Արգանդի պարանոցի պլաստիկա

Արգանդի պարանոցի պլաստիկան կատարվում է պարանոցի ձևախեղումների դեպքում, որոնք կարող են առաջանալ ծննդաբերական պատռվածքների, աբորտի, բորբոքման, նորագոյացությունների և այլ պատճառներով։

Ցուցումները

Արգանդի պարանոցի պլաստիկան կատարվում է հետևյալ ցուցումների դեպքում՝

• սպիների պատճառով առաջացած ձևախեղում, 
• սինեխիաներ, ցերվիկալ կանալի կպումներ, 
• վնասվածքներ, 
• զարգացման առանձնահատկություններ, 
• արտաքին օղի սերտաճում և այլն։ 

Նախապատրաստումը վիրահատությանը

Նախապատրաստումը ենթադրում է մի շարք հետազոտությունների իրականացում, որոնց արդյունքների հիման վրա հստակեցվում է հակացուցումների բացակայությունը, և մի շարք մասնագետների խորհրդատվություն՝

• մասնագիտական խորհրդատվություն՝ գինեկոլոգի, թերապևտի, անեսթեզիոլոգի, 
• լաբորատոր հետազոտություններ՝ արյան ընդհանուր և կենսաքիմիական հետազոտություն, ռեզուս-գործոնի որոշում և այլն, 
• կոլպոսկոպիա, քսուքի և ՊԱՊ քսուքի հետազոտություն, 
• ՈւՁՀ, 
• թոքերի ռենտգեն հետազոտություն, 
• էլեկտրասրտագրություն։ 

Վիրահատությունը

Վիրահատությունը կատարվում է ընդհանուր անզգայացմամբ և ուղղված է լինում սպիի հեռացմանը և դեֆորմացիայի վերացմանը։

Վերականգնումը վիրահատությունից հետո

Հարկավոր է վիրահատությունից հետո մեկ ամսվա ընթացքում բացառել ֆիզիկական ծանրաբեռնվածությունև սեռական կյանքը, սաունան, բաց ջրամբարներում և լողավազաններում լողալը։

Աղբյուրը