Ծննդաբերությունից հետո առաջին շաբաթները հանդիսանում են կնոջ օրգանիզմի ինտենսիվ վերականգնման շրջան, երբ միաժամանակ տեղի են ունենում անատոմիական, ֆիզիոլոգիական և հորմոնալ լուրջ փոփոխություններ։ Այս փուլը պահանջում է ինչպես բժշկական վերահսկում, այնպես էլ կնոջ իրազեկվածություն՝ հնարավոր բարդությունների վաղ հայտնաբերման համար։

Ֆիզիոլոգիական փոփոխություններ
Արգանդի ինվոլյուցիա

Ծննդաբերությունից հետո արգանդը աստիճանաբար փոքրանում է և վերադառնում իր նախնական չափերին։ Առաջին շաբաթվա ընթացքում այն զգալիորեն նվազում է՝ օրական մոտ 1–2 սմ։

Լոխիաներ

Հետծննդաբերական արտադրությունները (լոխիաները) բնական գործընթաց են․

• Առաջին օրերին՝ արյունային 
• Այնուհետև՝ վարդագույն/շագանակագույն 
• Ավարտին՝ սպիտակավուն 

 Հորմոնալ փոփոխություններ
Էստրոգենի և պրոգեստերոնի մակարդակների կտրուկ անկումը, ինչպես նաև պրոլակտինի բարձրացումը, նպաստում են կաթնարտադրությանը և ազդում ընդհանուր ինքնազգացողության վրա։

Կրծքով կերակրում և դրա նշանակությունը

Կրծքով կերակրումը ոչ միայն ապահովում է նորածնի սնուցումը, այլև՝

• խթանում է օքսիտոցինի արտազատումը
• նպաստում է արգանդի կրճատմանը
• նվազեցնում է հետծննդաբերական արյունահոսության ռիսկը 

Վտանգավոր նշաններ, որոնք պահանջում են անհապաղ դիմել բժշկին

• Առատ կամ հանկարծակի ուժեղացած արյունահոսություն
• Տհաճ հոտ ունեցող լոխիաներ
• Ջերմության բարձրացում (>38°C)
• Ուժեղ ցավ որովայնի ստորին հատվածում
• Կրծքագեղձերի ցավ, կարմրություն կամ կարծրացում
• Վտանգավոր նշաններ, որոնք պահանջում են անհապաղ դիմել բժշկին

Հոգեբանական փոփոխություններ
Առաջին շաբաթներին հնարավոր են՝

• Հուզական անկայունություն 
• Անհանգստություն, հոգնածություն
• Քնի խանգարումներ

Եթե ախտանշանները խորանում են կամ տևում են երկար, անհրաժեշտ է գնահատել հետծննդաբերական դեպրեսիայի հավանականությունը։

Խնամք և վերականգնում

• Պահպանել անձնական հիգիենա
• Խուսափել ծանր ֆիզիկական ծանրաբեռնվածությունից
• Կազմակերպել բավարար հանգիստ և սնունդ
• Հետևել բժշկի խորհուրդներին

Սովորաբար խորհուրդ է տրվում գինեկոլոգիական զննություն՝ ծննդաբերությունից 4–6 շաբաթ անց՝ վերականգնման ընթացքը գնահատելու և հետագա քայլերը որոշելու համար։