Կանացի անպտղություն. երբ երազանքը հետաձգվում է

Անպտղությունը կնոջ համար ծանր հարված է, երբ թվում է, թե երազանքներից մեկը անհասանելի է դառնում։ Սակայն, այսօր բժշկությունը մեզ հնարավորություն է տալիս հասկանալու խնդրի պատճառները և գտնել լուծումներ։

Ի՞նչ է կանացի անպտղությունը

Պարզ ասած՝ դա բնական ճանապարհով երեխա ունենալու անհնարինությունն է։ Սակայն այս երևույթը բազմաթիվ դեմքեր ունի՝ սկսած հորմոնալ խանգարումներից, վերջացրած արգանդի կամ ձվարանների հետ կապված խնդիրներով։

Պատճառները. ինչո՞ւ է դա պատահում

Անպտղության պատճառները բազմազան են։

Դրանք կարող են լինել.

• Հորմոնալ խանգարումներ, որոնք խանգարում են ձվազատմանը կամ բեղմնավորված ձվաբջջի ամրացմանը արգանդի պատին։

• Ձվարանների պոլիկիստոզ համախտանիշը, որը բնութագրվում է հորմոնալ անհավասարակշռությամբ։

• Էնդոմետրիոզը, երբ արգանդի լորձաթաղանթը սկսում է աճել արգանդի սահմաններից դուրս։

• Արգանդի միոմաները, որոնք բարորակ ուռուցքներ են արգանդի մկանային պատում։

• Տարիքը, քանի որ կնոջ տարիքի հետ նվազում է ձվաբջիջների որակը։ Առաջին քայլը. ախտորոշում Առաջին և ամենակարևոր քայլը ճիշտ ախտորոշումն է։

Բժիշկը կարող է առաջարկել հետևյալ հետազոտությունները.

• Արյան հորմոնալ հետազոտություններ՝ հորմոնալ ֆոնի գնահատման համար։

• Ուլտրաձայնային հետազոտություն՝ արգանդի և ձվարանների վիճակի գնահատման համար։

• Հիստերոսալպինգոգրաֆիա՝ արգանդափողերի անցանելիության ստուգման համար։

• Լապարոսկոպիա՝ որոշ դեպքերում անհրաժեշտ է ավելի մանրամասն ուսումնասիրել որովայնի խոռոչի օրգանները։ Բուժում. հնարավորությունների աշխարհ Ժամանակակից բժշկությունը բուժման բազմաթիվ տարբերակներ է առաջարկում՝ կախված անպտղության պատճառից։

• Դեղորայքային բուժում, որը կարող է ներառել հորմոնալ պրեպարատներ (պատրաստուկներ) կամ այլ դեղամիջոցներ։

• Վիրահատական միջամտություն, որը կարող է անհրաժեշտ լինել որոշ պաթոլոգիաների վերացման համար։

• Արտամարմնային բեղմնավորում (ԷԿԲ), որը հաջողությամբ կիրառվում է բազմաթիվ դեպքերում։

Հոգեբանական աջակցություն. դուք մենակ չեք Անպտղության հետ կապված հոգեբանական ապրումները բնական են։ Մի վախեցեք դիմել մասնագետի օգնությանը։ Հոգեբանը կօգնի հաղթահարելու սթրեսը և գտնելու ուժ առաջ շարժվելու համար։ Հույսը միշտ կա Անպտղությունը դատավճիռ չէ։

Ժամանակակից բժշկությունը մշտապես զարգանում է, և հնարավոր է, որ վաղը հայտնվի բուժման նոր մեթոդ, որը կօգնի իրականացնելու ձեր երազանքը։

Նյութի աղբյուրը

Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին