Հեղուկ ցիտոլոգիա

Հեղուկ ցիտոլոգիա

Արգանդի պարանոցի և ցերվիկալ ուղու քերուկի ուսումնասիրություն։

Արգանդի վզիկի քաղցկեղն իր տարածվածությամբ 3-րդ տեղն է գրավում կանացի բոլոր չարորակ ուռուցքների մեջ (կրծքագեղձի և աղիքի քաղցկեղից հետո): Արգանդի պարանոցի նորագոյացությունները հիմնականում առաջանում են միջին տարիքի կանանց մոտ (35-55 տարեկան), հազվադեպ են ախտորոշվում 20 տարեկանից փոքր անձանց մոտ, իսկ դեպքերի 20% -ը հայտնաբերվում է 65 տարեկան հասակում:

Արգանդի վզիկի քաղցկեղի զարգացման ռիսկի գործոնները ներառում են մարդու պապիլոմավիրուսով վարակվածությունը (HPV 16, HPV 18, HPV 31, HPV 33, HPV 45 և այլն), ծխելը, սնկային կամ հերպեսի վարակը, քրոնիկ բորբոքային գինեկոլոգիական հիվանդությունները:Հակաբեղմնավորիչների երկարատև օգտագործումը, գենետիկ նախատրամադրվածությունը, սեռական կյանքի վաղ սկիզբը, սեռական զուգընկերների հաճախակի փոփոխությունը, վիտամին A -ի և C-ի անբավարարությունը, ՄԻԱՎ-ը։

Բոլոր կանայք սեռական կյանքի մեկնարկից 3 տարի անց պետք է իրականացնեն արգանդի պարանոցի քաղցկեղի հայտնաբերմանն ուղղված սքրինինգ։ 30 տարեկանից սկսած, եթե առկա է արգանդի պարանոցի քաղցկեղի ուսումնասիրության 3 անընդմեջ բացասական արդյունքներ, ապա տվյալ անձը կարող է հետազոտվել 2-3 տարին մեկ: Ռիսկի գործոններ ունեցող կանայք (մարդու պապիլոմավիրուս վարակի, իմունային անբավարարության դեպքում) պետք է շարունակեն տարեկան 1 անգամ հետազոտվել։ 65 տարեկանն անց կանայք, ովքեր վերջին 10 տարիների ընթացքում ունեցել են արգանդի պարանոցի քաղցկեղի հետազոտությունների 3 բացասական արդյունքներ, կարող են այլևս չհետազոտվել։ Կանայք, ովքեր իրականացրել են արգանդի և արգանդի պարանոցի հեռացում, կարող են չկատարել այս հետազոտությունը, եթե միջամտությունը կատարվել է ոչ արգանդի պարանոցի քաղցկեղի կամ նախաքաղցկեղային վիճակի պատճառով: Նրանք, ովքեր վիրահատել են միայն արգանդը՝ առանց պարանոցը հեռացնելու, պետք է շարունակեն հետազոտվել:

Հեղուկ ցիտոլոգիան՝ ցիտոլոգիական հետազոտության նորարարական մեթոդ է, որն իդեալական է ցերվիկալ ուղու և արգանդի պարանոցի հեշտոցային հատվածի լորձաթաղանթների նեոպլազիայի ախտորոշման համար։ Այն իրականացվում է, եթե բուժառուի մոտ կասկածվում է քաղցկեղի կամ դիսպլազիայի առկայություն: Այս հետազոտության շնորհիվ քաղցկեղը կարելի է հայտնաբերել զարգացման ամենավաղ փուլերում:

ՊԱՊ թեստի առավելությունը բջիջների պատկերի պարզությունն է: Այս տեխնոլոգիայի կիրառման դեպքում ցերվիկալ ուղուց և արգանդի պարանոցից վերցված քերուկը խառնվում է հատուկ լուծույթի հետ, որը մեխանիկորեն բաժանում է էպիթելի բջիջները աղպի մասնիկներից: Արդյունքում՝ կեղծ բացասական արդյունքների քանակը զգալիորեն կրճատվում է:

Արգանդի պարանոցի և ցերվիկալ ուղու ցիտոլոգիական հետազոտությունը Պապանիկոլաուի մեթոդի համաձայն՝ թույլ է տալիս բարձր զգայունությամբ և հուսալիությամբ հայտնաբերել քերուկում առկա ատիպիկ բջիջները և նախաքաղցկեղային վիճակը: Այս ուսումնասիրության միջոցով կարող են հայտնաբերվել նաև վարակները, էնդոցերվիկսի և էնդոմետրիումի պաթոլոգիաները:

Նախաքաղցկեղային իրավիճակի և քաղցկեղի վաղ փուլի հայտնաբերումը հնարավորություն է տալիս իրականացնել արդյունավետ բուժում և կանխել վտանգավոր հետևանքները:

Ի՞նչը կարող է ազդել արդյունքի վրա:

20 տարեկանից ցածր աղջիկների մոտ հնարավոր է կեղծ դրական արդյունք՝ էպիթելիումի փոփոխությունների առկայության պատճառով , որը կապված է անցողիկ հորմոնալ խանգարումների հետ: Սուր վարակների դեպքում խորհուրդ է տրվում իրականացնել այս հետազոտությունը, որպեսզի ուսումնասիրվի և բացահայտվի էթոլոգիական հարուցիչը, իսկ բուժումից 2 ամիս անց անհրաժեշտ է սահմանել ցիտոլոգիական վերահսկողություն:

Արգանդի պարանոցի էպիթելիումի փոփոխությունները կարող են ազդել արդյունքի վրա, ուստի կարևոր է անցնել կրկնակի հետազոտություն:
 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 
 
 
 

 
 
 
 

 
 

Ամեն ինչ արգանդի միոմայի մասին

Ամեն ինչ արգանդի միոմայի մասին

Միոման (ֆիբրոմա, լեյկոմիա) արգանդի մկանների կամ միոմետրիայի բարորակ ուռուցք է

9 փաստ՝ ինտիմ հիգիենայի մասին, որ յուրաքանչյուր կին պետք է իմանա

9 փաստ՝ ինտիմ հիգիենայի մասին, որ յուրաքանչյուր կին պետք է իմանա

Եկեք պարզենք ինտիմ հիգիենայի նրբությունները

12 կարևոր փաստ լիբիդոյի մասին

12 կարևոր փաստ լիբիդոյի մասին

Լիբիդոն մի փոքր ավելի բարդ է, քան սովորական սեռական ցանկությունը

Միֆեր տեստոստերոն հորմոնի մասին

Միֆեր տեստոստերոն հորմոնի մասին

Տեստոստերոնն առավել մեծ քանակությամբ արտադրվում է տղամարդկանց օրգանիզմում, սակայն այն պակաս կարևոր չէ նաև կանանց առողջության և լավ ինքնազգացողության համար։