Լաբիոպլաստիկան փոքր կամ մեծ  սեռական շուրթերի ձևի, չափի կամ համաչափության վիրաբուժական շտկման միջամտություն է։ Այն պատկանում է ինտիմ էսթետիկ վիրաբուժության ոլորտին և միտված է ինչպես ֆունկցիոնալ, այնպես էլ էսթետիկ խնդիրների վերացմանը։

Լաբիոպլաստիկան կարող է ցուցված լինել հետևյալ դեպքերում

• սեռական շուրթերի հիպերտրոֆիա կամ ասիմետրիա,
• ֆիզիկական անհարմարություն հագուստի, սպորտի կամ սեռական հարաբերության ժամանակ,
• ծննդաբերությունից կամ տարիքային փոփոխություններից հետո առաջացած դեֆորմացիաներ,
• գեղագիտական անհամաչափություն և անհարմարություն արտաքին տեսքի պատճառով։

Վիրահատությունը կատարվում է տեղային կամ ընդհանուր անզգայացմամբ և տևում է միջինում 1-1,5ժ։ Ժամանակակից լազերային կամ ռադիոհաճախական մեթոդների շնորհիվ միջամտությունը անցնում է առավել նրբորեն, արագ վերականգնման փուլով և առանց սպիերի։Վերականգնման շրջանը, որպես կանոն, կարճատև է․ մի քանի օրվա ընթացքում անհարմարությունը նվազում է, իսկ վերջնական արդյունքը տեսանելի է մի քանի շաբաթ անց՝ ապահովելով բնական և համաչափ տեսք։

Ստորև ներկայացնում ենք վիրահատության ընթացքը: