Ի՞նչ են ներառում հղիության ընթացքում իրականացվող երեք սքրինինգները և ինչո՞ւ է պետք դրանք իրականացնել սահմանված ժամկետներում

Ի՞նչ են ներառում հղիության ընթացքում իրականացվող երեք սքրինինգները և ինչո՞ւ է պետք դրանք իրականացնել սահմանված ժամկետներում

Հղիության ընթացքում իրականացվող սքրինինգը հետազոտությունների համալիր է, որը թույլ է տալիս ծնողին և բժշկին ստանալ ամբողջական տեղեկատվություն դեռևս չծնված երեխայի առողջության վերաբերյալ: Հղիության ընթացքում պարտադիր է առնվազն երեք անգամ իրականացնել սքրինինգային հետազոտություն:

Առաջին սքրինինգ

Ուշադրության կենտրոնում է անատոմիական կառույցների գնահատումը և քրոմոսոմային հիվանդությունների զարգացման ռիսկը։ Հետազոտությունը ներառում է ՈՒՁՀ-ն և արյան հետազոտությունը, որն իրականացվում է հղիության 11-ից 13/6-րդ շաբաթականների ընթացքում: Այս ժամանակաշրջանում պտղի չափը 45-84 մմ է:

Առաջին ուլտրաձայնային հետազոտության ընթացքում բժիշկը գնահատում է պտղի անատոմիական կառույցների զարգացումը: Քրոմոսոմային հիվանդություն ունեցող պտուղն իր անատոմիայով հաճախ (բայց ոչ միշտ) տարբերվում է: Նորմալ զարգացումից հնարավոր շեղումները բացահայտվում են ուլտրաձայնային հատուկ ցուցիչների շնորհիվ, և շեղումներ ունեցող պտուղները ներառվում են քրոմոսոմային հիվանդությունների բարձր ռիսկային խմբի մեջ:

Առաջին սքրինինգը չի սահմանափակվում ուլտրաձայնային հետազոտությամբ: Կինը նաև հանձնում է երակային արյան նմուշ` երկու հատուկ հորմոնների ուսումնասիրման նպատակով. PAPP-A (պլազմային սպիտակուց A) և HCG (մարդու խորիոնային գոնադոտրոպին), որոնք արտադրվում են պտղաձվի խորիոնային հյուսվածքից` հղիության վաղ ժամանակաշրջանից սկսած: Այս հորմոնների մակարդակները հավանական շեղումներ ունեցող պտուղ կրող հղիների մոտ տարբերվում են։ Այսպիսով, առաջին սքրինինգի ընթացքում գնահատվում է պտղի անատոմիական կառույցների զարգացումը և քրոմոսոմների քանակի կամ կառուցվածքի հետ կապված քրոմոսոմային հիվանդությունների հավանական ռիսկը:

Երկրորդ սքրինինգ

Ուշադրության կենտրոնում են անատոմիական կառույցները և ներքին օրգանների զարգացումը։ Ուսումնասիրությունն իրականացվում է հղիության 18-ից 22-րդ շաբաթականների ընթացքում: Այս ժամկետներն ունեն հիմնավորում: Փաստն այն է, որ հղիության 22-րդ շաբաթականում պտուղն արդեն հասնում է 500 գ զանգվածի: Երկրորդ սքրինինգի ժամանակ իրականացվող ուլտրաձայնային հետազոտության նպատակն է ոչ միայն ֆոտաչափական պարամետրերի ուսումնասիրությունը, այլև կենսական օրգանների անատոմիական բնութագրերը:

Պտուղն արդեն բավականաչափ մեծ է լինում, որպեսզի ավելի հստակ գնահատվի նրա անատոմիական կառույցների զարգացումը: Այսպիսով, օրինակ, սիրտը դառնում է ավելի մեծ. եթե առաջին եռամսյակում դրա տրամագիծը ընդամենը 6-8 մմ է լինում, ապա երկրորդ եռամսյակում՝ 18-22 մմ: Նման չափսերի դեպքում ավելի հեշտ է մանրամասն գնահատել սրտի անատոմիան, բացահայտել զարգացման բնածին արատները:

Երկրորդ եռամսյակի արյան կենսաքիմիական ուսումնասիրությունը կատարվում է բժշկի ցուցմամբ` առաջին սքրինինգային հետազոտության ժամանակ ստացված կասկածելի ցուցանիշների կամ դրանց բացակայության դեպքում։

Երրորդ սքրինինգ

Ուշադրության կենտրոնում պտղի մոտ առավել ուշ դրսևորվող բնածին արատների բացառումն է։ Երրորդ սքրինինգն իրականացվում է հղիության 30-ից 34-րդ շաբաթականների ընթացքում: Կան մի շարք բնածին արատներ, որոնք ուշ են դրսևորում: Սրանք պտղի այն հիվանդություններն են, որոնք դրսևորվում են հղիության միայն 28-րդ շաբաթականից հետո, հետևաբար կարող են հայտնաբերվել միայն երրորդ եռամսյակի ՈՒՁՀ-ի ժամանակ: Դա կարող է լինել, օրինակ, հենաշարժողական կամ միզասեռական համակարգերի հետ կապված արատների զարգացում։

Բոլոր ՈՒՁՀ-ների ընթացքում գնահատվում է պլացենտայի հասունության աստիճանը և դիրքը, չափվում է ամնիոտիկ ինդեքսը (պտղաջրերի քանակի ուսումնասիրություն): Սքրինինգային հետազոտության բաղադրիչ մաս է կազմում նաև անոթների դոպլերոգրաֆիան:

Դոպլերոգրաֆիա

Դոպլերոգրաֆիան ներառված է ընդհանուր սքրինինգային հետազոտության մեջ, քանի որ հրաշալի արտացոլում է արգանդա-պլացենտար և պտուղ-պլացենտար արյան հոսքերը և թույլ է տալիս բացահայտել արյան շրջանառության խախտումների տարբեր աստիճաններ:

Դոպլերոգրաֆիան օգնում է բժշկին համոզվելու, որ երեխան նորմալ զարգանում և բավականաչափ սնուցում ու թթվածին է ստանում: Բացի դա, վերջին սքրինինգը թույլ է տալիս բացահայտել պտղի աճի դանդաղումը, և օգնում է բժշկին ձեռնարկելու հղիությունը հաջողությամբ ավարտելու բոլոր  անհրաժեշտ միջոցները:

 

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 
 
 
 
 
 
 

Ի՞նչ է հարկավոր վերցնել Ձեզ հետ ծննդատուն գնալիս

Ի՞նչ է հարկավոր վերցնել Ձեզ հետ ծննդատուն գնալիս

Առանձին թղթապանակում հարկավոր է հավաքել բոլոր անհրաժեշտ փաստաթղթերը և դրանց կրկնօրինակները

Ինչո՞ւ է վատանում տեսողությունը հղիության ընթացքում

Ինչո՞ւ է վատանում տեսողությունը հղիության ընթացքում

 Հղիության ընթացքում կնոջ մոտ փոփոխվում է հորմոնալ ֆոնը, մեծանում է սրտանոթային համակարգի ծանրաբեռնվածությունը, ինչն էլ ազդում է աչքաբիբերի արյան շրջանառության վրա

Ավելորդ քաշը խոչընդոտում է հղիանալու

Ավելորդ քաշը խոչընդոտում է հղիանալու

Ավելորդ քաշը հաճախ օրգանիզմում տարբեր հիվանդությունների զարգացման պատճառ է դառնում:

Տրանեկսամաթթուն հղիության ընթացքում

Տրանեկսամաթթուն հղիության ընթացքում

Հղիության ընթացքում կարող են առաջանալ տարբեր բարդություններ