Ինչ անել լեզվի այրվածքի դեպքում

Ինչ անել լեզվի այրվածքի դեպքում

Լեզուն կարող է ստանալ ջերմային այրվածք՝ տաք խմիչքի կամ ուտելիքի պատճառով, կամ քիմիական այրվածք՝ քիմիական նյութերի պատճառով:

Բժշկական օգնություն միշտ չէ, որ անհրաժեշտ է. ամեն ինչ կախված է այրվածքի ծանրության աստճանից և պատճառներից: Ախտանիշները, որոնք կախված են այրվածքի ծանրության աստիճանից, երեքն են՝

• Առաջին աստիճանի այրվածքի դեպքում վնասվում է բերանի խոռոչի և լեզվի հյուսվածքի վերին շերտը, որտեղ առաջանում է կարմրություն և այտուց, իսկ տուժած հատվածում՝ ցավ և այրոց:

• Երկրորդ աստիճանի այրվածքի դեպքում ավելի ծանր է վիճակը, քանի որ այրվածքի պատճառով առաջանում են բշտիկներ և ուժգին ցավ:

• Երրորդ աստիճանի դեպքում վնասվում է լեզվի խորքային հյուսվածքը, որը կարող է այտուցվել, սպիտակել կամ վառվել: Սա ուղեկցվում է թմրածությամբ և շատ ուժեղ ցավով:

Անկախ այրվածքի ծանրության աստիճանից՝ վնասվում են համային ընկալիչները: Հետևաբար, մարդը կարող է համ չզգալ:

Քիմիական նյութերի պատճառով ստացած այրվածքի ախտանիշներ

Ամենից հաճախ մարդիկ այրվածքներ են ստանում թթուների կամ ալկալիների հետևանքով, երբեմն էլ խտացված լվացող միջոցների, որոնք ներառում են գրգռող բաղադրիչներ: Օրինակ, վտանգավոր են քացախաթթուն կամ էսենցիան, ամոնիակի լուծույթը և ջրածնի պերօքսիդը։ Նրանց ներթափանցումից հետո վնասվում են բերանի լորձաթաղանթը, կերակրափողը, շնչառական ուղիները, ինչպես նաև ի հայտ են գալիս թունավորման նշաններ՝ քիմիական իոնների ներծծման պատճառով:

Կարող են առաջանալ հետևյալ ախտանիշները.

• Լեզվի, քթի, կոկորդի, կրծքավանդակի և ստամոքսի ցավ ու այրոց,

• Լորձաթաղանթի վրա առաջացած կեղև, որը ձևավորվում է թթուների պատճառով ստացած այրվածքների դեպքում,

• բերանի հյուսվածքների այտուցվածություն,

• փսխում, փորլուծություն՝ երբեմն արյունով,

• դժվարացած շնչառություն,

• գլխացավ,

• գիտակցության կորուստ,

• արյան ճնշման անկում,

• սրտի ռիթմի խախտում:

Եթե տուժողը ժամանակին չներկայանա բժշկի, կարող է մահանալ լյարդի կամ երիկամի վնասվածքի պատճառով:

Ինչ անել լեզվի այրվածքի դեպքում

Ամեն ինչ կախված է այրվածքի ծանրության աստիճանից և պատճառներից: Եթե մարդը քիմիական նյութ է կուլ տվել, ապա հարկավոր է շտապօգնություն կանչել: Երկրորդ կամ երրորդ աստիճանի ջերմային այրվածքի դեպքում նույնպես անհրաժեշտ է շտապ դիմել բժշկի։

Ինքնաբուժությամբ զբաղվելը վտանգավոր է: Երբ կարող եք հաղթահարել խնդիրը առանց բժշկական օգնության: Նույնիսկ եթե այրվածքը չնչին է, չի կարելի խմել տաք ըմպելիքներ, մինչև չվերականգնվի լորձաթաղանթը:

Ինչ կարելի է անել տնային պայմաններում

Առաջին աստիճանի ջերմային այրվածքների դեպքում խորհուրդ է տրվում.

• Խմել սառը ջուր կամ մի քանի րոպե ողողել բերանը

• Սառույցի կտորներ դնել լեզվի վրա

• Լուծել 1/8 թեյի գդալ աղը մի բաժակ ջրի մեջ և ողողել բերանը

• Ընդունել ցավազրկող միջոց

• Լեզվի վրա ցանել շաքարավազ կամ քսել մեղր` ցավը թեթևացնելու համար

Ինչ է անելու բժիշկը

Քիմիական այրվածքի դեպքում հիվանդանոցում նախևառաջ կատարում են ստամոքսի լվացում, որպեսզի հնարավորինս շուտ հեռացվեն վտանգավոր նյութի մնացորդները: Հետագա գործողությունները կախված կլինեն այրվածքի և մարսողական համակարգի վնասվածքի ծանրության աստիճանից:
 
 Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 
 

Առաջին օգնության կանոններ, որոնք յուրաքանչյուրը պետք է իմանա

Առաջին օգնության կանոններ, որոնք յուրաքանչյուրը պետք է իմանա

Ի՞նչ անել նախքան օգնություն ցուցաբերելը

Ինչպե՞ս նվազեցնել շաքարի մակարդակն արյան մեջ

Ինչպե՞ս նվազեցնել շաքարի մակարդակն արյան մեջ

Առողջ մարդիկ և նրանք, ովքեր ունեն նախաշաքարախտային վիճակ պետք է հետևեն արյան մեջ շաքարի մակարդակի ցուցիչներին, որպեսզի չզարգանա շաքարախտ, իսկ դիաբետիկները պետք է հետևեն, որպեսզի բարդություններ չառաջանան

Ալերգիայի 7 ախտանիշներ, որոնք կարող են դրսևորվել ողջ տարվա ընթացքում

Ալերգիայի 7 ախտանիշներ, որոնք կարող են դրսևորվել ողջ տարվա ընթացքում

Չոր հազ Եթե հազը շարունակվում է ավելի քան երեք շաբաթ, դա կարող է վկայել ալերգիայի մասին

8 միջոց՝ փռշտոցը դադարեցնելու համար

8 միջոց՝ փռշտոցը դադարեցնելու համար

Փռշտոցը ռեֆլեքս է, որը տեղի է ունենում քթի լորձաթաղանթի գրգռման արդյունքում