Բժշկի աշխատանքները

Բնական ծավալ և հարմարավետություն․ հիալուրոնաթթվի ներարկումներ մեծ սեռական շուրթերում. Միջամտության ընթացքը

Տարիքի, հորմոնալ փոփոխությունների, ծննդաբերությունների կամ կտրուկ քաշի կորստի հետևանքով մեծ սեռական շուրթերի ենթամաշկային ճարպաշերտը նոսրանում է, ինչի արդյունքում առաջանում են թոշնածություն, ծավալի կորուստ և երբեմն՝ անհարմար զգացողություն ինտիմ շրջանում։

Ժամանակակից գինեկոլոգիան այսօր առաջարկում է արդյունավետ և ոչ վիրահատական լուծում՝ հիալուրոնաթթվի հիմքով ֆիլլերների կիրառմամբ ինտիմ մոդելավորում։

Գործողության մեխանիզմը

Հիալուրոնաթթուն մեր մաշկի և հյուսվածքների բնական բաղադրիչն է։ Այն ունի բացառիկ հատկություն՝ կապել և պահել մեծ քանակությամբ ջուր, ինչի շնորհիվ ապահովում է հյուսվածքների էլաստիկություն, խոնավություն և ծավալ։

Ներարկման արդյունքում՝

Վերականգնվում է մեծ սեռական շուրթերի ծավալը,
Մաշկը դառնում է ավելի խիտ և հարթ,
Բարելավվում է տեղային արյան շրջանառությունը,
Աճում է հյուսվածքների հիդրատացիան, ինչը նվազեցնում է չորությունը և գրգռվածությունը,
Սեռական շուրթերը նորից ստանում են բնական ձև ու պաշտպանական ֆունկցիա։

Հիալուրոնաթթվի ներարկումները ցուցված են՝

Մեծ սեռական շուրթերի թոշնածության և ծավալի կորստի դեպքում,
Հյուսվածքի տոնուսի անկման կամ մաշկի նոսրացման ժամանակ,
Հորմոնալ փոփոխությունների (մենոպաուզա և այլն) հետևանքով առաջացած չորության, անհարմարության, ցավոտ շփումների ժամանակ,
Էսթետիկ անհավասարությունների կամ ասիմետրիայի շտկման համար։

Գործընթացի ընթացքը

Ներարկումը կատարվում է ամբուլատոր պայմաններում՝ տեղային անզգայացմամբ։ Գործընթացը տևում է միջինում 20-30 րոպե։ Օգտագործվում են միայն սերտիֆիկացված և ինտիմ գոտու համար նախատեսված հիալուրոնաթթվի ֆիլլերներ։ Արդյունքը տեսանելի է անմիջապես, իսկ վերջնական ձևավորումը՝ մոտ 2 շաբաթ անց։Ստորև ներկայացնում ենք ընթացքը:

Արդյունքներ և առավելություններ

Վերականգնված և նրբագեղ ծավալ,
Խոնավության և էլաստիկության բարձրացում,
Տեղային հարմարավետության և ինքնավստահության աճ,
Սեռական կյանքի որակի բարելավում,
Անվնաս, արագ և ոչ վիրահատական մեթոդ։

Հակացուցումներ

Հղիություն և կրծքով կերակրում,
Սուր բորբոքային պրոցեսներ ինտիմ շրջանում,
Ալերգիա հիալուրոնաթթվի կամ տեղային անզգայացնողների նկատմամբ,
Իմունային կամ հորմոնալ ծանր խանգարումներ։

Հիալուրոնաթթվի ներարկումը մեծ սեռական շուրթերում այսօր համարվում է անվտանգ, արդյունավետ և արագ վերականգնվող պրոցեդուրա, որը միաժամանակ լուծում է ինչպես էսթետիկ, այնպես էլ ֆունկցիոնալ խնդիրներ։ Այն վերադարձնում է կնոջ հարմարավետությունը, վստահությունը և երիտասարդացված տեսքը՝ առանց վիրահատական միջամտության։