Սեռական հարաբերության ժամանակ առաջացած ցավ․ պատճառներ

Սեռական հարաբերության ժամանակ առաջացած ցավ․ պատճառներ

Սեռական օրգանների ցավը սեռական հարաբերությունից առաջ, ընթացքում կամ հետո կոչվում է դիսպարեունիա: Այն հիմնականում հանդիպում է կանանց, բայց երբեմն էլ՝ տղամարդկանց շրջանում։

Դիսպարեունիան տարբերվում է կոնքի այլ ցավերից հետևյալով.
• առաջանում է ներթափանցման ժամանակ,
• ուժեղանում է շփումների ժամանակ,
• կարող է տևել մինչև մի քանի ժամ սեքսից հետո:

Ինչպե՞ս է ցավը զգացվում սեռական հարաբերության ժամանակ:
Կախված պատճառներից՝ ցավը կարող է հայտնվել սեռական կյանքը սկսելուն պես կամ ինչ-որ հիվանդությունից ու վնասվածքից հետո։ Երբեմն ցավը միշտ է զգացվում, իսկ երբեմն էլ՝ որոշակի հանգամանքներում, օրինակ՝ հիվանդության սրման ժամանակ։

Տղամարդկանց մոտ ցավն առաջանում է առնանդամի հատվածում՝ էրեկցիայի ժամանակ կամ շագանակագեղձի հատվածում՝ կոնքի խորը ներթափանցումից հետո: Կանանց մոտ ցավը մակերեսային է կամ խորը։ Առաջինը սովորաբար կապված է ներթափանցման փորձի հետ և զգացվում է վուլվայում՝ հեշտոցամուտքի մոտ։ Երկրորդը հայտնվում է, երբ ինչ-որ բան ներթափանցում է, և ուժեղանում է որոշակի դիրքերի ժամանակ: Այն զգացվում է արգանդի պարանոցի կամ որովայնի ստորին հատվածում։

Ինչո՞ւ է կնոջ մոտ ցավ առաջանում սեռական հարաբերության ժամանակ։
Պատճառները շատ են։ Դա կարող է պայմանավորված լինել կառուցվածքային առանձնահատկություններով, հիվանդություններով և հոգեբանական խնդիրներով:

Հիմնական պատճառներն են՝
• Զուգընկերոջ առնանդամի մեծությունը
• Առաջին սեռական հարաբերությունը
• Ոչ բավարար քսուքը
• Լորձաթաղանթի ատրոֆիան
• Վագինիզմը
• Վարակները
• Էնդոմետրիոզը
• Ձվարանների հիվանդությունները
• Կոնքի բորբոքային հիվանդությունը
• Արտարգանդային հղիությունը
• Ծննդաբերությունից կամ վիրահատությունից անմիջապես հետո սեռական հարաբերությունը
• Վուլվայի և հեշտոցի վնասվածքները
• Մաշկային հիվանդությունները
• Բնածին անոմալիաները
• Հոգեբանական խնդիրները

Ի՞նչ անել, եթե կինը սեռական հարաբերության ժամանակ ցավ է զգում

• Սպասել նշանակված ժամանակահատվածին և նոր միայն վերսկսել սեռական կյանքը ծննդաբերությունից կամ վիրահատությունից հետո,
• քննարկել ցանկությունները զուգընկերոջ հետ,
• լրացուցիչ ժամանակ տրամադրել սիրախաղին,
• կիրառել քսանյութեր,
• փորձել այլ դիրքեր։

Բայց երբեմն ցավի օգնությամբ մարմինը փորձում է հայտնել ինչ-որ առողջական խնդրի մասին, ուստի ավելի լավ է չանտեսել այդ ազդանշանները և դիմել բժշկի։

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին