Ներարգանդային պարույրը արգանդի ադենոմիոզի (էնդոմետրիոզի) դեպքում

Ներարգանդային պարույրը արգանդի ադենոմիոզի (էնդոմետրիոզի) դեպքում

«Mirena»-ն ներարգանդային պարույր է, որը մի ողջ հորմոնալ համակարգ է և  օգտագործվում է գինեկոլոգիայում ոչ միայն որպես հակաբեղմնավորիչ, այլ նաև՝ բուժական նպատակներով:

«Mirena»-ն ադենոմիոզի դեպքում օգնում է վերացնել ուղեկցող ախտանիշները, բարելավել պացիենտի վիճակը, կանգնեցնել պաթոլոգիական գործընթացների զարգացումը՝ կապված էնդոմետրիումի անվերահսկելի աճի հետ։

Պարույրի տեղադրումն իրականացվում է միայն բժշկի ցուցմամբ, քանի որ այն ունի իր հակացուցումներն ու կողմնակի բարդությունները։ Դեղամիջոցի գործող ժամկետը `մինչև 5 տարի է:

Ե՞րբ է ադենոմիոզի դեպքում ցուցվում  «Mirena» հորմոնալ ՆԱՊ-ը

Ադենոմիոզը  գինեկոլոգիական պաթոլոգիա է, որի դեպքում նկատվում է    էնդոմետրիումի աճ՝ դեպի արգանդի մկանային շերտ: Զարգացող հիվանդությունն ուղեկցվում է պաթոլոգիական ախտանիշներով, վերարտադրողական համակարգի օրգանների գործունեության խախտմամբ, հղիանալու կամ հղիությունը կրելու անկարողությամբ։ «Mirena»-ն արգանդի ադենոմիոզի  պարագայում  օգնում է դադարեցնել էնդոմետրիումի անվերահսկելի աճը և վերացնել տհաճ ախտանիշները։ Այն խորհուրդ է տրվում տեղադրել հետևյալ դեպքերում՝ Զարգացող բնույթի ներքին ադենոմիոզ, որը դրսևորվում է վառ կլինիկական պատկերով։

Կնոջն անհանգստացնում են որովայնի ստորին հատվածի ցավերը, առատ ու երկարաժամկետ դաշտանային արյունահոսությունը և անհարմարությունը սեռական հարաբերության ժամանակ, արգանդի լեյոմիոմա (մկանուռուցք), Էնդոմետրիումի հիպերպլազիա, դաշտանային ցիկլի խախտում, միոմետրիումի ընդհանուր ախտահարում՝ ադենոմիոզի օջախների կողմից, արգանդային առատ արյունահոսություն, որը կարող է նպաստել սակավարյունության առաջացմանը։ Հորմոնալ ներարգանդային պարույրի աշխատանքի բնույթը «Mirena»  բժշկական պարույրի կազմի մեջ է մտնում պրոգեստերոնների խմբին պատկանող լեվոնորգեստրելը։

Այս հորմոնը գտնվում է  հատուկ հատվածում՝ մեմբրանով պաշտպանված, որը կարգավորում է նրա արտադրությունը: Հեստագենն արձակվում է ուղղակիորեն արգանդի խոռոչում՝ ազդեցություն ունենալով վերարտադրողական համակարգի աշխատանքի վրա:

Ներարգանդային պարույրի գործառույթը՝ Նվազեցնում է ընկալիչների զգայունությունը էստրոգենի եւ պրոգեստերոնի նկատմամբ։ Արգանդի լորձաթաղանթը դարձնում է անընկալունակ կանացի սեռական հորմոնի՝ էստրադիոլի, նկատմամբ։ Կանխում է նոր պաթոլոգիկ հյուսվածքների աճը։

Շնորհիվ բուժիչ հատկությունների՝ պարույրը արգանդի ադենոմիոզի դեպքում օգնում է բարելավել հիվանդի վիճակը. նորմալացնում է դաշտանային արտադրության քանակը՝ դարձնելով դրանք չափավոր: Վերացնում է ցավն ու անհանգստությունը։ Նվազեցնում է արգանդի արյունահոսության վտանգը: Վերացնում է երկրորդական անեմիան, որն առաջացել էր արյան կորստի պատճառով։ «Mirena»-յի առավելություններն են՝ Տեղադրվում է յուրաքանչյուր 5 տարին մեկ։

Ի տարբերություն հորմոնալ դեղահաբերի, որոնք անհրաժեշտ է ընդունել հատուկ ժամանակացույցով, ներարգանդային պարույրը չունի ցուցումներ, որոնց անհրաժեշտ կլիներ հետևել։ Թույլ է տալիս գրանցել բուժական ազդեցություն ` նվազագույն հորմոնային դեղաչափով: Կողմնակի ազդեցությունների զարգացման նվազագույն ռիսկ: Չափաբաժնի գերազանցման վտանգի բացակայություն: Հուսալի հակաբեղմնավորում: հորմոնալ ֆոնի նորմալացում:

Ինչպես ցանկացած այլ դեղամիջոցներ, «Mirena» ՆԱՊ-ը նույնպես ունի իր թերությունները. Տեղադրումը և հեռացումն իրականացվում է միայն բժշկի կողմից: Չի համապատասխանում կանանց, ովքեր մոտ ապագայում հղիություն են պլանավորում : Հարմարվողականության ժամկետը կարող է երկար տևել. տեղադէումից հետո առաջին 1-2 ամիսների ընթացքում կարող է նկատվել արյունային արտադրություն, ինչը նորմա է համարվում: Պարույրի տեղադրման ժամանակ կա դեպի արգանդ վարակի ներթափանցման ռիսկ:

Ի՞նչ է անհրաժեշտ իրականացնել հորմոնալ ՆԱՊ-ի տեղադրումից առաջ Ներզննում։ Ընթացակարգի ընթացքում գինեկոլոգը գնահատում է հիվանդի սեռական ուղիների ընդհանուր վիճակը, բացառում հորմոնալ ՆԱՊ-ի կիրառման հակացուցումները: Սեռավարակները բացառող հետազոտություններ, քսուքի հետազոտություն և այլն։

Փոքր կոնքի օրգանների ՈՒՁՀ: Ուլտրաձայնային հետազոտությունն օգնում է գնահատել արգանդի վիճակը, ախտորոշել պաթոլոգիաները, որոշել ադենոմիոզի զարգացման աստիճանը: Եթե ​​չկան հակացուցումներ՝ բժիշկը հետագայում տեղադրում է ՆԱՊ-ը: «Mirena» հորմոնալ ՆԱՊ-ը տեղադրվում է դաշտանի ավարտից հետո և հետագայում սահմանվում է հսկողություն։

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 

Հեշտոցի նեղացում հիալուրոնաթթվի օգնությամբ (ներարկման եղանակով)

Հեշտոցի նեղացում հիալուրոնաթթվի օգնությամբ (ներարկման եղանակով)

Այսօր բավականին մեծ տարածում ունեն ինտիմ երիտասարդացման համար կիրառվող հիալուրոնաթթվի հիմք ունեցող ֆիլլերները։

Օրգազմի վերականգնում. G կետի մեծացում

Օրգազմի վերականգնում. G կետի մեծացում

Ինտիմ պլաստիկան բժշկության մեջ մեծ պահանջարկ ունեցող ուղղություն է, որի նպատակն է վերացնել ֆիզիոլոգիական և էսթետիկ թերությունները:

Օրգազմի բացակայություն

Օրգազմի բացակայություն

Օրգազմի բացակայությունը սեռական հարաբերություններում առկա շատ տարածված խնդիր է, որը հանդիպում է տարբեր տարիքի կանանց մոտ: Հիմնական ախտանիշը՝ օրգազմի բացակայությունն է:

PRP թերապիա կանանց համար

PRP թերապիա կանանց համար

PRP եզրույթը ձևավորվել է «Platelet Rich Plasma» արտահայտության սկզբնատառերից, ինչը թարգմանաբար նշանակում է՝ թրոմբոցիտներով հարուստ պլազմա