Սթրեսային անմիզապահությունը կնոջ մոտ հանդիպող տարածված խնդիրներից է, որը դրսևորվում է միզի ակամա արտահոսքով՝ ֆիզիկական լարվածության, հազի, փռշտոցի կամ վարժությունների ժամանակ։ Խնդիրը պայմանավորված է միզուկի և միզապարկի վզիկի անբավարար աջակցությամբ կամ հյուսվածքների տոնուսի նվազմամբ։

Մեթոդի էությունը

Գինեկոլոգիայում այն կիրառվում է ոչ միայն էսթետիկ նպատակներով, այլև ֆունկցիոնալ շտկման համար,նախատեսված ինտիմ հյուսվածքների ծավալի և հիդրատացիայի վերականգնման համար,մասնավորապես՝ սթրեսային անմիզապահության թեթև և միջին աստիճանների դեպքում։

Գործողության մեխանիզմը սթրեսային անմիզապահության դեպքում

Սթրեսային անմիզապահություն առաջանում է, երբ միզուկը և հեշտոցի առաջային պատը կորցնում են իրենց բնական ամրությունը։

Հիալուրոնաթթվի ներարկումը միզուկի կողային շրջանում ստեղծում է ծավալային բարձիկ, որը՝

•   աջակցում է միզուկը ֆիզիոլոգիական դիրքում,
•   նվազեցնում է միզուկի հիպերմոբիլությունը,
•   բարձրացնում է սֆինկտրի դիմադրությունը,
•   բարելավում է հյուսվածքների էլաստիկությունն ու խոնավացումը։

Այսպիսով ապահովվում է և՛ մեխանիկական, և՛ բիոստիմուլացնող ազդեցություն։

Ցուցումներ

•  Սթրեսային անմիզապահության թեթև և միջին աստիճաններ
•  Ծննդաբերությունից հետո առաջացած փոփոխություններ
•  Տարիքային ատրոֆիա միզուկ-հեշտոցային գոտում
•  Մենոպաուզայից հետո՝ որպես վիրաբուժական մեթոդների վաղ փուլերի այլընտրանք

Ներարկման տեխնիկան․

•  Տեղային ինֆիլտրացիոն անզգայացում՝ լիդոկաին 1–2%։

Ներարկման կետը․ միզուկի բացվածքից 1–1.5 սմ կողային, միզուկի միջին երրորդի մակարդակում։

Արդյունք և տևողություն

 Արդյունքը նկատվում է 7–10 օրից։

•  Առավելագույն էֆեկտը՝ 3–4 շաբաթում։
•  Արդյունքի պահպանման տևողությունը՝ 12-24 ամիս և ավել, կախված հյուսվածքների վիճակից։
•   Հնարավոր է կրկնային ներարկում՝ 12 ամիս անց։

Առավելություններ

•  Մինիմալ ինվազիվ՝ առանց վիրահատության
•  Արագ վերականգնում՝ 1 օրում
•  Հարմար է համատեղելու լազերային և PRP թերապիայի հետ
•  Կարելի է կիրառել մենոպաուզայում և ծննդաբերությունից հետո

Հակացուցումներ

•  Սուր բորբոքային կամ վարակային պրոցեսներ միզասեռական գոտում
•  Ակտիվ միզուղիների վարակներ
•  Հղիություն և կրծքով կերակրում
•  Օնկոլոգիական հիվանդություններ
•  Արյան մակարդելիության խանգարումներ