«Միրենա»-ն ներարգանդային հորմոնալ պարույր է, որը պարունակում է լևոնորգեստրել և ապահովում է ինչպես հուսալի հակաբեղմնավորիչ պաշտպանություն, այնպես էլ մի շարք գինեկոլոգիական խնդիրների բուժում։ Այն համարվում է ամենաարդյունավետ երկարատև հակաբեղմնավորիչ մեթոդներից մեկը՝ գործողությամբ մինչև 5 տարի։«Միրենա»–ն տեղադրվում է արգանդի խոռոչում և օրական ազատում է փոքր դոզայով լևոնորգեստրել՝ ապահովելով տեղային հորմոնալ ազդեցություն.

• Խտացնում է արգանդի վզիկի լորձը, ինչը կանխում է սերմնաբջիջների առաջխաղացումը։
• Նոսրացնում է էնդոմետրիումը, ինչը նվազեցնում է դաշտանային արյունահոսությունը։
• Կարող է ճնշել օվուլացիան որոշ կանանց մոտ (ոչ բոլորի)։
• Ապահովում է բարձր հակաբեղմնավորիչ արդյունավետություն։

Ցուցումներ

Բացի հուսալի հակաբեղմնավորիչ մեթոդ լինելուց, «Միրենա»-ն օգտակար է նաև մի շարք բուժական նպատակներով՝

• Առատ դաշտանային արյունահոսություն 
• Անեմիա՝ առատ դաշտանային ցիկլի պատճառով
• Էնդոմետրիոզի ցավերի մեղմացում
• Ադենոմիոզ
• Էնդոմետրիումի հիպերպլազիայի կանխարգելում՝ հորմոնալ փոխարինող թերապիայի ֆոնին
• Վերարտադրողական տարիքի կանանց մոտ՝ որպես ոչ վիրաբուժական մեթոդ արյունահոսության վերահսկման համար

Տեղադրման ընթացակարգը

Միրենան տեղադրվում է միայն մասնագետ գինեկոլոգի կողմից։Ընթացակարգը տևում է 5–7 րոպե, կատարվում է ամբուլատոր պայմաններում։Տեղադրվում է անմիջապես դաշտանիավարտից հետո, երբ արգանդի վզիկը ավելի բաց է և հղիության հավանականությունը՝ նվազագույն։

Առավելություններ

• Արդյունավետություն՝ գերազանցում է 99%-ը
• Գործողություն՝ մինչև 5 տարի
• Տեղային հորմոնալ ազդեցություն, առանց ընդհանուր օրգանիզմի վրա ծանր ազդեցության
• Դաշտանի արյունահոսության նվազում՝ մինչև 80–90%
• Շատ կանանց մոտ առաջացնում է հիպոմենորեա կամ ամենորեա, ինչը ֆիզիոլոգիական է այս մեթոդի դեպքում
• Հարմար և երկարատև՝ տեղադրումից հետո մշտական վերահսկում չի պահանջում
• Բարելավում է կյանքի որակը՝ նվազեցնելով ցավը և արյունահոսությունը
• Հեռացնելուց հետո վերարտադրողականությունը վերականգնվում է արագ։

Հակացուցումներ

• Հղիություն
• Սուր կամ կրկնվող բորբոքային գինեկոլոգիական հիվանդություններ
• Անհայտ ծագման արգանդային արյունահոսություն
• արգանդի վզիկի դիսպլազիա կամ չարորակություն
• արգանդի խոռոչի մեծ դեֆորմացիաներ (ֆիբրոմիոմա՝ խոշոր ենթլորձային հանգույցներով)
• ծանր լյարդային հիվանդություններ
• հորմոնային կախյալ նորագոյացություններ

Տեղադրումից հետո՝

• Առաջին 4–6 շաբաթը խորհուրդ է տրվում վերանայել գինեկոլոգի մոտ՝ տեղադրության ճիշտ դիրքը վերահսկելու նպատակով։
• Ինքնազգացողության ցանկացած փոփոխություն, սուր ցավ կամ ուժեղ արյունահոսություն պահանջում են բժշկի միջամտություն։
• Սեռական կյանքը հնարավոր է շարունակել 2–3 օրից, եթե բացակայեն անհանգստացնող նշաններ։

Միրենան ոչ միայն պաշտպանում է հղիությունից, այլև զգալիորեն բարելավում է կնոջ կյանքի որակը՝

• նվազեցնելով դաշտանի ինտենսիվությունը,
• մեղմացնելով ցավը,
• կանխելով քրոնիկ անեմիան,
• ապահովելով կայուն հորմոնալ միջավայր։