Շտապ բեղմնականխում. ե՞րբ, ինչպե՞ս

Շտապ բեղմնականխում. ե՞րբ, ինչպե՞ս

Շտապ բեղմնականխումը հղիության կանխումն է սեռական ակտից անմիջապես հետո։ Կատարվում է սեռական ակտից հետո առաջին ժամերի կամ օրերի ընթացքում։ Այդ տեսակ բեղմնականխման միջոցները մեծ քանակությամբ հորմոններ են պարունակում, օրինակ՝ լևոնորգեստրել, և այնքան էլ անվնաս չեն կնոջ առողջության համար, քանի որ կարող են բարդություններ առաջացնել և խաթարել ձվարանների բնական աշխատանքը։

Անհետաձգելի բեղմնականխումը թույլատրելի է միայն այն դեպքերում, երբ սեռական ակտը եղել է առանց պահպանակի կամ հակաբեղմնավորման այլ միջոցի, երբ պատռվել է պահպանակը, և սերմնահեղուկը լցվել է հեշտոցի մեջ, չի հաջողվել ճիշտ ժամանակին ընդհատել ակտը։

Հորմոնների բարձր դեղաչափով առաջին հաբ-հակաբեղմնավորիչները կիրառվել են 60-ական թվականներին բռնաբարության զոհ դարձած կանանց անցանկալի հղիությունից պաշտպանելու համար։

Կարդացեք՝  Բեղմնականխման միջոցները

Շտապ բեղմնականխման հորմոնային դեղամիջոցները կարող են արագացնել ձվազատումը, կանխել ձվաբջջի բեղմնավորումը կամ էլ խոչընդոտել պտղաձվի իմպլանտացիային։ Դեղամիջոցն ընտրելուց առաջ հարկավոր է խորհրդակցել գինեկոլոգի հետ։ Այդ միջամտությունը խախտում է սեռական համակարգի բնական ֆունկցիան, սակայն ավելի քիչ վնաս է հասցնում, քան աբորտը։

Նշենք նաև, որ շտապ բեղմնականխումը 100%-ոց արդյունք չի ապահովում և հնարավոր է հղիանալ, ադ պատճառով հարկավոր է դեղահաբն ընդունելոց հետո էլ դիմել գինեկոլոգի։

Պետք է ուշադիր լինել նաև ընդհատված սեռական ակտի մեթոդի հարցում, երբ զուգընկերը նախքան սերմնաժայթքումը անդամը հեռացնում է հեշտոցից։ Այդ դեպքում նույնպես հնարավոր է հղիանալ, քանի որ սերմի փոքր քանակություն կարող է հայտնվել սերմնածորաններում էրեկցիայից անմիջապես հետո։

Այդ կերպ հղիանալու հավանականությունը մեծ է հատկապես հիմնական զուգընկեր և նրա հետ երկարատև հարաբերություն ունենալու դեպքում։ Հեշտոցի ներքին միջավայրի տոլերանտությունը հիմնական զուգընկերոջ սերմի հանդեպ ժամանակի ընթացքում մեծանում է, և միայն եզակի սերմնաբջիջների է հաջողվում հաղթահարել ձվաբջջին տանող ուղին։

Ներարգանդային պարույրը՝ որպես շտապ բեղմնականխման միջոց, կարող է կիրառվել ծննդաբերած կամ աբորտ տարած կանանց դեպքում։ Պարույրը կանխում է արդեն իսկ բեղմնավորված պտղաձվի իմպլանտացիան արգանդի պատին և պարզապես հեռացնում է այն։ Այն տեղադրում է միայն բժիշկը։

Ե՞րբ պլանավորել հղիությունը վիժումից հետո

Ե՞րբ պլանավորել հղիությունը վիժումից հետո

Հաճախ է պատահում, որ կանայք, որոնց դեպքում վիժումը եղել է հղիության վաղ ժամկետում, ցանկանում են հղինալ վիժումից անմիջապես հետո․․․․

Դիսեմինացված ներանոթային մակարդման համախտանիշ (ԴՆՄ)

Դիսեմինացված ներանոթային մակարդման համախտանիշ (ԴՆՄ)

Դիսեմինացված ներանոթային մակարդման համախտանիշը (ռուս․՝ ДВС-синдром ) հաճախ հանդիպող և ծանր, կյանքին սպառնացող խախտում է...

Տամպոններ․ ի՞նչ է պետք իմանալ

Տամպոններ․ ի՞նչ է պետք իմանալ

Նախկինում կանայք տարբեր նյութեր են օգտագործել միջադիրներ և տամպոններ պատրաստելու համար, օրինակ՝ եգիպտացի կանայք փափուկ պապիրուս են օգտագործել, հռոմեացիները՝ բրդե տամպոններ․․․

Ուռուցքանման գոյացություններ փոքր կոնքում

Ուռուցքանման գոյացություններ փոքր կոնքում

Փոքր կոնքում առկա գոյացությունը հաճախ հայտնաբերվում է գինեկոլոգիական սովորական զննման ընթացքում․․․