Արգանդի պարանոցի բիոպսիա

Արգանդի պարանոցի բիոպսիա

Արգանդի պարանոցի բիոպսիան ներքին սեռական օրգանների հիվանդությունների ախտորոշման ամենատարածված մեթոդն է: Դրա հիմնական նպատակը քաղցկեղի պաթոլոգիաների հայտնաբերումն է: Ընթացակարգի ժամանակ հյուսվածքի լորձաթաղանթի կասկածելի հատվածից կատարում են նմուշառում և ուսումնասիրում դրա բջջային կառուցվածքը: Ընթացակարգը հնարավորություն է տալիս ճշգրիտ ախտորոշելու և որոշելու չարորակ նորագոյացությունների նշանները:

Բիոպսիան նախատեսված է հետևյալ հիվանդությունների և պաթոլոգիական պայմանների կասկածի դեպքում.

• Արգանդի վզիկի դիսպլազիա

Այն բնութագրվում է ատիպիկ էպիթելի բջիջների առկայությամբ, որոնք չարորակ դառնալու հակում ունեն։

• Լեյկոպլակիա

Այս պաթոլոգիան բնութագրվում է հարթ էպիթելի հաստացմամբ և խտացմամբ:

• Պոլիպներ

Այս գոյացությունները հայտնվում են արգանդի պարանոցի և ցերվիկալ ուղու լորձաթաղանթի վրա, համարվում են բարորակ։

• Տափակ կոնդիլոմաներ

Այս կազմավորումներն առաջանում են վարակիչ վիրուսի հետևանքով, ախտահարում են արգանդի պարանոցը:

 

Բիոպսիայի տեսակները

• Պունկցիա

Այն իրականացվում է՝ օգտագործելով հատուկ ասեղ, հիմնականում առանց ցավազրկման:

• Կոնխոտոմ

Ընթացակարգը իրականացվում է հատուկ մկրատի կիրառմամբ, տեղային անզգայացմամբ:

• Էլեկտրական դանակի միջոցով իրականացվող բիոպսիա:

Այն իրականացվում է տեղային անզգայացմամբ, ամբուլատոր պայմաններում:

• Հատուկ դանակի միջոցով իրականացվող բիոպսիա:

Ընթացակարգը նախատեսված է պունկցիայով իրականացված բիոպսիայի կասկածելի արդյունքների դեպքում։

• Ռադիոալիքային

Քննությունն իրականացվում է ռադիոալիքների միջոցով, տեղային անզգայացմամբ։ Ախտորոշման այս տարբերակը խորհուրդ է տրվում այն կանանց, ովքեր հետագայում պլանավորում են հղիություն։

• Լազերային

Նման բիոպսիան իրականացվում է լազերային ճառագայթի կիրառմամբ, կարճատև ընդհանուր ցավազրկմամբ, թույլ է տալիս հեռացնել կոնդիլոմաներն ու պոլիպները:

• Շրջանաձև

Օգտագործվում է էլեկտրաբուժական ապարատ կամ ռադիոալիքային դանակ:

• Էնդոցերվիկալ կյուրետաժ

Քննությունն իրականացվում է տեղային անզգայացմամբ։

Այս մեթոդն այնքան էլ տեղեկատվական չէ։

Արգանդի պարանոցի էկտոպիայի և այլ պաթոլոգիաների հայտնաբերման համար իրականացվող կենսազննումից հետո կինը պետք է հետևի այս ցուցումներին։

• 1 շաբաթ բացառել սեռական հարաբերությունը,

• Չայցելել սաունա, բաղնիք, լողավազան, չընդունել տաք լոգանք, սահմանափակել ֆիզիկական ծանրաբեռնվածությունը,

• Չընդունել արյան նոսրացմանը նպաստող դեղամիջոցներ,

• Սահմանափակել նստած դիրքը, որի դեպքում մեծանում է արգանդի պարանոցի վրա գործադրվող ճնշումը,

• Հրաժարվել հեշտոցի համար նախատեսված դեղամիջոցներ օգտագործելուց մոմիկներ, հաբեր և լուծույթներ:

Նմանտիպ միջոցները կարող են օգտագործվել միայն այն դեպքում, եթե կան ցուցումներ բժշկի կողմից:

 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 
 
 
 
 

 
 
 
 

 
 

Ամեն ինչ արգանդի միոմայի մասին

Ամեն ինչ արգանդի միոմայի մասին

Միոման (ֆիբրոմա, լեյկոմիա) արգանդի մկանների կամ միոմետրիայի բարորակ ուռուցք է

9 փաստ՝ ինտիմ հիգիենայի մասին, որ յուրաքանչյուր կին պետք է իմանա

9 փաստ՝ ինտիմ հիգիենայի մասին, որ յուրաքանչյուր կին պետք է իմանա

Եկեք պարզենք ինտիմ հիգիենայի նրբությունները

12 կարևոր փաստ լիբիդոյի մասին

12 կարևոր փաստ լիբիդոյի մասին

Լիբիդոն մի փոքր ավելի բարդ է, քան սովորական սեռական ցանկությունը

Միֆեր տեստոստերոն հորմոնի մասին

Միֆեր տեստոստերոն հորմոնի մասին

Տեստոստերոնն առավել մեծ քանակությամբ արտադրվում է տղամարդկանց օրգանիզմում, սակայն այն պակաս կարևոր չէ նաև կանանց առողջության և լավ ինքնազգացողության համար։