասկանում են բջիջների կառուցվածքային, ինպես նաև էպիթելերի հասունացման և առանձնացման փոփոխություններ։ Այդ նախաքաղցկեղային հիվանդություն է, կարող է առաջացնել արգանդի պարանոցի ուռուցք։

Առաջացման պատճառները

Առանձնացվում է երեք գործոն՝

  • էկզոգեն (ձեռքբերովի)՝ երբ մարդը վարակված է պապիլլոմավիրուսով, հերպեսի վիրուսով, սեռական ճանապարհով փոխանցվող հիվանդություններով, ինչպես նաև ունեցել է շատ թվով ծննդաբերություններ կամ արհեստական վիժումներ, 
  • էնդոգեն (ներքին գործոններ)՝ հորմոնային խանգարումներ, իմունիտետի անկում, 
  • զուգակցվող գործոններ։ 

Այդ հիվանդության զարգացմանը մեծապես խթանում է պապիլլոմավիրուսի առկայությունը։ Ըստ որում՝ պապիլլոմավիրուսի հայտնաբերումը դեռ չի նշանակում, որ կնոջ մոտ կա արգանդի պարանոցի դիսպլազիա։

Հիվանդության հավանականությունը կախված է օրգանիզմի իմունային համակարգի աշխատանքից։

Ախտանշանները

Բնորոշ ախտանշաններ չկան։ Շատ հաճախ արգանդի պարանոցի դիսպլազիան նախնական փուլում որևէ կերպ չի արտահայտվում։ Շատերի մոտ արգանդի պարանոցը վիզուալ չի փոփոխվում։ Կարող են ի հայտ գալ վերարտադրողական համակարգի օրգանների հիվանդությունների նշաններ՝ արյունոտ արտադրություն, ցավեր որովայնի ներքևի հատվածում և այլն։

Ախտորոշում

Կանայք տարվա ընթացքում առնվազն մեկ անգամ պետք է անցնեն ցիտոլոգիական հետազոտություն, որը թույլ է տալիս ախտորոշել այս խնդիրը։

Դասակարգում

Արգանդի պարանոցի ատիպիկ բջիջների արտահայտվածության աստիճանից կախված՝ առանձնացվում է արգանդի պարանոցի դիսպլազիայի 3 աստիճան՝

  • CIN I-թեթև դիսպլազիա, 
  • CIN II- չափավոր դիսպլազիա, 
  • CIN III- ծանր դիսպլազիա։ 

Բուժումը

Բուժման մեթոդն ընտրվում է կախված կնոջ տարիքից, դիսպլազիայի աստիճանից, պաթոլոգիկ հատվածի ծավալից, զուգահեռ այլ հիվանդությունների առկայությունից։

Կանխարգելիչ մեթոդներ՝

  • իմունային համակարգի ամրապնդում,  
  • պարբերաբար գինեկոլոգիական հետազոտություններ, 
  • պապիլլոմավիրուսի առկայության դեպքում դրա զարգացման կառավարում,  
  • պապիլլոմավիրուսի ժամանակին բուժում։
Ինչպես պահպանել սովորական կենսակերպը, եթե ունեք անմիզապահություն

Ինչպես պահպանել սովորական կենսակերպը, եթե ունեք անմիզապահություն

Անմիզապահությունը դժվարացնում է առօրյա գործունեությունը, քանի որ բոլոր մտքերը կենտրոնացած են միայն այն բանի վրա, թե ինչպես չփչացնել հագուստը, որտեղ գտնել մոտակա զուգարանը և արդյոք կարելի է թույլ տալ լրացուցիչ բաժակ ջուր խմել։

Ինչ է լիպոման 

Ինչ է լիպոման 

Լիպոման ճարպային հյուսվածքի բարորակ գոյացություն է, որը տեղակայված է մաշկի և մկանների միջև

Դաշտանային ցավ․ պատճառները 

Դաշտանային ցավ․ պատճառները 

Շատ հաճախ ցավոտ դաշտանն առաջնային դիսմենորեան է, այսինքն՝ տհաճ զգացողություններ առաջանում են ոչ թե հիվանդությունների պատճառով, այլ ինքնուրույն

Ինչպես գործուն մնալ դաշտանային ցիկլի տարբեր փուլերում

Ինչպես գործուն մնալ դաշտանային ցիկլի տարբեր փուլերում

Դաշտանի ընթացքում, ինչպես նաև «սարսափելի» նախադաշտանային ժամանակահատվածում ինչ-որ բան անելը կարող է դժվար լինել, քանի որ առաջանում է ծանրության, հոգնածության զգացողություն և վատ տրամադրություն: