Ինչի՞ մասին է վկայում ացետոնի հոտը բերանից

Ինչի՞ մասին է վկայում ացետոնի հոտը բերանից

Եթե բերանից սկսում է ացետոնի հոտ գալ, ուրեմն արյան մեջ կուտակվել են շատ կետոնային մարմիններ: Այդպես են անվանվում այն նյութերը, որոնք ճարպային նյութափոխանակության վերջնական արտադրանքն են։ Դրանց առկայության դեպքում սովորական գլյուկոզայի փոխարեն մկանները սկսում են օգտագործել դրանք էներգիա արտադրելու համար: Կետոնները, ըստ քիմիական կառուցվածքի, թթուներ են։

Դրանք օրգանիզմում առաջացնում են ացիդոզի կամ արյան PH-ի՝ թթվային դառնալուն։ Ացետոնի հոտն այնքան էլ լավ նշան չէ: Արյան մեջ կետոնների կուտակման պատճառով կարող են առաջանալ երիկամների քարեր և սրտի խանգարումներ, ինչպես նաև ոսկորների փխրունություն:

Բացի այդ՝ որոշ մարդկանց մոտ առաջանում է հոգնածություն, դյուրագրգռություն ու մտածողության վատթարացում։ Կետոացիդոզը կարող է զարգանալ տարբեր պատճառներով:

Դրանք են.

1. Դուք հետևում եք Կետո սննդակարգի կամ ծոմ եք պահում։ Երկու դեպքում էլ գլյուկոզան դադարում է մտնել օրգանիզմ: Կետո սննդակարգի դեպքում անձն ուտում է շատ սպիտակուցներ, ինչպիսիք են՝ անյուղ միսը կամ ձուն, և քիչ քանակությամբ օսլա չպարունակող բանջարեղեններ, որոնք հիմնականում պարունակում են չմշակված մանրաթելեր: Հետևաբար, մարմինը ստիպված է այրել ճարպերը` անհրաժեշտ էներգիա ստանալու համար: Միևնույն ժամանակ՝ մարդը նիհարում է, բայց նա մեծացնում է արյան մեջ Կետոնային մարմինների մակարդակը, ուստի հայտնվում է ացետոնի հոտ: Դա սովորաբար տեղի է ունենում, երբ օրական 100 գ-ից պակաս ածխաջրերի քանակ է մտնում օրգանիզմի մեջ: Նմանատիպ մեխանիզմն աշխատում է նաև ծոմապահության դեպքում:

Ի՞նչ անել

Եթե Կետո դիետայի դեպքում առաջանում է հոգնածություն, ացետոնի հոտ բերանից, մկանացավ, ապա պետք է վերադառնալ նախորդ սննդակարգին կամ ուտել ինչ-որ քաղցրավենիք: Իսկ հետո հարկավոր է խորհրդակցել թերապևտի կամ սննդաբանի հետ, թե արդյոք կարելի է շարունակել հետևել այդ սննդակարգին։ Իսկ նրանք, ովքեր ծոմ են պահում, պետք է աստիճանաբար վերականգնեն սննդի ընդունումը բժշկի հսկողությամբ՝ սկսելով թեթև սննդից:

2. Դուք ինտենսիվ մարզվում եք։ Ինտենսիվ մարզումների դեպքում մկանները այրում են գլյուկոզան ու ճարպը: Բայց եթե անձը օրգանիզմում չունի ածխաջրերի բավարար պաշար, օրգանիզմը կօգտագործի միայն ճարպերը, և արտաշնչվող օդի մեջ կզգացվի ացետոնի հոտ: Իսկ շաքարային դիաբետ ունեցող անձանց մոտ մարզումների ընթացքում նվազում է գլյուկոզայի մակարդակը, և սկսում են այրվել ճարպերը։

Ի՞նչ անել

Առհասարակ սա վտանգավոր չէ, բայց ավելի լավ է ուտել մի բան, որը պարունակում է պարզ ածխաջրեր, ինչպիսիք են՝ մակարոնեղենը, կրեկերը կամ քաղցրավենիքը։ Իսկ առաջին տիպի շաքարախտ ունեցող մարդիկ չպետք է մարզվեն, եթե արյան մեջ գլյուկոզայի կոնցենտրացիան ավելի բարձր է, քան 250 մգ / DL, իսկ կետոնային մարմիններն արդեն առկա են: Նախ նրանք պետք է ճիշտ բուժում ընտրեն իրենց բժշկի հետ:

3. Դուք չարաշահում եք ալկոհոլը։ Սովորաբար ացետոնի հոտը հայտնվում է, եթե շատ ալկոհոլ եք օգտագործում: Միևնույն ժամանակ օրգանիզմում առաջանում է գլյուկոզայի քայքայում՝ ճարպերի փոխարեն։ Իսկ եթե անձն առանց այդ էլ հյուծված է, ապա վիճակն ավելի ցայտուն է դառնում։

Ալկոհոլային կետոացիդոզին բնորոշ են հետևյալ ախտանիշները.

• սրտխառնոց և փսխում

• որովայնի ցավ

• անհանգստություն կամ դյուրագրգռություն

• հոգնածություն • խորը, դժվար, արագ շնչառություն

• ախորժակի կորուստ

• ջրազրկման նշաններ, ինչպիսիք են՝ գլխապտույտը ու ծարավը:

Ի՞նչ անել

Եթե ալկոհոլ խմելուց հետո կան կետոացիդոզի նշաններ, հարկավոր է շտապօգնություն կանչել: Բժիշկները պետք է նշանակեն կաթիլային ներարկում, ինչը կվերականգնի արյան մեջ շաքարի մակարդակը և ջրի հավասարակշռությունը։ 4. Դուք ունեք շաքարախտ։ Սովորաբար կետոացիդոզը զարգանում է առաջին տիպի շաքարախտի դեպքում, երբ ենթաստամոքսային գեղձը չի արտադրում ինսուլին գլյուկոզայի կլանման համար: Նախ կետոնային մարմինները հայտնաբերվում են մեզի մեջ՝ տնային թեստի միջոցով, իսկ այնուհետև հայտնվում է ացետոնի հոտը: Սա վատ ազդանշան է, որը ցույց է տալիս, որ մարդու արյան մեջ բարձրացել է գլյուկոզայի մակարդակը: Երկրորդ տիպի շաքարախտի դեպքում ենթաստամոքսային գեղձի գործառույթը պահպանվում է, ուստի կետոնային մարմիններ չեն ձևավորվում:

Դիաբետիկ կետոացիդոզի ախտանիշներն են՝

• Ծարավ

• Հաճախակի միզարձակում

• Սրտխառնոց և փսխում

• Որովայնի ցավ

• Թուլություն կամ հոգնածություն

• Շնչարգելություն:

Ի՞նչ անել

Շտապօգնություն զանգահարել, եթե շաքարախտով հիվանդի բերանից ացետոնի հոտ է գալիս: Հակառակ դեպքում մարդը կարող է ընկնել կոմայի մեջ: Շաքարային դիաբետի դեպքում կետոացիդոզի բուժման համար օգտագործվում են ինսուլինի ներարկումներ, իսկ կաթիլային ներարկման միջոցով վերականգնվում է ջրային-աղային հավասարակշռությունը։

 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին

Առողջ սովորություններ

Առողջ սովորություններ

Մեծահասակին անհրաժեշտ է 7-9 ժամ քուն

Ինչու է սերմնահեղուկը խիտ

Ինչու է սերմնահեղուկը խիտ

Սովորաբար սերմնահեղուկը նման է միատարր հեղուկի՝ կաթնագույն սպիտակից մինչև մոխրագույն-դեղնավուն գույնի, հատուկ հոտով:

Ո՞ր մթերքներն են ստիպում ավելի շատ ուտել և գիրանալ

Ո՞ր մթերքներն են ստիպում ավելի շատ ուտել և գիրանալ

Հաճախ կարող եք լսել, որ երբ խոսքը վերաբերում է նիհարելուն և քաշը պահպանելուն, ամենակարևորը կալորիաների ընդհանուր քանակն է, այլ ոչ թե դրանց աղբյուրը

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

5 միֆ սեռական կյանքի մասին դաշտանադադարի ժամանակ, որոնք վնասակար են ձեր առողջության և հարաբերությունների համար

Դաշտանադադարը դաշտանային ցիկլի բնական դադարեցումն է