8 պատճառ, որոնք խանգարում են նիհարելուն՝ չնայած բոլոր ջանքերին

8 պատճառ, որոնք խանգարում են նիհարելուն՝ չնայած բոլոր ջանքերին

1. Դուք սխալ եք գնահատում նիհարելու ձեր առաջընթացը

Ճարպային կուտակումների այրումը բավականին երկարատև գործընթաց է:

Եթե երկու շաբաթից պակաս է, ինչ հատուկ սննդակարգով եք սնվում, ապա դեռ վաղ է խոսել ինչ-որ առաջընթացի մասին:

Ի՞նչ անել Մի՛ ակնկալեք արագ արդյունք: Հետևեք ձեր սննդակարգին առնվազն 2-4 շաբաթ, այնուհետև գնահատեք արդյունքը:

Ընթերցեք նաև՝ Ոչ ալկոհոլային ճարպային հեպատոզ

2. Դուք օգտագործում եք նորմայից ավելի կամ պակաս սպիտակուցներ

Մարմնի զանգվածի կորստի և ավելացման համար մեծ նշանակություն ունի ոչ միայն դիետայի ընդհանուր կալորիականությունը, այլև օգտագործվող սպիտակուցների քանակը: Սննդի սպիտակուցը մեծացնում է հագեցվածության զգացումը և նվազեցնում քաղցրավենիքի նկատմամբ ձգտումը, արագացնում է նյութափոխանակությունը՝ մեծացնում է էներգիայի վատնումը հանգստի ժամանակ: Մարմնի զանգվածի յուրաքանչյուր կգ-ի համար օրական ավելի քան 2,5-2,7 գ սպիտակուցի օգտագործումը կարող է դանդաղեցնել քաշի կորուստը:

Ի՞նչ անել Փորձեք հետևել այնպիսի սննդակարգի, որի դեպքում սպառեք սպիտակուցների առնվազն 30 %-ը: Եթե դուք չեք հաշվում կալորիաները, ապա կարող եք առաջնորդվել այս հաշվարկով՝ մարմնի զանգվածի 1 կգ-ի համար՝ 1,5-2.2 գ սպիտակուց:

3. Ձեզ մոտ առկա է ինսուլինի նկատմամբ ցածր զգայունություն

Ինսուլինը հորմոն է, որը արտադրվում է ենթաստամոքսային գեղձի կողմից և օգնում է պահպանելու շաքարի նորմալ մակարդակն արյան մեջ։ Սխալ սննդակարգը՝ արագ ածխաջրերի ավելցուկով, ավելորդ քաշը և գենետիկ նախատրամադրվածությունը կարող են նվազեցնել բջիջների զգայունությունն ինսուլինի նկատմամբ: Այս վիճակում մարմինը ավելի ու ավելի շատ հորմոն է արտադրում՝ արյան մեջ գլյուկոզայի աճի մակարդակը հաղթահարելու համար, ինչը կարող է դանդաղեցնել քաշի նվազեցումը՝ չնայած ձեր բոլոր ջանքերին:

Ի՞նչ անել Քաշի կորուստը և արագ ածխաջրերի բացառումը ինքնին բարելավում է օրգանիզմի զգայունությունը ինսուլինի նկատմամբ, բայց առաջընթացը խթանելու համար կարող եք օգտագործել երկու տարբերակ.

• Փորձեք հետևել ցածր ածխաջրերի քանակով սննդակարգի,

• Զբաղվել սպորտով, կատարել ուժային վարժություններ։

4. Դուք շատ հաճախ եք ուտում

Ենթադրվում է, որ կոտորակային սնունդը` փոքր, բայց հաճախակի, օգնում է արագ նիհարելու՝ առանց քաղց զգալու: Այնուամենայնիվ, ըստ վերլուծությունների՝ նրանք, ովքեր օրվա ընթացքում 4-5 անգամից ավելի են սնվում, չեն կարողանում նիհարել։ Հաճախակի սնվելը կարող է խանգարել քաշի նվազեցման գործընթացը:

Ի՞նչ անել Սնունդ ընդունել ոչ ավելի, քան չորսից հինգ անգամ: Կարող եք փորձել նաև ժամանակ առ ժամանակ քաղցած մնալ. այն արագացնում է նյութափոխանակությունը, օգնում է նիհարելու և դրականորեն է ազդում ինսուլինի մակարդակի վրա:

5. Դուք բավարար չափով չեք քնում

Քնի պակասն ազդում է քաղցի և հագեցվածության համար պատասխանատու հորմոնների՝ լեպտինի և գրելինի արտադրության վրա։ Ընդամենը երկու գիշեր 4 ժամ քնելու դեպքում ախորժակը մեծանում է 23 %-ով, ինչպես նաև առաջանում է քաղցրի նկատմամբ մեծ պահանջ։ Արդյունքում, դուք ավելի ուժգին եք քաղցի զգացում ունենում:

Ի՞նչ անել Փորձեք քնել օրական առնվազն 7-8 ժամ և պառկել քնելու ոչ ուշ, քան 2:00-ն:

6. Դուք ունեք սթրեսի բարձր մակարդակ

Սթրեսը նաև նվազեցնում է ադիպոնեկտին հորմոնի արտադրությունը, որը ներգրավված է ճարպերի այրման գործընթացում և մեծացնում է ինտերլեկտինների 6 (IL-6) և ուռուցքային նեկրոզի գործոնի մակարդակը (TNF-α), որը կարող է առաջացնել քրոնիկ բորբոքում և շաքարախտ: Բացի այդ, որքան ավելի շատ սթրես եք զգում, այնքան ավելի քիչ էներգիա եք ծախսում ուտելուց հետո և ավելի վատթարացնում ճարպերի այրման գործընթացը:

Ի՞նչ անել Եթե դուք չեք կարող վերացնել սթրեսի աղբյուրը, փորձեք փոխել ձեր արձագանքը իրադարձությունների նկատմամբ: Յոգան, մեդիտացիան, շնչառական տեխնիկաները կօգնեն ավելի հանգիստ արձագանքելու արտաքին խթաններին:

7. Դուք ջուր քիչ եք խմում

Ջրի քիչ օգտագործման և քաշի կորստի դժվարության միջև չկա ուղղակի կապ, սակայն օգտագործվող հեղուկի քանակի բարձրացումը կարող է նպաստել նիհարելուն: 500 մլ սովորական ջրի սպառումը 24-30 %-ով արագացնում է նյութափոխանակությունը հաջորդող 60 րոպեների ընթացքում, որն օրական 2 լ ջրի օգտագործումով մեծացնում է էներգիայի սպառումը մոտ 95 կկալ-ով:

Ի՞նչ անել Կանանց խորհուրդ է տրվում օրական առնվազն 2,7 լիտր ջուր խմել, իսկ տղամարդկանց` 3,7 լիտր:

8. Դուք ունեք հորմոնալ խանգարումներ

Այն պայմանները, որոնց դեպքում նվազում է հորմոնների բնականոն արտադրությունը, կարող են հանգեցնել քաշի ավելացման և դառնալ խոչընդոտ քաշի կորստի համար: Այս խախտումները ներառում են.

• Հիպոթիրեոզը՝ վահանաձև գեղձի խանգարումը

• Պոլիկիստոզային ձվարանների համախտանիշը՝ ձվարանների, վահանաձև գեղձի, մակերիկամի կեղևի կառուցվածքի և գործառույթների խանգարումը: Այն բնութագրվում է արական սեռի հորմոնների բարձր մակարդակի առկայությամբ:

• Դաշտանադադարը. էստրոգենների արտադրության նվազում՝ տարիքով պայմանավորված:

Ի՞նչ անել Դիմեք բժշկի: Կարող եք նաև խորհրդակցել սննդաբանի հետ, որը ձեզ համար կկազմի համապատասխան սննդակարգ:

 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին